رد: ألباور كوماندر ( power commander)
 

والله انت راجل محترم . وشرفت المنتدي يا ا. محمود
بالنسبه لتجربتك مع الصيني انا برده ملسوع منه بيعطل والبطاريه عالطول نايمه بالرغم اني بزودها مياه ومتابعها . بس الصيني زباله ومتعب وربنا يسهلك ويسهلنا ونركب اليباني.

رد: ألباور كوماندر ( power commander)
 

الله عليك
هوا ده الكلام يا إتش
انا عارف ان لسه عندك كتير
اكتر من كده بكتييييييييير
ربنا يكرمك ونستفيد منك دايما GIFT4UROSE4U

رد: ألباور كوماندر ( power commander)
 

منور الموضوع ياعموووووور تسلم ياكبير
ربنا مايحرمني منك
انا بهدلت صحبك اياه في ال stunt امبارح وضحكت عليه الدنيا كلها

رد: ألباور كوماندر ( power commander)
 

السلام عليكم
الى الاخ المحترم جاك بوكس سؤال
هل هناك بديل لتغيير الكربراتير بإنجيكشن فى ماتور قدرته 1000 سى سى موديل 88 هوندا سى بى ار ؟
اذا كان لا يوجد فهل تركيب باور كوماندر سوف ياتى بنتيجه مع الموديل الخاص بى ؟
و ان كان يجوز فكم تكلفه باور كوماندر مع انجيكشن ؟
مع العلم انى قمت بتحديث الموتور الخاص بى بتركيب بطاريه ذات اداء عالى
بوجيهات اريديوم مع طقم واير سبورتس ماركه ان جى ك
مع فلتر ذو الاداء العالى ماركه كيه اند ان
مع شكمان فينس اند هينس ذو الاداء العالى
و غيرت البيرنج للعجل الامامى و الخلفى
و تيل فرامل اى بى اس
و كاوتش جديد دان لوب
فلتر زيت كيه ان ادن و طبعا غيرت ماء ريداتير و زيت موبيل وان
كل هذا فى مقابل الحصول على عدد من الاحصنه الاضافيه لانى بصراحه مغرم بالمواتير القديمه جدا و لهذا صرفت كل هذا للحصول على احصنه اضافيه
هو الاصل قوته 132 حصان
بعد الاضافات لا اعلم لان لا اعلم اين يوجد داينو لقياس القوه بعد التعديل و ان كان بسعر 1500 فارجو تزويدى بمكان بيعه او الماركه و هل يركب على اى موتور
معلش انا طلبت كتير بس لانى حسيت انك فاهم اوى و ده اللى كنت محتاجه لذا اقترح فتح موضوع خاص بتعديل و رفع كفائه المواتير
و شكرا على كل مواضيعك المميزه

رد: ألباور كوماندر ( power commander)
 

