مصر موتورز مجتمع السيارات - بتخاف تنزل بالعربية؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بتخاف تنزل بالعربية؟ (https://www.masrmotors.com/vb/showthread.php?t=30588)

رد: بتخاف تنزل بالعربية؟

اقتباس:

المشاركة الأصلية كتبت بواسطة ahmedraafat00 (المشاركة 216322)

ياااااااااه نفس اللى انت بتقوله كان ينطبق عليا لحد من كام شهرلانى جديد فى السواقه
كنت ببقى متضايق وانا نازل اسوق العربيه و ممكن خايف شويه
وبرده بمجرد ما كنت بتحرك بالعربيه كنت ببقى طبيعى وهادى جدا
بس الصراحه مكنتش بعمل زيك وافتح على 80
بس مع الممارسه انتهى شعور الخوف تماما خصوصا بعد ما سقط فى اكتر من مكان ادانى الثقه فى نفسى
وانا للاسف ساعات ببقى عندى مشوار و بركب تاكسى لانى عارف انى مش هلاقى ركنه و كمان بحس ان العربيه مسؤليه كبيره يعنى لو نزلت مشوار و ركنتها صف تانى او مكان ممنوع ببقى قاعد مش على بعضى و خايف يحصل حاجه على عكس لو نازل من غير عربيه ببقى رايق جدا ومش شايل هم حاجه
بجد الواحد نفسه مصر ترجع زى زمان و البلد تبقى فاضيه و هاديه
يا سلااااااااااام كل المشاكل هتتحل

ربنا يحمينا ياباشا, مفيش حاجة أسمها سواق جديد, السواقة خبرة وممارسة, واللى بيسوق من 20 سنة لسه برضه بيتعلم, والحوادث بتحصل لأى حد, بس أخبار الجيب أيه, معتقدش أن حد بيزنق عليك وأنت راكبها, الهيبة برضه ياباشا:).

رد: بتخاف تنزل بالعربية؟

اقتباس:

المشاركة الأصلية كتبت بواسطة POSH3ER (المشاركة 216330)

فكرتني بايم زمان اول ما كنت باتعلم كنت باموت ف جلدي و انا ماشي بالعربية بس لما مشيت كتير بقت الدنيا حلوة

و انا ممكن اكون زيك شوية لاني بحب جدا اطير بالعربية حتى ف الزحمة تلاقيني قاعد باخرم و غرز بقى من بين العربيات

و اكتر حاجة تتضايقني الي يكسر عليا من غير لا اشارة و لا كلاكس و الي يديك اشارة و يجي عكسها

والله أنا وانا فى الزحمة بقعد أبص حواليا لو حد مدى أشارة وعايز يعدى باقف له وأستناه, ولو حد عاوز يكسر حسب مزاجى, ممكن أسيبه لو مأفور فى الأحساس أو نظام اللى خايف على عربيته يوسع وأنا عربيتى مفيهاش مكان تانى يتحك, كله مليان.
بس أنا مابحبش أخد غرز فى الزحمة علشان مرزلش أو أضر حد غلبان أو متحطش فى موقف وحش والناس كلها تبقى عليا أنما بعد 60 مكنة خياطة.

رد: بتخاف تنزل بالعربية؟

اقتباس:

المشاركة الأصلية كتبت بواسطة hazem_khidr (المشاركة 216450)

والله يا انجكشن انا كنت الاول بقول عادي انا جايب العربيه اتمتع بيها
لكن لما لقيت اني بقعد كتير في الشغل مش بحتاجها و الجراج اللي بركن فيه اتقفل
بقيت اسيبها في الشارع و مافيش اي ظل علاوه علي الخرابيش و الحكات
فبقيت بحب اريح دماغي و اركز في شغلي و بالمره تفضل العربيه نظيفه
انت عارف اللون الاسود و مشاكله ونظافته
فجربت اني اروح في تاكسي لقيت الدنيا لذيذه
و ارجع من الشغل بتمشي (جوالي 3 كم او 4 كم) برضه رياضه ظريفه و الجو حلو.
فمره و التانيه بقيت بكسل اخدها و انزل كده مريح دماغي

فعلا يا أستاذ حازم الواحد يريح دماغه وفى نفس الوقت يتمشى ويحافظ على صحته, وأحسن حاجة أن حضرتك شايف أنك مش محتاجها ومع ذلك مابتخدهاش زى مالناس بتعمل يعنى بتساهم فى تقليل الزحمة والتلوث.
أنما فى المشاوير البعيدة العربية تعتبر أحسن.

رد: بتخاف تنزل بالعربية؟

انا مش من هوات السواقة رغم انى بسوق من زمان
بكرة الساعة اللى بخرج بيها من الجراج بس بتوكل على الله وربنا اللى بيستر

رد: بتخاف تنزل بالعربية؟

اقتباس:

المشاركة الأصلية كتبت بواسطة احمد بدر1978 (المشاركة 216529)

وليك حق والله يا أحمد باشا السواقة هنا حرب عصابات ومحتاج مدرعة علشان تحس بالأمن وأنت سايق.

رد: بتخاف تنزل بالعربية؟

طبعا اصعب ما فى النزول بالعربيه هو الركنه خصوصا فى اسكندريه على فكره الموضوع صعب فى الشتاء ولكنه مستحيل فى الصيف
يارب بارك لنا فى وحش المرور اسف ونش المرور ابو كلابش احمر

رد: بتخاف تنزل بالعربية؟

اقتباس:

المشاركة الأصلية كتبت بواسطة Injection (المشاركة 216524)

هههههههههه لا محصلش يا انجيكشن و حد زنق عليا قبل كده
حتى عساكر المرور بيتعاملوا بهيبه كده و دى احلى ميزه عجبانى
فيها بس العربيه دى عايزه سواق مفترى وانا بمشى رسمى زياده عن اللزوم
وفعلا ربنا يحيمنا و يسترها علينا