رد: ماشاء الله انتشار اكثرمن رائع لللوجان
 

السلام عليكم..
اولا اشكركم اخوانى علي الاهتمام و الرد المفيد
معلش استحملوتى بس هل الهاتش باك اسهل فى السواقة من السيدان؟
انا مقتنعة ان السيدان احلى فى الشكل بس فعلا خايفة ابهدلها معايا:)
بالنسبة للاتوماتيك انا نفسى اجيب اتوماتيك جدا بس كل الناس خوفونى منها عشان مشاكلها كتير,حاجة تحير مش كده؟و كمان خايفة من اللوجان عشان لسه جديدة و مش كتير بيفهموا فيها.

رد: ماشاء الله انتشار اكثرمن رائع لللوجان
 

السواقة نفسها سواء فى الهاتش باك أو في السيدان ، كل ما فى الأمر ان كل ما العربية بتصغر بتكون معرفة أبعادها أفضل وبالتالى التحكم فيها أحسن.

لو انتى ميالة للوجان أكتر ، فيا ريت الأول تشوفى اللوجان الهاتش باك (السانديرو) لأنى شايف أن شكلها أظرف كتير من اللى معانا.

الأوتوماتيك مشاكله مش كتير ولا حاجة ..
يا ريت كانت اللوجان أوتوماتيك ، كنت جبتها على طول. أنا معايا اللوجان من أكتر من سنة على فكرة، وفاكر لما كنت باشترى استنيت شوية على أمل الاوتوماتيك تنزل ، بسلما قالوا مش هينزل منها أوتوماتيك لم انتظر وقمت بشرائها.

رد: ماشاء الله انتشار اكثرمن رائع لللوجان
 

متشكرة جدا علي ردك و اهتمامك..
انا فعلا كنت بفكر في اللوجان هاتش باك وبقارن بينها و بين البيكانتو ,بس هل لهم نفس المواصفات و الكماليات ,خصوصا ان اللوجان اغلى ب 10000من البيكانتو, الفرق كبير مش كده,انا في المقام الاول يهمنى جودة التقفيل و الخامات و متانة الصاج,يا ترى ايهم افضل؟؟

رد: ماشاء الله انتشار اكثرمن رائع لللوجان
 

مازالت اللوجان في مرحلة ما قبل الإنتشار يا جماعة

اللوجان و السيراتو الجديدة نازلين السوق مع بعض
شوف بتشوف كام سيراتو (و هي ضعف التمن تقريباً) و بتشوف كام لوجان...

اللي انتشرت فعلاً هي السيراتو ... مع ان منافسيها (إلنترا-كروز-كورولا-...إلخ) اقوياء جداً
لكن اللوجان ... لسة شوية..اة موجودة في الشارع...لكن ليس في انتشار السيراتو او رائدة الفئة دي (الفيرنا)

رد: ماشاء الله انتشار اكثرمن رائع لللوجان
 

انا شايف انها انتشرت اوي
انا في واحد جنبي اشتراها اكيد لما شافها معايا

رد: ماشاء الله انتشار اكثرمن رائع لللوجان
 

ارشحلك البيكانتو مع ان عربيتى لوجان سيدان و يا سلام لو لون روش ( فوسفورى - تركواز - ...) حاجة كده حريمى ، لكن اللوجان مش لايقة تسوقها واحدة ست بالاضافة لفرق السعر .

رد: ماشاء الله انتشار اكثرمن رائع لللوجان
 

بسم الله ما شاء الله انتشار للوجان رهيب هنا فى محافظه السويس لازم يوميا اشوف مش ااقل من 10 او 20 عربيه لوجان ده دليل على سمعه اللوجان الجيده وبالنسبه للسياره افضل من مثيلتها وافضل من سيارات فى فئات اعلى كمان ومنها النيو اكسنت