مصر موتورز مجتمع السيارات - سؤال غريب شوية للبايكرز

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - سؤال غريب شوية للبايكرز (https://www.masrmotors.com/vb/showthread.php?t=43211)

رد: سؤال غريب شوية للبايكرز

اقتباس:

المشاركة الأصلية كتبت بواسطة nktis (المشاركة 316341)

بس واضح ان الجولد ده عايز عنتيل في السواقه شكلها مكنه تقيله جدا حتي ده واضح يعني بيتهيقلي مينفعش اي حد يميل بيها في دوران لازم يكون معلم..

عندك حق انا ركبت واحد جولد وينج ( على الواقف طبعا ) ايه ده طالع فوق الجبل يابا وايه الوزن ده اكنك بتعدل فى جمل قول جاموسة قول فيل حاجة كدة من اللى تيجى تعدلها تقوم هى اللى عدلاك بس ماقولكش اتعدلت صح قصدى اتلوحت بجد من وزنه ومن فخمته ده فخيم اوى ياجدعان ربنا يوعدنا

رد: سؤال غريب شوية للبايكرز

اقتباس:

المشاركة الأصلية كتبت بواسطة otefa (المشاركة 316137)

هو الهدؤ ليه متعة وضرورة لصحة الأنسان مافيهاش كلام .......حلوة دي هههههههه
الصوت العالي للشكمان بيضيف نقطة مهمة لعوامل أمان البايكرز(الصوت بيلفت نظر السيارات والمشاة لوجود بايك قريب منه............ ده حتي بيبعد الحيوانات الضالة)
بالنسبة للبايكر مش هايفرق معاه الصوت لأن من أحتياطات السلامة أستخدام سدادات في الودن علشان السمع مايضعفش نتيجة لعنف صوت الهواء علي السرعات وصوت الموتور والشكمان.

كلام سليم 100 %
وقريته قبل كدة في منتديات أجنبية

سؤالي لحضرتك:
فين ألاقي سدادت الأذن دي؟ أنا عايزها مش بس عشان السواقة...كمان عشان الدوشة الغير معقولة بتاعت فترة خروج الولاد من المدارس ولحظات الاختناقات المرورية

رد: سؤال غريب شوية للبايكرز

اقتباس:

المشاركة الأصلية كتبت بواسطة SmoothRider (المشاركة 316415)

تلاقيها في الصيدليات

رد: سؤال غريب شوية للبايكرز

سدادات الأذن بتتباع فى الصيدليه
وممكن تعملها بأيدك
انا اتعلمتها من م/ محمد otefa
ممكن تجيب قطعتين قطن
وتعملهم بشويه فازلين
هايعملو الواجب وزياده كمان 444546

رد: سؤال غريب شوية للبايكرز

اقتباس:

المشاركة الأصلية كتبت بواسطة nktis (المشاركة 316421)

تلاقيها في الصيدليات

شكرا يا نوح
بحكم خبرتك الطويلة، أنهي أحسن نوع؟

اقتباس:

المشاركة الأصلية كتبت بواسطة omarken (المشاركة 316434)

شكرا يا عمر باشا...عمر برضه مش كدة؟

رد: سؤال غريب شوية للبايكرز

اقتباس:

المشاركة الأصلية كتبت بواسطة SmoothRider (المشاركة 316442)

شكرا يا عمر باشا...عمر برضه مش كدة؟

تمام يباشا 444546

رد: سؤال غريب شوية للبايكرز

وزي ما عمر باشا قال أن القطن مع فازلين طبي أقوي بكتير من الي في الصيدليات ده غير أنك ممكن تتحكم في درجة عزل الصوت بكمية القطن وكمية الفازلين