|
رد: حكايتي مع الأفيو "وسوء التصنيع"
اقتباس:
لاكن عربيتي تجمعت فيها كل العيوب الي ظهرت في الأفيو من ساعة ما إتصنعت من قاعدة متور وحدفه وطنابير ... وكمان كل الطرق الي بيصلحوا بيها الTPS منفعتش معايا لكن أنا أنصحك تبعد عنها بدام ظهر فيها عيوب مشتركه في معظم العربيات وأنا رايح بكرة التوكيل هقابل رئيس فروع منصور وهقولوكوا عملوا معايا أيه وأنا لو عرفت أخد فلوسي هجيب كيا بيكانتو مفيش حد جابها غير لما قال عربية محترمة وتوكيل أكثر إحتراما أو هونداي جتز مع إني مبحبش هونداي أو هستنى وأنزل الكورولا الي معايا من السعوديه ولو حد عنده إقتراح عربيه تانيه يقولي أنا بعمل ٢٠٠٠كم بالعربية في الشهر تقريبا |
رد: حكايتي مع الأفيو "وسوء التصنيع"
فيه عيوب ظهرت جديده
أهمها العربيه فيها رجه مع الفرامل وغيروا الطنابير لما عملت كده من شهر ونص وللأسف رجعت تاني لاكن المرادي مع حدفي شمال |
رد: حكايتي مع الأفيو "وسوء التصنيع"
يا يوكو باشا
انا مقدر طبعا وجع القلب مع التوكيل وانشغالك بدراستك بس الحالات اللى زى ديه لازملها وقفة وخاصة ان زى ما حضرتك قولت فيه عيوب شائعة وانا سمعت عنها فعلا فى اول الموديلات بس مكنتش متخيل انها فى الموديلات الجديدة كمان بالاضافة لتجربة مريرة مرت على صديق لى اعرفة مباشرة وتفاصيلها فى الموضوع ده كارثة فى الاوبترا - ارجوا من الجميع التفاعل اللى عايز اقولة ان العفشة بتزيق التابلوه بيطقق ديه لمبة الصالون مش عارف مالها النوعية ديه من العيوب فى رائى الشخصى جدا قد تكون مقبولة لعربية صناعة محلية لكن عيوب تؤثر على توازن العربية وثباتها ( فرامل - شاسية - حدفة ملهاش حل علبة دريكسيون بتعوم الخ الخ عيب زى ال TPS بيخلى العربية تنط منك ويعلى الموتور لوحدة حتى لو مدى غيار يعنى العربية غصب عنك هتمشى بسرعة اكتر من اللى اانت عايزة ديه كلها عيوب ((ربنا يقيق شرها)) تؤدى الى كوراث وتؤثر على سلامة ركاب العربية ومش عيوب صغيرة يستهان بها فساعتها انا لو مكانك اقل حاجة ترضينى ان الحاجات ديه كلها تتغير بجديد واشوف اذون الصرف بتاعتها والا 1- محضر فى الشرطة موجه ضد اسم الشركة شخصية اعتبارية واطالب فيه بتعويض واتفق مع محامى على نسبة من مبلغ التعويض واعملة توكيل واسيبة عليهم 2- محضر فى حقوق المستهلك (ودول بناء على تجارب اصدقاء لينا) ناس جادين فعلا 3- ايميل زى الزفت للشركة الام (وياعالم على ما يوصل هيبقى فيه شركة ام ولا لاء) 4- Go To public تجمع عشرة مثلا من زياراتك المتكررة للتوكيل عندهم عيوب مشابهه وتعملو محاضر مع بعض وتصوروها وتطلعوا بيها على الجرايد والمجلات والمواقع والمنتديات والدنيا كلها وتخلوا فضيحتهم بجلاجل ديه اقل حاجة ان مكانش فيه اكتر كمان بس مينفعش الموضوع يبقى كده وبس ومينفعش تخسر 15 الف جنية وتسكت |
رد: حكايتي مع الأفيو "وسوء التصنيع"
اقتباس:
|
رد: حكايتي مع الأفيو "وسوء التصنيع"
تيجى بالسلامة يا باشا وياريت تطمنا
|
رد: حكايتي مع الأفيو "وسوء التصنيع"
هيخدوها يجربوها لمدة ٣أيام الإسبوع الجي من الأخر دخلنا لمديرGM وهو هيقطعلها مهندس يشوف الي فيها
|
رد: حكايتي مع الأفيو "وسوء التصنيع"
السلام عليكم ورحمة الله وبركاته جزاك الله خيرا على الاهتمام بالرد ان شاء الله ربنا يخلفك خيرا منها ويا ريت فعلا حضرتك تبلغنا بأخر التطورات الى هتحصل فى العربيه لان لسه عندى بصيص امل انها تتحسن فى موديلات 2009 لما هضطر افكر تانى واقعد فتره لحد لما اوصل لقرار فى نوع العربيه الى ممكن اشتريها |
| الساعة الآن 07:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017