رد: عجيب أمركم يامصريين
 

دى الحكومة تعرفها اكتر مننا وبعدين لو 80 مفيش مشكلة بردو احنا بنتكلم عن السرعات الجنونية الى بتكسر ال 120 وتعدى كمان

على فكرة انت فهمتنى غلط وانا مش القصد انى اغلط فيك على الاطلاق ولو انت اعتبرتها كدا فأنا ياسيدى بعتذرلك أدام المنتدى كلو

لاكن انا هضربلك مثال لو شفت اخويا الصغير او حتى الكبير ولقيته ماشى بسرعة جنونية عالية جداً وقولتله بطل استهبال هل كدا بشتمه او القصد انى اغلط فيه ؟؟ انما كلامى لمصلحته فقط وربما تكون طلعت بتلقائية تامة لإن الغرض من كلامى النصح والارشاد وليس السب كما توقعته انت

بردو بأكد وبقول ان القصد من كلامى مش الغلط اطلاقاً وراجع ردى على الاقتباس السابق
بالنسبة للى بيديك ال 150 جنيه فكل انسان على نفسه بصير انا مش بديك حاجة وربنا يكرمك ويكتر من مخالفاتك دا شئ يرجعلك لاكن لما بنصح بنصح بغرض السلامة ولو ان فى شئ من العشم والتلقائية لاكن على مايبدو ان المعاملة ميرى ,, مش موضوعنا طبعاً

بالنسبة لموضوع الوصول بسرعة احب اقولك انك لما تبالغ فى السرعة ممكن لا قدر الله متوصلش اطلاقا ً والحدق يفهم

وربنا يسلمك من كل شر

ياريت تفهمهم حضرتك انى مقصدش اغلط فى على الاطلاق والله وربنا وحده يعلم لاكن لو هما مصممين انى اقصد اغلط فأنا اعتذرت لهم كلهم على دماغى ..

60 و80 دى بتاع الحكومة احنا اللى علينا ننلتزم عشان مصلحتنا وصحتنا وبس..

مين قالى انى بفتى

ياجماعة ولاتؤدون بأنفسكم فى التهلكة

انا مبقولش انها فتوى بالانتحار ولاكن بشبه بالانتحار

اما الغلط انا وضحت قبل كدا انى مقصدش الغلط اطلاقاً والله اعلم بنيتى

اما بالنسبة الغلط سهل فكل نفس يرى الآخرون بعين طبعه ايه ياترى

--

كان فى رد عملت له اقتباس مظهرش مش عارف ليه

المهم ان مجمل الرد بيقول انك لو مشيت 200 هى 100 واللى ربنا كاتبهولك هيحصل وكدا

انا مقولتش حاجة انا معاك بس ربك بيسبب الاسباب

وهضربلك مثال على السرعات جوا البلد

لو صف راكن يمين

عربية منهم طلعت فجأة عشان تمشى وانت جى بسرعة 120 ياترى ايه اللى هيحصل ؟؟

نفس الموقف وانت ماشى بسرعة 60 ياترى ايه اللى هيحصل ؟؟


والمعذرة والسموحة للجميع للى مازالوا شايفين انى غلطت فيهم وانا سبق وقولت انى بعتبرهم كلهم زى اخواتى ليس الا .. الا ان كان لهم رأى تانى فيامرحب بيهم 444546

رد: عجيب أمركم يامصريين
 

طيب احيى الحكومة اللى عملت ردارات وخلافه للحد من السرعة ؟؟

ولا احيى واحد ماشى بسرعة عالية يقتل 12 ويصيب 8 وحجات زى كدا ؟؟

مين فينا اللى يتقى الله

وياجدعان اللى بيحب الجرى وبيحب 180 و170 ويقفل العداد والحجات دى ربنا يجعل له عظة عشان يعرف ان السرعة غلط

^^ دى نهاية كلامى ..

رد: عجيب أمركم يامصريين
 

انا مش فاهم ليه الجو ملتهب هنا
انا يا جماعه لا حللت ولا حرمت عشان الناس السخنه هنا اوي
هو فيه 3 نقط هتكلم عليهم وانا آسف اذا كنت زعلت حد

1-معدل الحوادث في مصر فوق الوصف ميجيش جنب السعودية ولا الخليج كله حاجة مصر فوق المعدل العالمي بمراحل ودي كارثه والحكومة مسئولة عنها فلازم تاخد اجرائات

2-معرفش اذا كان حد حضر مرة بليل او بالنهار في مستشفي طوارئ علي الطريق السريع انا مرة حضرت كان داخل 25 واحد كانو في اتوبيس حصل حادثة الكلام ده في مستشفي طوارئ طنطا

