مصر موتورز مجتمع السيارات - ارجو المساعده في تسعير سياره ارجو السرعه132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - ارجو المساعده في تسعير سياره ارجو السرعه132 (https://www.masrmotors.com/vb/showthread.php?t=40074)

رد: ارجو المساعده في تسعير سياره ارجو السرعه132

اقتباس:

المشاركة الأصلية كتبت بواسطة misoalex (المشاركة 290154)

3000 يبقى مش حيشدها حيلصمها ويلزقهالك

يعنى حيديها وش نضافه ويعمل كام حته البارومه الى باينه وطقم شنبر من غير ميغير حاجه فى الموتور لمجرد ان الدخان يروح وانت تشتريها

نصيحه من الاخر يا تبعد عن العربيه دى وتدور على واحده مشدوده ادم عينك
او تاخدها على وضعها وتشدها انت صح تطلع الموتور وتغير كل المحتاج يتغير وتحل الصالون والازاز وتوديها فاضيه للسمكرى يعمل كل السمكره الداخليه والخارجيه وحيلاقى بارومه تحت الازاز كتييييييييييير يعملها طبعا والشنطه برضه اكيد حتلاقى فيها بارومه

وبعد كده ترشها ميتاليك عند صنايعى نضيف وتوديها لكهربائى يظبط الضفيره والاشارات وكل الشغل الى فى العربيه وبعد كده السروجى يقفلها ويعمل الفرش الى انت عاوزه بالون الى انت عاوزه

دى كده اسمها تشد عربيه لكن اتحداك لو صاحب العربيه حيعمل كل ده طبعا هما ال 3 الاف حيعملو ايه ده الموتور اقل واجب حياخد 1000 جنيه دى 132 مش اى عربيه

الحوار ده حيدخل فى 5 الاف تحد الزياده والنقصان حسب المصنعيات وحاله العربيه

فلو انت عاوز تشد العربيه وتربيها على ايدك خدها على وضعها ب 10000 او 11الف بالكتيييييييير وقول حتصرف ال 5 يبقى انت كده شديتها على ايدك وعملت كل الى نفسك فيه

(انا بقولك كل ده لانى مجرب العربيات القديمه واتلسعت كتييييييييير )

الف شكر علي الردود والاهتمام خلاص انا صرفت نظر عن العربيه دي
بس يا ريت توضح يعني ايه اتلسعت كتير من القديم"يعني بلاش قديم احسن"

رد: ارجو المساعده في تسعير سياره ارجو السرعه132

اقتباس:

المشاركة الأصلية كتبت بواسطة zico7m (المشاركة 290466)

الاخ الفاضل الاستاذ zico السلام عليكم ورحمة الله ،
انا معاك ان الزيرو طبعا افضل بكتير لالالالا ده مفيش مقارنه اصلا بين الزيرو او الموديلات العاليه والموديلات القديمه الا فى حاجه واحده اللى كلنا طبعا عارفينها اللى هى قوة الصاج والاكصدامات وكده بالنسبه للقديم والعكس طبعا فى الجديد . بس ده مش معناه ان القديم كله مُتعب وان اللى هيشترى عربيه قديمه هتتحدد اقامته عند الصنايعيه ويفضل كل شويه من كهربائى لميكانيكى ... الخ .. لأ طبعا ده مش صح وبعدين هقولك مثل انا والدى عنده عربيه رينو موديل 80 كان جايبها من الزيرو وبما انه دايما بيحبها زيى انا واخواتى فرد فى الاسره يعنى ههههه تحس انها لسه زيرو ( بالرغم من انها قدمت كتييييييير ) يمكن بس ينقصها التكييف والباور وتبقى موديل 2010 ههههههه فا انت دور على حاجه زى دى او حاجه تصرف عليها اقل ما يٌصرف ويكفى بس الوقفة جنب الصنايعيه ومضيعة الوقت وان شاء الله هتلاقى لأن فى ناس كتير عندها قديم وآنينها ومريحاهم . وربنا يوفقك للكويس

خالص تحيـــــــاتى

رد: ارجو المساعده في تسعير سياره ارجو السرعه132

اقتباس:

المشاركة الأصلية كتبت بواسطة harpoonattack (المشاركة 290574)

الف الف شكر