رد: كارينز ولا لانسر بومه
 

1-ما هوا ده اللي انا قلته بالتفصيل! ازاي اساسا تقارن عربيه MPV الايروديناميك بتاعها قليل و ارتفاعها عن الارض كبير ( بيبان اكتر في الملفات و المنحنيات ) بعربيه انسيابيه و واطيه على الارض (نفس شكل السيدان بتنزل منها الرياضيه ) طبعا الثبات محسوم لصالح اللانسر
2-التسارع برضه محسوم لصالح اللانسر خصوصا ال 1.6 لانه مناسب جدا لوزن و جسم العربيه بعكس الكارينز بتنزل بمحرك اقل من اصغر محرك الشركة الام نفسها منزلاه و هي العربيه اساسا عائليه يعني مش بتاعة اداء و تسارع
3- الراجل سأل عن توافر قطع الغيار و انا رديت على قد السؤال مليش دعوه هوا حيوديها لبليه و اللا لمركز صيانه معتمد و اللا التوكيل!!!!!! اللانسر قطع غيارها متوفره زي ال 128 و الكوري!!!! الكارينز مش حيلاقيلها قطع غيار غالبا اللا في التوكيل معناه انه لازم يدفع السعر اللي يقول عليه التوكيل
4- الصيانه يبقى الكارينز احسن لأن التوكيل محترم و ضمانه محترم و ملتزم بحفاظه على سمعته و باحترامه لعملاءه مش بتاع لبط و استهزاء او استخفاف بالعملاء زي التوكيلات التانيه

انا لو حشتري حجيب الكارينز لاني بحب العربيات الواسعه و العاليه و لانها شكلها جديد عن اللانسر و اكثر فخامة