3- لحظة الندم واحده والشاب المستهتر اللي قتل 12 واصاب 14 عشان ماشي علي 150 ده ايه ذنب نساء تترمل واطفال تتيتم شئ بجد بشع

فاللي عايز يجري يجري واللي عايز يقتل يقتل وربنا يسلم طريقكم
وآسف مرة تانية ان كونت زعلت حد

رد: عجيب أمركم يامصريين
 

انا مع و ضد الموضوع
اولا السرعه العاليه مرفوضه رفض تام
و مش حنقول ما اللي ربنا كاتبه حنشوفه لان ربنا قال
و لا تلقوا بايديكم الي التهلكه
كل حاجه بالعقل حتمشي
و حتت ان السرعه حريه شخصيه و الكلام دا
فحريتك الشخصيه تنتهي عند حدود حريات الاخرين
يعني لو عامل طريق لنفسك تجري فيه انت حر
انما طريق عام و مستخدمين علي الطريق كتير يبقي انت كده مالكش اي حريه
المطلوب منك تلتزم بالقوانين و لا تؤذي حياه الاخرين قبل ان تؤذي حياتك
لانك لما فرده تضرب منك علي سرعه جنونيه مش زي ما تضرب منك علي سرعه 120
و مش زي ما تضرب منك علي سرعه 90 و مش زي ما تضرب منك علي سرعه 60
كل سرعه و لها مخاطرها و اللي بيسوق صح حيقدر حجم المصائب المترتبه علي افعاله
انما اني اجري وسط طريق مفتوح و مليان ناس و اعرض حياتهم للخطر دا طبعا ما ينفعش
انا مش حقول اني بمشي زي ما الكتاب بيقول لكن انا بمشي علي حسب حاله الطريق
نضيف او مكسر و عدد المستعملين للطريق حولي بحيث ما اخليش حد يفرمل بسبب او يقلق من سواقتي
و ربنا هو الستار في الاول و الاخر

رد: عجيب أمركم يامصريين
 

نورت موضوعى يا استاذ حازم

رد: عجيب أمركم يامصريين
 

للأسف موضوعك يعكس وجهه النظر الرسمية التى تحمل السائقين كل المصائب فوق رؤوسهم.
نظرية أن السرعة هى أصل كل الشرور و الحوادث لم تعد صحيحة 100% كما كان فى السابق.
الحقيقة أن النظريات الحديثة تقول ان السائق الذى يسير بسرعة ثابتة لمدة طويلة يفقد تركيزه و يصيبه الملل و ربما يغالبه النعاس, خاصة مع أسلوب الحياة العصرية المرهقة.
ان السائق البطىء الذى فقد تركيزه يتسبب بحوادث أكثر من السائق المسرع و الذى عادة يكون فى قمة تركيزه و تقديره لظروف الطريق.
فى حادث الدائرى ألقينا اللوم كله على استهتار السائق, و لكن من منا يسير على الدائرى بسرعة أقل من 120 كلم/ساعة؟؟! انا نفسى اسير بسرعة تبدأ من 140 كلم الى 160 كم على الدائرى كل يوم الا فى اماكن الرادارات اللعينة.
لم يتحدث احد عن استهتار الحكومة و تغاضيها عن وجود تجمعات بشرية فى طريق يفترض انه سريع, و لا مكان للمشاة فيه, فالخطأ هنا مركب, من السائق و التخطيط و كل شىء.
السرعة موجودة فى كل انحاء العالم, بل ربما نكون فى مصر من البلدان التى يقود سائقيها ببطء فى العموم, لأننا نركب سيارات بمحركات صغيرة فى العادة, و رغم ذلك فان معدل الحوادث مرتفع نظرا لسوء التخطيط, و سوء حالة الشوراع, و عشوائية سيارات الأجرة,
أضف الى ذلك ايضا استهتار المشاة, و عدم حرصهم على حياتهم, انا عملت حادثتين بسبب هؤلاء المستهترين و فى المرتين قفز احدى المشاة أمام السيارة التى تسير امامى, فيتوقف السائق فجأة و أصطدم به من الخلف, و هذا الكلام يحدث فى طرق سريعة مش فى وسط البلد! فمن يحاسب هؤلاء المشاة على استهتارهم و عدم حرصهم, و الى متى يظل القانون اللعين "الطريق ملك المشاة" حتى لو قفز عمدا امام السيارة.
فلماذا تتحامل على السائقين, و فى النهاية الحكومة عاوزة تلم قرشين من الرادارات و خلاص, و لا يهمها انضباط المرور.

رد: عجيب أمركم يامصريين
 

حضرتك معاك حق جدا
وفى جمله مشهوره
SPEED NEVER KILL