رد: عضو جديد بستروين ax
 

متابع وان شاء الله قريب ابلغم بالتطورات وبالصور

رد: عضو جديد بستروين ax
 

انا كمان لسه جايب ستروين zx

وعايز اعرف ميكانيكي كويس قريب من الهرم
وعايز مكان اشتري منه قطع غيار وكماليات رخيص

انا دايخ علي اوكره باب داخلي مش لاقيها خالص

رد: عضو جديد بستروين ax
 

السلام عليكم اخى محمد حلمى 56
الف مبروك على العربية وهى حاجه قيمة جدا خد بالك منها واهتم بيها هتريحك ان شاء الله
بالنسبة للميكانيكية انا ماعرفش حد معين فى الهرم بس الاحسن انك تتعب شويه وتدور على حد يكون متخصص حتى لو بعيد برضه روحله ولما تروح مشوار واحد بعيد وتتعب فيه مره عند حد متخصص احسن من انك تستقرب وتفضل رايح جاى عند حد مش فاهم حاجه فى الـ ZXوبيألف وخلاص
على العموم انا عرفت ان الدنيا ملمومة بكل حاجه (صيانة +قطع غيار جديد واستيراد) فى مكانين
شارع جسر السويس والحرفيين انا عارف ان المشوارين بعيد عليك لكن انا حبيت افيدك باللى اعرفه
انا لسه جايب العربية قبل رمضان على طول وهى AXمو95 وناوى اظبطها والله لغايه دلوقتى مش عاوز اوديها عند اى حد حتى لو بتاع ظبط ابواب وزجاج كهرباء وفضلت انى استنى لبعد رمضان يكون فى وقت اطول عشان اتحرك براحتى وبإذن الله هنزل بيها الحرفيين واسأل على كل اللى بيشتغل فى الستروين من الابره للصاروخ وهركز على احسنهم وهتعامل معاه
للعلم انا ساكن فى المرج والحرفيين تعتبر قريبة منى وده من حسن حظى بس برضه بكون موجود فى امبابة لفترات طويله والحرفيين كده بعيد بس برضه مش هستخسر فيها اى اهتمام
زربنا يقرب البعيد وكل سنه وانت طيب بمناسبة العيد

رد: عضو جديد بستروين ax
 

السلام عليكم
اريد شراء سياره ستروين و الاسعار من 22 ال 24 ليه وبنفس المواصفات طيب ليه
ارجو الرد والافاده؟
جزاكم الله خيرا

رد: عضو جديد بستروين ax
 

قطع الغيار اللى جربتها جبتها مره من عند فادى فى التوفيقية وكانت
طقم كهرباء (4بوجيه) وسير دينامو وسيركاتينا وفلتر بنزين وفلتر زيت وكانو تقريبا كلهم بحوالى 140 جنيه
وجبت طرمبة بنزين من عند رفقى ستروين وده فى اول الحرفيين قريب من الدائرى جدا
والطرمبة بـ 100 جنيه
لكن لسه مادخلتش فى قطع الغيار بتاعة الكمايات والابواب والذى منه
وان شاء الله اوافيكم بكل التطورات
وكل عام وانتم بخير

رد: عضو جديد بستروين ax
 

طكيب متعرفش ميكانيكي كويس في امبابة بيشتغل في الستروين ax انا لسه جايب واحدة موديل 95 وعاوزة شوية تظبيط

رد: عضو جديد بستروين ax
 

شوف يا عم (تيجانى)
لو كنت قريت الموضوع من بدايته هتعرف ان عربيتى نفس موديل عربيتك ده اولا
وثانيا : هل انت عارف قيمة العربية اللى معاك وعايز تظبط فيها ايه بالتحديد حتى لو على مراحل؟
للعلم العام الستروين زيها زى اى عربية والميكانيكا بتاعتها ماهياش معجزة
بس العيب الاول اللى فيها(وهوه فى حد ذاته مش عيب ده مجرد شى ملحوظ) ان حوضها ضيق وزحمة جدا ومع ذلك ممكن اى ميكانيكى يشتغل فيها بس اللى له (مزاج+صبر) يعنى لو حد صاحبك او معرفه هيصبر ويشتغل ومن الواضح انك ماتعرفش حد معين
وفى الحاله دى انصحك بحاجتين:
1-تسأل على ميكانيكى ستروين بالتحديد عشان تبقى فى المضمون وماتلاقيش صنايعى يقولك انا عملت وسويت والعربية ماعرفش مالها وشغلها متعب والكلام ده
2-لو مالقيتش حد قريب منك عليك وعلى :(الحرفيين-جسر السويس-........)وفى كام مكان تانى مش فاكره بس هدور عليهم عندى بأرقام تليفوناتهم ممكن تتصل وتعرف العنوان وتروح
وخللى بالك انا لما سألتك انت عارف قيمة العربية اللى معاك ده كان عشان تعرف انها عربية(عزيزة)يعنى غالية وقيمة عند صاحبها طبعا ومعلش هتتعب فى الاول وهتجرب كتير زى حالاتى كده وهتروح لواحد واتنين وتلاتة لغاية ماتستقر على صنايعية كويسين(ميكانيكا-عفشة-كهرباء-سمكرة.... الخ) وتتعامل معاهم على طول مانت عرفت السكة بقى ههههههههه
وان شاء الله يييجى اليوم اللى تعمل فيه موضوع وتحط خبرتك فيه وتفيد غيرك وتعلمهم
وطالما انت ليك دخول على النت ان شاء الله هتلاقى كل اللى بتدور عليه بس اصبر واصبر واصبر عشان الصبر اخره خير

اجاوبك على السؤال اللى سألتهولى فى الاول بقى
للأسف ماعرفش ميكانيكى كويس فى امبابة
لكن اعرف بتاع كربراتير لو احتاجته هدلك عليه - وان شاء الله هروح عند واحد بتاع ردياتير اسمع انه كويس هجربه واقولك برضه

لكن لو مستعجل يبقى لازم تروح بنفسك زى ماقولتك مكان بعيد شوية عشان الناس اللى بتفهم فى عربيتك
مرفق ملف PDF فيه عناوين وتليفونات مراكز الخدمة والورش المتخصصة فى الستروين ده كان عاملة احد الاعضاء المحترمين فى المنتدى (الملف فى المرفق)
وانا تحت امرك فى اى حاجه