المشاركة الأصلية كتبت بواسطة Injection (المشاركة 255226)

المشاركة الأصلية كتبت بواسطة احمد بدر1978 (المشاركة 255227)

سؤالك بصراحة صعب بجد
عربية حلوة وواسعة
بس مشكلتها الاكبر قطع الغيار مش بسهولة حيلاقيها
وكمان موضوع الركنة بتاعتها دى لوحدها مصيبة
لازم يهز فى تمنها جامد لان لوفكر يبيعها حيخسر فى سعرها يعن لو يقدر ينزل سعرها ل15000 يبقى كدة تمام
وقبل الكلام دة يفحصها كويس جدا جدا جدا
وبالتوفيق

المشاركة الأصلية كتبت بواسطة moslem2 (المشاركة 255233)

اخى الفاضل
فكر فى حاجه واحده ,,مش هقولك قطع غيار وصيانه لكن فكر لو وش فانوس اتكسر منك وده طبيعى بسبب حجم العربيه فكر فى اللف الى هتلفه علشان تلاقى وش فانوس وحتى لو افترضنا ان فيه واحد فى القاهره ,,هتروح القاهره وانت من اليكس؟؟طيب ليه كل ده
انا عارف العربيه ممتازه واسعه جدا لدرجة ان الواحد ممكن يعيش فيها وصالون وفخامه وكماليات وماتور غول وعربيه بمعنى الكلمه بس هى غير مناسبه لشوارعنا ولا للصنايعيه بتوعنا ولا قطع غيار ..فيا فرحتى بكل بده وهى واقفه جمبى ولما احب اخلص منها مش هعرف
هى ممكن تكون مناسبه لو جيت بسعر واقع وماتكونش هى العربيه الاساسيه فى البيت يعنى فيها عربيه تانيه للمشواير والهلك ودى مثلا للسفريات البعيده

المشاركة الأصلية كتبت بواسطة احمد بدر1978 (المشاركة 255262)

بس فية حاجة ان العربية دى غاز واللى انا اعرفة ان العربية عشان تتحول غاز لازم يكون الماتور بحالة ممتازة يبقى مشكلة الماتور محلولة بس بعد كام سنة لازم الماتور حيتغير اية الحل ياترى حيلاقى ماتور ؟؟؟؟؟
خلية يفكر الف مرة

المشاركة الأصلية كتبت بواسطة alymonir (المشاركة 255580)

شكرا يا أبو حميد على الرد
هي المشكلة الفعلية صيانتها من قطع غيار و صنايعية و الذي منه
أما بالنسبة للحجم و الركنة فهي مش مشكلة كبيرة بالنسبة له
بس 15000 مش شوية ؟
صاحبها بيقول إنه شاريها ب 25000 و صارف عليها 25000 زيهم ( عمرة موتور و جير بوكس و سمكرة و دوكو و تحويل غاز طبيعي ) و على فكرة هو تاجر عربيات و دي عربيته الشخصية يعني كان بيصرف عليها نزاهة مش تجارة ( على حسب كلامه )
بالنسبة للفحص نروح فين أحسن مكان في اسكندرية ؟؟؟

المشاركة الأصلية كتبت بواسطة lol64 (المشاركة 255321)

مفيش كلام بعد اللى قالوه الاخوه هنا
وفعلا الحجم ده صعب سواقته دلوقتى هنا فى مصر المحروسه

المشاركة الأصلية كتبت بواسطة mercedes (المشاركة 255331)

أنا رأيى أننا كلنا هنا كأعضاء فى المنتدى لازم نتكاتف و نعمل كل اللى فى وسعنا عشان نمنع أن نسيبك يجيب العربية دى بأى شكل , حتى لو اضطر الأمر أننا نجيب حكم من المحكمة ببطلان البيعة دة .

شيفورليه كابريس مو 1983؟؟؟؟؟؟

يا خبر أسود!!!!!!!

دا مثلا, السعودية اللى هى كانت أكبر مستورد للشيفروليه الكابريس على مر العصور و الأزمنة , لو حبيت تدور فيها على قطعة غيار للعربية دى , مش هتلاقى , تقوم تقوللى العربية قطع غيارها متوافرة هنا و بسعر رخيص كمان , بلااااااااااااااااااش السعودية , أنا أراهنك أنه لو واحد معاه العربية دى فى أميركا و احتاجلها قطعة غيار هناك , غالبا مش هيلاقيها .

فكرتنى بمرة كنت ماشى فيها فى سوق السيارات اللى فى مدينة نصر و كان فيه واحد معاه عربية تقريبا فولكس فاجن باسات مو 1984 , حاجة زى كده, عربي هاتشباك هيه , المهم , اللى بيشترى بيقول للبياع , مش دى قطع غيارها مش موجودة , قام البياع قاله, لا و لايهمك, أنا عندى قطع غيار كتير ليها, هديهالك فوق البيعة !!!!!!!!!!!, يعنى أنا مثلا أشترى العربية و معاها طرمبة بنزين احتياطى اللى هى أكيد استيراد مش جديدة, ولما تبوظ الطرمبة اللى فيها, أركب التانية , اللى هى استيراد و لما تبوظ , أجيب حصيرة و أفرش جمب العربية و أغنى ظلموه.

قال كابريس قال .