رد: عمرة محرك لانسر 98 - أريد معرفة آرائكم بارك الله فيكم
 

حضرتك أول حاجة تعملها انك تغير الميكانيكي ده وما تتعاملش معاه تاني لأنه لم يحاول تحري الدقة ومعرفة السبب هل هو كاوتش صباب واللا شنبر حضرتك تلاحظ مستوي الزيت كل يومين وتلاحظ اذا كان في دخان بيطلع من الشكمان ولو لقيت ان مستوي الزيت ثابت علي مدار أسبوعين ل 3 أسابيع أو ان الزيت نقص بمقدار بسيط جدا غير ملحوظ وان البوجيه اللي حضرتك غيرته عرق زيت تاني يبقي حضرتك تغير كاوتس الصباب لأنه سبب المشكلة وياريت لو تسأل علي ميكانيكي أمين وكويس

رد: عمرة محرك لانسر 98 - أريد معرفة آرائكم بارك الله فيكم
 

الله يخليك أستاذ : محمود

وأتبع نفس الطريقه إللى قالك عليها

الأخ : طارق صقر

وأنت حتعرف مصدر العيب

وحتبقى على نور وأنت رايح للميكانيكى

رد: عمرة محرك لانسر 98 - أريد معرفة آرائكم بارك الله فيكم
 

ألف شكر ليك يا أستاذ سمير وعامة لا يفتي وأستاذ سمير في مصر موتورز تقبل تحياتي

رد: عمرة محرك لانسر 98 - أريد معرفة آرائكم بارك الله فيكم
 

الله يخليك يا أخى

وبارك الله فيك

على رؤيتك الثاقبه

وفعلا

أنت وضحت للأخ : محمود

الطريقه الصح لمعرفة مصدر العيب

بطريقه سلسه ومبسطه

ومكنش حقول أفضل مما قولت

فشكرا لك على روح التعاون

التى بأتمنى لها أن تسود فى مصر موتورز

رد: عمرة محرك لانسر 98 - أريد معرفة آرائكم بارك الله فيكم
 

بالمناسبه يا أستاذ : محمود

لما تحل وش السلندر لتغيير كاوتش الصباب

أكد على الميكانيكى يعملك روديه ( بيسمى تحضين للصبابات هندسيا )

على أساس يرفعلك كفاءة تطبيع الصبابات على الرأس من أسفل

وبكده حتاخد سحب أفضل من الحالى ووفره فى البنزين

وأيضا

خليه ينظف مجارى التبريد ببلوك الأسطوانات ( على قدر مايستطيع والوش محلول من على المكنه )

لرفع كفاءة عملية التبريد

رد: عمرة محرك لانسر 98 - أريد معرفة آرائكم بارك الله فيكم
 

طبعا كلام الباشمهندس سمير لا غبار عليه و شرح فاوفي
المهم دلوقتي لو لقيت الزيت بينقص كتير
يبقي تجيب زيت شنبر و تحطه مع غيار الزيت و انت بتغير
زيت الشنبر عامل زي عسل النحل و بيدخل يسد الاماكن المتهالكه في الشنابر
امشي عليه سنه ولااتنين لحد ما الموتور يجيب اخره
و ساعتها تغير الموتور بواحد استيراد افضل من العمره

رد: عمرة محرك لانسر 98 - أريد معرفة آرائكم بارك الله فيكم
 

طبعا

أنا بأشكر
أخونا : حازم خضر ( بلدياتى )

على مروره الطيب ووجهة نظره

ولكن حينما أطلعت على كلامك هذا أخى : محمود ( مره أخرى )

أستطيع أن أقول لك

لاتقلق

فالأمر بسيط طالما سحب المكنه ممتاز

والأمر برمته لن يتعدى تغيير كاوتش الصبابات

مع بعض الأعمال الخفيفه كما بينت لك سابقا

وأنت برضه من خلال أستعمالك السابق للسياره

تقدر تحكم

المكنه كانت بتاكل زيت ولا لا

بغض النظر عن غيارك الحالى للزيت