|
رد: الاسد الجريح .... يصبح اكثر ضراوه ..... مازيراتي
شكرا ابو نورا ... نورت الموضوع ... وربنا يقدرنا دايما و نعمل موضوعات كويسه تعجب الناس
ومن بعض ما عندكم يا ريس .... انت اهل الذوق و الاخلاق والتواضع و مجيتش متأخرتش و لا حاجه ... هما الناس بس دخلو على البوفيه بعد الزفه على طول .... ههههه |
رد: الاسد الجريح .... يصبح اكثر ضراوه ..... مازيراتي
انا طبعا مبسوط جدا من المشاركات و وذوق كل الناس اللي شاركت و احييهم على مشاركتهم
بس كان نفسي الناس تقول رأيها عن الشركه اكتر من رأيها عن الموضوع .... يعني شايفين انها تقدر تستمر امام شركات زي مرسيدس و بي ام و اوستن و جاجوار ... و لا حتكون شركه متفرده بذاتها (زي بوجاتي مثلا) تعمل عربيات للصفوه خصوصا ان عربياتها غاليه جدا .... ولا هي عايشه بس على امجاد الماضي ببركه دعا فيراري و الفا ؟...و فيات بتزق ... اسئله كتير يعني مش حزعل لو حد جه قال مازيراتي دي خلاص راحت عليها و العربيتين اللي بتعملهم دول حلاوه روح ... وكدا يعني .... بالعكس .... انا نفسي بسأل السؤال ده و عايز اعرفه الجران توريزمو و الكواترو يعملو في مصر 3 مليون جنيه الواحده ... ضعف سعر الجاجوار XK8 و الاسعار دي من ملحق اخبار السيارات 3-1-09 ... لأني عمري ما شوفت مازيراتي في مصر انا منكرش اني تعبت في الموضوع وحاولت اخرجه بأحسن صوره ... بس هدفي ان الناس تشارك برأيها من خلال المعلومات اللي عرضتها و اللي الناس تعرفها .... وكدا الموضوع يفيد الناس فعلا ... ودي تبقى احلا مشاركه ptmnlo123per1126 وشكرا للجميع و يارب يكون الموضوع عجبكم و افادكم ptmnlo123per122 |
رد: الاسد الجريح .... يصبح اكثر ضراوه ..... مازيراتي
سامح باشا ،،
الشركات دي الأعلي ربحيه في العالم و عشان كده يوم ما واحدة منهم تتعرض للبيع خمسين الف واحد يتمنوا يشتروها و علي فكرة ممكن تكون شركة زي مازيراتي مش خطتها انها تتوسع في الانتاج اساسا دول بيعكسوا المبدأ بيع قليل و اكسب كتيييييييييييير عشان كده كل الشركات في العالم بتحلم بانها تحط رجلها في سوق السيارات الفاخرة هوا عايز يبيع كام عربية في السنة بمبالغ خرافية و دمتم فحكاية هتستمر و تستطيع المنافسه فهيا هتستمر و تستطيع المنافسة |
رد: الاسد الجريح .... يصبح اكثر ضراوه ..... مازيراتي
بالضبط زي ما احمد باشا انور قال
مزيراتي مش من خطتها انها تزود موديلاتها الموديلين دول معمولين للصفوه يكفي ان المزيراتي في الامارات مش بيركبها غير الامراء و بعدين كل الشركات دي تحت فيات و فيات بتدعمهم كويس |
رد: الاسد الجريح .... يصبح اكثر ضراوه ..... مازيراتي
عندهم تاريخ - سمة خاصة - تكنولوجيا - نجاح اقتصادى
يبقى ليه مش هتستمر ومين يقدر يضيع كل ده الازمة الاقتصادية بعيده عنها تماما لانها هتأثر على الكيانات الاكثر ضخامة اكتر وعلى الشركات اللى بتنتج بشكل كبير ولفئات متعددة من الناس لكن الوضع بالنسبة لميزاراتى مختلف تماما لا عندهم mass production ولا ينفع اصلا زى ما وضح احمد انور وانتاجهم لشريحة واحدة (A+++) صفوه صفوه الصفوه لكن تنافس مرسيدس وبى ام معتقدش خالص اولا لكل ماسبق وثانياً اصلاً بتخاطب رغبات معينة وبتقدم ذوق وطعم خاص لسيارة تختلف عما تقدمة العمالقة الالمان (البافارية ومرسيدس) متقلقش سامح هتفضل موجوده شد حيلك انت بس اقبض الجمعية اللى انت عاملها علشان تشتريها يا اما حط اللى معاك مقدم وجيبها قسط وخلاص على خمس قرون ptmnlo123per122 |
