مصر موتورز مجتمع السيارات - مشكلة فى مؤشر البنزين فى لانوس 2011 ارجو النصيحة

السلام عليكم ورحمة الله,

أنا كمان حصلت معايا لما اشتريت العربية بتاعتي(دايو لانوس2006)

المهم قعدت مدة يمكن شهر أفول بنزين وأمشي وأفول وأمشي الخ.. بس مؤشر البنزين كان معلق على النص لا بيطلع ولا بينزل, المهم قولت مابدهاش روحت عند كهربائي كويس وقالي المشكلة من العوامة عندك, وقالي تعالى الصبح بدري عشان نغيرهالك, قولتلو ماشي,

وروحت له تاني يوم الصبح بدري وفك الكنبة اللي ورا, وطلع طرمبة البنزين كلها, وقالي استنى كدا يمكن تكون العوامة معلقة بدل ما تشتري واحدة جديدة بــ 60 جنيه.

وقعد يحرك بيها بإيدو كده وفعلا طلعت معلقة, وركبها وقالي امشي نص ساعة كده بالعربية وشوف.

وخلاص من ساعتها وهي شغالة كويس الحمد لله, والمؤشر بيرتفع لما أعبي بنزين وبينزل لما البنزين يقل. :THUMBS~220:

تقبلو تحياتي,,