رد: برجاء الافادة:شاسية العربية اتفتح ودورت على حلول وهى.....
 

بص يا باشا رأى الزملاء كله حلو بس انا عايز اضيف بعض المعلومات:

اولا لازم صنايعى نمرة1 وانا بأكد أوى على الحتة دى ولو عايز رأيي الموضوع ده اللى هيعملهولك صح العربية هتفضل عنده يومين عشان اللى هيحصل كالاتى واللى هقوله حصل معايا بالظبط
بص يا سيدى انا كان معايا مازدا 323 والعربية دى هى هى الإكسيل بالظبط كشاسية و مكنة وبرضو الشاسيه كان مفتوح وكان كل شويه الكبلن الشمال يملص من مكانه زى ما قال استاذ حازم بالظبط فروحت للميكانيكى اول حاجة حلينا المكنة ووديت العربية للسمكرى اللى عندى و على فكرة ده صنايعى مشفتش زيه لحد دلوقتى والله بما يرضى الله وبعدين جبت بتاع عفشة فك العفشه الشمال كلها عشان يشتغل صح وعلى فكرة دى كلها كانت طلبات السمكرى و بعدين جبنا عربية تانية مازدا بس سليمة والسمكرى أخد مقاسات الحوض كله من فوق و تحت و شدها بالزرجينة ولحم الشاسيه لحام الله يباركله بجد وإداله الاستوكات بتاعته وبعدين ركبنا العفشة والمكنة وعملت الشداد برضو بس من تحت و على فكرة ده ليه فوايد جامدة جدا ولغاية ما بعت العربية كانت ولا كلمة و كنت بجيب بيها 160 والله ولو عايز اى مساعدة انا تحت أمرك ولو عايز تجيبها طنطا تنورنا بس هو ده الصح اللى المفروض يتعمل ف اى حتة.

اتمنى اكون افدتك وموجعتش دماغكROSE4U

رد: برجاء الافادة:شاسية العربية اتفتح ودورت على حلول وهى.....
 

كلام الاخ " rooming " تماااااااااااااام وفى حاجة تانى لو انت معاك فلوس ممكن تجيب قطعية كاملة ربع امامى مثلا من بور سعيد او الحرفيين او عزبة شلبى كلة هايبقى فابريكة ويركب مظبوط واكنك حتى ما رشتش حوض العبرة هنا بالتكلفة والعربية ترجع زى الاول واحسن

رد: برجاء الافادة:شاسية العربية اتفتح ودورت على حلول وهى.....
 

بص يا باشا كلامك تمام التمام بس هى المشكلة مش ف الفلوس اوى لانها الليلة دى كلها ممكن تتكلف 2000 جنيه كلها ولا حاجة لكن المشكلة الكبيرة مع المرور لان لازم رقم الشاسيه هيتغير و ده يلزمه وش كتير ف المرور وانا عارف الطريقة بالتفصيل لو عايز اقولك عليها.
اوالحل التانى ان السمكرى وهو بيغير الربع الادمانى يغير رقم الشاسيه بالقديم ودى مش مستحبة لان السمكرى لو مش تمام هتتقفش ف المرمر والعربية هتتاخد يا معلم

رد: برجاء الافادة:شاسية العربية اتفتح ودورت على حلول وهى.....
 

الله ينور عليك كلامك مظبوط بس السمكرى اللى هافك الربع الادمانى ويركب غيرة ويتمم شغلة مش هايغلب اما ينقل رقم الشاسية القديم عموما بتتعمل كتير وما بيكنش فى فرق خالص والنتيجة بتكون مرضية تماما وكمان اللى بياخد بصمة الشاسية والماتور عامل وليس مهندس فنى وعادة ما بياخد خمسة جنية

رد: برجاء الافادة:شاسية العربية اتفتح ودورت على حلول وهى.....
 

خلاص يا باشا يتوكل على الله بس لازم صنايعى تمام ويعرفنا ايه الاخبار

رد: برجاء الافادة:شاسية العربية اتفتح ودورت على حلول وهى.....
 

مهما تعمل الشاسية انتهى خلاص فأنصحك بحاجة واحدة بس انك تفكك العربية قطع بطريقة نظيفة و تعرض القطع مثلا هنا فى المنتدى و على بعض المواقع التجارية و كل اللى محتاج قطعة يجيلك و يشتريها و ان شاء اللة هتكسب فيها كويس لانك عشان تنقل العربية على شاسية تانى هتكلفك اكتر من تمنها و حتى التوكيل نفسة مش هيقدر يقفلها زى المصنع