رد: الاسد الجريح .... يصبح اكثر ضراوه ..... مازيراتي
على فكره العربيات ديه لو باعت كميات كبيره إقروا عليها الفاتحه
لأن مقتنوها أصلا بيجيبوها للتميز والإنفراديه فلو إنتشرت زي مرسيدس أو بي إم يبقى فقدت بريقها وماينفعش ساعتها إنها تتباع بالأسعار إللي بتتباع بيها ولا تتعمل بنفس الخامات إللي بتتعمل منها ولا حتى تتصنع بنفس الأسلوب (يدوي hand made ) لضمان التميز يارجاله كل حاجه محسوبه عند الناس ديه هما عارفين بيعملوا إيه فيه تارجت مبيعات معين وكمان تارجت زبون معين ، الماركه ديه مش حتبقى سياره شعبيه (أقصد على مستوى السيارات الفاخره زي مرسيدس و بي إم دبليو كمثال) لأن ده هوه هدفهم عدد قليل = سعر عالي جدا نظرا للتميز والندره = عدد محدود من الزبائن مضمونين على مستوى العالم مفيش حاجه ممكن تتعمل من غير خطه مسبقه لازم نبقى متأكدين من كده إحنا بس إللي بنفكر بطريقه أحيانا عشوائيه وبها كثير من الإتكاليه والتواكل وده مش مبدأ الخواجه ptmnlo123per1127 |
رد: الاسد الجريح .... يصبح اكثر ضراوه ..... مازيراتي
كلاااام جمييييل ... ومنطقي و مقنع جدا ....
لكن من ساعه ما قريت و انا عمال افكر .... طيب ما هي الشركه فلست اكتر من مره و كانت بتضيع لولا التدخل الايطالي ... و حتى لما مسكها اليساندرو دي توماسو ... و كان يقال عنه انه رجل اعمال يعرف يجيب فلوس ... برضو مصمدتش الشركه معاه و يادوبك فضلت عايمه ... لحد ما مسكتها فيات و قعدت سنين عاشان تقومها على رجليها ..... بصراحه قريت كلام حضراتكم الصبح و قعدت افكر شويه .... مرضتش استعجل في الرد ... وكل شويه الموضوع ييجي على بالي زي لمبه تنور وتطفي لكن موضوع اجماع حضراتكم انها للامرا و الصفوه وجهني لنقطه مهمه اوي .... ايه هي عربيات الصفوه بنتلي ... رولز رويس ... مايباخ ... وممكن برضو نقول لامبورجيني و فيراري كمنافسين لمازيراتي في وقت من الاوقات طيب الشركات دي اغلبها كان على وشك الافلاس ... لكن وضعهم النهارده مختلف ... يعني ايه .... يعني بنتلي و بوجاتي وراهم فولكس مايباخ .... مرسيدس رولز رويس وراها بي ام لامبورجيني وراها اودي مازيراتي وراها فيات و فيراري وزي ما قال حازم باشا .... بس كنت محتاج اقلبها في دماغي شويه ... ايه معنى ان فيات تدعم مازيراتي ... فعلا تفرق كتيييير وكدا يبقى الكلام مظبوط تمام مازيراتي كانت بتفلس لأنها كانت معتمده على نفسها و بتنافس فيراري و صعب جدا تطور نفسها مع مبيعات ضعيفه مهما كان سعرها لكن النهارده مازيراتي وراها تقنيه فيراري و دعم فيات و بالتالي استثمار ناجح لانها بتستغل تقنيه و هندسه فيراري في انتاج عربيه فاخره للصفوه ... زيها زي بقيت الشركات وبالتالي صعب ان اي شركه مهما كانت مميزه او غاليه انها تقف على رجليها لوحدها ولازم راعي رسمي كدا انا هضمت المسأله .... ومتشكر جدا على اهتمامكم و الرد بس انت عارفني يا ابونورا ... مبجيبش قسط حتى لو كات 3 مليون جنيه .... جمعيه بقى على 300 سنه يكونو اخترعو حاجه جديده و لغو العربيات |
| الساعة الآن 12:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017