|
رد: تجربة الكيا نيو سيراتو - 1600 سى سى اوتوماتيك.
تقرير ممتاز يا فادي باشا و انا معاك في كل جزء فيه ما عدا حتة الشكل بس شكلها بالنسبالي مش مزعج لكن مش جبار برضه فيه احلي و اشرس من كده كتير
لكن عموما تقرير ممتاز ;) |
رد: تجربة الكيا نيو سيراتو - 1600 سى سى اوتوماتيك.
برضه وجه نطر تحترم
|
رد: تجربة الكيا نيو سيراتو - 1600 سى سى اوتوماتيك.
اقتباس:
الحقيقة اننى استغل كل فرصة ممكنة لقيادة أى سيارة و الكتابة عنها, و كل ما افعله هو نقل احساس القيادة و التعبير عنه, لأن القيادة بالنسبة لى شغف و ليست مجرد وسيلة للتنقل. و أعدك ان شاء الله ان احاول العثور على فرصة لتجربة الافانت. |
رد: تجربة الكيا نيو سيراتو - 1600 سى سى اوتوماتيك.
شكرا يافادى على الموضوع وعلى نقل تجربتك للسياره
بس اعذرنى انا حاسس انك سادد مناخيرك من قبل ماتجربها ههههههههههههه عموما العربيه مناسبه ومش سيئه وهى كباكدج على بعضه 8 من عشره |
رد: تجربة الكيا نيو سيراتو - 1600 سى سى اوتوماتيك.
سيراتو ... و فادى ... يبقى لازم التقرير يطلع مثير للجدل :)
شكرا فادى باشا على التقرير الاكثر من رائع و شكرا على نقل انطباعاتك بكل أمانة انا معاك طبعا فى نقط كتير و مش معاك فى نقطة الشكل .. انا عن نفسى شكلها عاجبنى ... اما عن الاداء فشكرا على وصف التجربة .. بالنسبة للثبات ده طبعا متوقع اما اللى صدمنى هو التسارع اللى سمعت ناس كتير بتشكر فيه الف شكر يا باشا مرة تانية و فى انتظار المزيد من التقارير الموسوعية |
رد: تجربة الكيا نيو سيراتو - 1600 سى سى اوتوماتيك.
اقتباس:
للاحساس ببعض التسارع لازم تكبس على البنزين لأخر الدواسة و ترفع سرعة المحرك الى الحدود القصوى على كل نسبة و حتى فى هذه الحالة التسارع ليس مثاليا و فى الوضع الطبيعى الموضوع ممل الى اقصى حد و طبعا مينفعش تصل بالسيارة الى حدودها القصوى كل الوقت. |
رد: تجربة الكيا نيو سيراتو - 1600 سى سى اوتوماتيك.
بصراحة بعد قراءة التقرير وقفت شوية مع نفسى .... فكرت أقول لحضرتك إيه ... مش عارف ..... حضرتك متأكد من انك كتبت التقرير ده عن تجربة !!!! اللى قلته معاكس للحقيقة المعترف بيها من جانب محبى السيراتو ومن جانب المهاجمين ليها إلا فى نقطة أو نقطتين مثلا اتكلمت عن (أقول غباء المصمم) سواء فى الشكل الخارجى اللى مافيش اتنين اختلفوا على جاذبيته - ده حتى الكارهين للسيراتو بيقولوا شكلها روعة - أو سواء فى التصميم الداخلى ..... أرد على حضرتك فى دى ان اللى صمم السيارة هو المصمم الرئيسى لشركة أودى وبالتالى ماهواش بالعبط اللى يخليه يصمم سيارة مستوحاه من أفلام الكارتون زى ما حضرتك قلت المحرك: اتفق معاك ان الأربع سرعات الاتوماتيك نظام قديم بس برضه هقول حاجة .... عربيات كتيرة أوروبى وأسيوى نازلة بالأربع سرعات اوتوماتيك وممكن اعدهلم لو تحب علبة التروس مش ستيب ترونيك .... أمال إيه .... سؤال هل تعتبر علبة التروس الموجودة فى الكورولا مثلا ستيب ترونيك؟؟؟؟ جودة الخامات الداخلية: ارجو حضرتك ماتكنش جربت الموديلات lx أو ex لأنها ورغم ان جودة الخامات الداخلية مقبولة جدا إلا أن الخامات الموجودة فى ال sx ممتازة جدا وقارنها وشوف الوزن: مقبول جدا للسيارات اللى فى الفئة دى وماهواش نقص خبرة ولا حاجة من كيا .... وإلا بقى قول على كتير من العربيات الصينى ان اللى صنعوها فطاحل علشان عرفوا ازاى يخلوها وزن الريشة صوت المحرك: واللى الكل قال عليه أعلى شوية وخصوصا بعد ال 120 حضرتك قلت عليه هادئ !!!!! الثبات: معلش بقى جيت فى نقطة أقولك لحضرتك عليها حدث ولا حرج: وزن ثقيل نسبيا، جنط 17، ابعاد نموذجية بين العجل الأمامى والخلفى، عرض سيارة وارتفاع معقول جدا وبعد كده تقول مافيش ثبات، أنا شخصيا أخدت ملفات تقيلة على 120-150 وماحستش حتى ان العربية حدفت منى ولا مالت!!!! التعليق الخلفى: اتفق معاك فى بداءيته بس بيدى ثبات وعيبه انه بيسبب خشونة فى العفشة عجلة القيادة الصغيرة نقطة سيئة: ازاى يعنى .... اى عربية رياضية الميزة فيها العجلة الصغيرة .... ده معناه تحكم أكبر مش أقل معذرة!!!! صوت احتكاك الاطارات و الهواء على السرعات المرتفعة يكاد لا يسمع بالداخل: يااااااخبرررررر ..... حضرتك متأكد من انك كنت راكب سيراتو :)) .... ده صوت العجل واحتكاكه على الأسفلت من الحاجات الواضحة جدا يا بيه التسارع من 0-100 فى 10.5-11.5 ثانية مع عربية اتوماتيك رقم أكثر من رائع .... ماتخفش هتوصل فى ميعادك بس معذرة يمكن تبقى تعبان شوية من العفشة نقطة أخيرة .... ما أخدتش بالك ان انتشار السيراتو مع سعرها اللى حضرتك بتقول عليه مرتفع ولا يتناسب مع مواصفاتها معناه ان الموضوع محتاج اعادة نظر من ناحيتك أخيرا .... أهلا بحضرتك وماتزعلش من ردى أنا بس مستفز من تقرير سعادتك |
| الساعة الآن 10:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017