مصر موتورز مجتمع السيارات - افضل عشر محركات فى العالم لعام 2008

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - افضل عشر محركات فى العالم لعام 2008 (https://www.masrmotors.com/vb/showthread.php?t=4203)

رد: افضل عشر محركات فى العالم لعام 2008

اقتباس:

المشاركة الأصلية كتبت بواسطة sam ram (المشاركة 16216)

متقلقش يا محمد .... الامريكاني خلاص بيودع و حيبقى ارشيف ... يعني شغله خفيف خفيف
وبعدين انت حتجاوب من الذاكره على الاسئله بتاعت الناس ... يعني تفريغ معلومات ...هههههه
فكره حلوه .... وحتفيد المنتدى .... ايه رأيك ..... ptmnlo123per122

السيارات الأمريكية سوف تعود لتحقيق مبيعات مرتفعة بعد انتهاء "هسهس" اسعار النفط و "هستيريا" البيئة التى تصيب الأمريكيين من حين لأخر, و هى فترة موسمية تهب على الأمريكيين كل فترة و سرعان ما يعودون الى الموديلات الشرهة الى استهلاك الوقود.
قارن ما يحدث الأن بما حدث مع أزمة النفط الأولى 1973 و الثانية فى 1979.
- اعتماد الشركات على الدفع الأمامى لتوفير الوقود.
- 2008: اتجاه فى الشركات الأمريكية لانتاج سيارات صغيرة و سيارات كهربائية!

- بداية انتشار السيارات الصغيرة و الموفرة.
- 2008: انخفاض فى مبيعات الشركات الأمريكية, لصالح المحركات اليابانية الصغيرة الطنانة و احتلال تويوتا المركز الأول فى المبيعات.

ماذا حدث بعد 1979؟؟!
بعد ان اعتاد الناس أسعار النفط الجديدة, و أصبحت جزءا من حياتهم, عاد الأمريكيون الى ركوب السيارات الضخمة الشرهة للوقود, و البيك أب و الفان و ال4*4 ضخمة القياس, و هى الأنواع التى تتفوق فيها الشركات الأمريكية بشكل واضح,
و هو ما سيحدث بعد سنة أو ربما أقل, سوف ينسى الجميع ما حدث, و سوف ينخفض "الضمير الأخضر", و سوف يعود الأمريكيون الى سياراتهم الضخمة الشرهة للوقود.
لذا فاننى اعتقد أن الشركات الأمريكية فى حالة كبوة فرضتها الظروف الأنية, و هذه الظروف سوف تتغير قريبا جدا.

رد: افضل عشر محركات فى العالم لعام 2008

اقتباس:

المشاركة الأصلية كتبت بواسطة فادى (المشاركة 18184)

انا متفق معاك على ولع الامريكان بالسيارات الضخمه ( فان و بيك اب و اس يو في )
ولو فرضنا ان فتره و( ريما رجعت لعادتها القديمه ) ... حيكون لحد امتى ؟؟
صعب نقارن حاله السبعينات بالوضع الحالي
البترول اجلا او عاجلا حينتهي ولازم بديل
العالم كله بيتجه لبدائل الوقود ومحركات هجينه او اقل معدلات استهلاك
وسيارات خضراء بتأديه عاليه واقل نسب انبعاثات

اعتقد حنكون متفقين على ان الدماغ الامريكي قايم على ان صوت الموتور اهم من قوته و السعه اللتريه و عدد الاسطوانات اهم من الاداء ....
لكن لو ملقوش بديل يحقق لهم رغباتهم الشرهه غير البترول ... يبقى باي باي امريكا ... مع نفسهاptmnlo123per1146

رد: افضل عشر محركات فى العالم لعام 2008

اقتباس:

المشاركة الأصلية كتبت بواسطة sam ram (المشاركة 18198)

كلامك معقول فعلا يا سامح

بس انت هتلاحظ حاليا ان المجموعات الامريكيه رجعت و اخص فورد و الجنرال

بس كريسلر مالهاش خطط مستقبليه و مالهاش مستقبل اصلا

رد: افضل عشر محركات فى العالم لعام 2008

ابداً لن تعود

الكلام ده كان يصح زمان علشان كانت امريكا نفسها اكبر سوق مستهلك للسيارات فى العالم

دلوقتى الموازين اختلت وبقت امريكا (سوق كبير ماشى) بس مش الاكبر ولا الاكثر اهمية

وده بناء على ماسبق لا على ماهو ات

فاذا افترضنا (جدلاً) ان الحالة الاقتصادية للمستهلك الامريكى رجعت تانى لسابق عهدها

فادلوقتى عندك السوق الصينية والسوق الهندية ودول مجتمعين يكاد يكونوا اكبر من اسواق امريكا واوربا فى الاستهلاك

ده بالاضافة للاسواق (الاستهلاكية) الجديدة زى الشرق الاوسط وروسيا وديه كلها اسواق اما بتنتقل للمعسكر الشرقى (الصناعة اليابانية والصينية) او بتنتج لنفسها باستخدام استثمارات وتكنولوجيا المانية او كورية او اوروبية عامة

فالدور الامريكى فى صناعة السيارات عالمياً بيضمحل فعلا حتى من قبل الازمة الحالية واعتقد ان الازمة الحالية ان لم تكن المسمار الاخير فى نعش السيارات الامريكية فهى على الاقل (وده المؤكد بالنسبة لى) هحجم العملاق الامريكى ليصبح صناعة بمستوى عالمى ومنافسة تعتمد فى الاساس على السوق المحلى (الامريكى)

ابداً لن تعود ونحن جميعا نشهد بداية عصر ضمور العضلات الامريكية على جميع الاصعدة

رد: افضل عشر محركات فى العالم لعام 2008

لازالت لديها تكنولوجيات

و لعل شيفروليه فولت و كاديلاك كونفرج وحدهما قادرتان على تحقيق ارباح في حاله تسعيرهم بسعر معتدل و ايضا في حاله جوده تصنيعهما

رد: افضل عشر محركات فى العالم لعام 2008

ازاي يا جماعه موتور الرائعه نيسان GTR مش موجود؟؟؟؟؟؟؟؟؟؟؟؟؟؟؟؟؟
دا الموتور دا لوحده قفزه تكنولوجيه..