اهلا بيك ياباشا ولا يهمك اسال براحتك انا تحت امرك
بص ياريس
اولا مينفعش بايك يتعدل من كربراتير لانجيكشن نظرا لاسباب ميكانيكيه يطول شرحها بس ابسط شيء انك هتبقي مضطر لحل الموتور وده حرام
ثانيا بالنسبه لل 1000 الموديل اللي انتا بتتكلم عنه ده اسمه 1000 F ده بيتعمله لعبه كده عباره عن وصله هوا بين الكربراتير وفتحه مقاس حوض الزيت عند ميكانيكي محترم وفاهم بيظبطلك كفاءه الهوا والبنزين مع بعض وترتيبهم في الدخول للحرق
ثالثا البطاريه مش بتاثر علي كفاءه البايك لان مجرد ما انتا شديت شويه الدينامو بيفعل قدراته ومتنساش ان البايك فيها جهاز الاليكتروني
رابعا البوجيهات برضه مش بتحسن الكفاءه ولا حاجه هي بتفوق البايك بس يعني بترجعه لحالته الطبيعيه بعد تلف البوجيهات القديمه او تغيرها
خامسا بالنسبه للفلتر الرياضي يفضل تركيبه وتعديل الاجسوست للحصول علي كفاءه جديده وقدره مختلفه نوعا ما ومش هتحسها غير في التجميع
سادسا موضوع التيل ال ABS للاسف مفيش تيل اسمه كده اي بي اس ده نظام مكابح مانعه للانغلاق او الانزلاق وده بتشيل الطنابير اللي عنده ال 3 وبتركب طنابير مطوره ومدعمه باالاي بي اس
سابعا ابعد عن زيوت موبيل في البايك وخصوصا الXHP لانها زيوت تخليقيقه مصممه للعمل علي مواتير الديزل والسيارات لكن احسن نوع تتعامل بيه للبايك هو شل XH 3 20/50 الزيت ده كلنا بنتعامل بيه لانه خفيف وبيتقل اثناء ابداء الحركه وطبعا الفرق بين الاتنين حاجه مهمه متنسهاش ان البايك زيت الموتور هو هو زيت الفيتيس علي عكس السياره
موضوع الداينو جيت ده مش موجود الا في التوكيلات زي الفطيم مصر

اتمني اكون وصلتلك معلومه مظبوطه مع العلم ان كل نقطه يطول شرحها في موضوع لوحده اصلا انا حاولت اختصر عشان تقدر تستوعب الرد ببساطه
وشكرا ليك

رد: ألباور كوماندر ( power commander)
 

رد: ألباور كوماندر ( power commander)
 

شكرا على ردك السريع و الشرح المبسط
هو تيل الفرامل اسمه ebc دى ماركه و ليس موديل انا عارف ان abs نظام تانى خالص هو اكيد التعريب بالانجليزى بيغير بس معلوماتك سليمه
http://www.oldbikebarn.com/EBC-Brake...ategory=322460
بس فى نقطه بالنسبه للبطاريه كانت مشكله بالنسبه لى لما الماتور يسخن و افصله و ارجع اشغله فإنه لا يعمل الالما يبرد شويه
بس البطاريه دى ادائها عالى تقدر تشغل الماتور و هو سخن و لما تتحرك بيبدا يبرد من الهواء و بيرجع طبيعى
http://www.oldbikebarn.com/Yuasa-Bat...ategory=322460
طيب ممكن حضرتك توصف لى ميكانيكى محترم يقدر يلعب اللعبه دى بس بدون تأثير على الماتور
بس بالنسبه للبوجيهات لما بتخرج شراره صح مع وجود هواء نظيف و بارد تقدر تحس بقوه البايك
http://www.ngksparkplugs.com/product.../iridiumix.asp
و الشراره الصحيحه الكامله تاتى نتيجه قله مقاومه الاسلاك الخارجه من ملفات الاشعال هنا نقدر نحصل على شراره كبيره مع هواء على وش البستم و هنا الاحتراق بيكون سليم و كامل ميه فى الميه
http://www.ngksparkplugs.com/product...x.asp?mode=nml
بس فى نقطه بالنسبه للكربراتير اللى مش هقدر اغيره الى انجيكشن هل ممكن افتح الكربراتير على شان يخرج بنزين زياده بدون فائض و هل هناك ميكانيكى بيشتغل بجهاز تعادل الكربراتير
http://www.youtube.com/watch?v=D2JNB...eature=related
حضرتك لو تعرف حد يقدر يرفع قدره المكنه بشكل كامل يا ريت تقولنا عليه
على فكره انا دى هوايتى بس الفنيات العاليه لازمها متمرس يعنى يكون رفع قدره مواتير قبل كده كذا مره انما انا بتعلم فى البايك بتاعى و بصرف عليه مع انه قديم بس هو فى نظرى احسن من الجديد
معلش طولت عليكم بس الحوار بيصنع افكار
سلام