رد: كارثة أن تمتلك سيارة خاصة في مصر
 

لو ان الكمال اعطى لغير الله لاأعطيت كاتب الموضوع صفة الكمال فى البلاغة لانه ببساطة عبر بالظبط عن كل اللى بيحصل بمصداقية تامة وفق تجربة شخصية مر بها و كذلك المصريون و اعطى وصفا بانوراميا للوضع الحالى -وهذا من وجهة نظرى المتواضعة -و بجد عايزين نغير
الوضع ده

رد: كارثة أن تمتلك سيارة خاصة في مصر
 

ههههههههههههههههههههههههه هههههههههههه

والله انتا استاذ يا عم احمد بجد انتا جيبت كل ما هو في الشارع المصري بيحصل بالملي بس هنعمل ايه لازم نسلم امرنا لله ولازم تجاري امورك في الشارع والا هتروح في الرجلاين واديني عامل فيها قرد وانا سايق يمكن افلح

رد: كارثة أن تمتلك سيارة خاصة في مصر
 

يا راجل ده الاسكندرانية معروفين بالقيادة الجبارة , بس حظرتك اقف كده على الكورنيش بعد الساعة 12 و انت حتعرف الاسكندرانى الصح بيسوق ازاى و يا سلام لو سواق تاكسى.

بصفة عامة انا شايف الخطاء بتاع الناس اللى سايقة و اللى فى الشارع مهو لو كل واحد بس لاسبوع واحد يقول انا حكون الاسبوع ده محترم و هعمل كل حاجة صح فى القيادة

ابتدى بنفسك و خلينا نشوف مرة نعمل حاجة صح

مش حشتم حد
مش حزنق على حد
لو لقيت حد بيكسر علية حسيبو يعدى و كمان حسلم عليه و اشاورلو
لو لقيت حد بيعدى الشارع حسيبو يعدى
حلتزم بالاشارات
مش حرمى حاجة فى الشارع زبالة و غيره
حلغى نظرية البوزز بيييز يعنى دخل بوز العربية فى اى حتة فاضية
مش حضرب كلكس على الفاضى و المليان
مش همشى عكس
مش حلبس اكصدامى فى شنطة اللى ادامى


و الله الاسبوع ده لو حصل الدنيا بعد كده لوحدها حتتظبط