مصر موتورز مجتمع السيارات - صور من بلدي

مصر موتورز مجتمع السيارات (https://www.masrmotors.com/vb/index.php)

- صور وفيديو الأعضاء (https://www.masrmotors.com/vb/forumdisplay.php?f=57)

- - صور من بلدي - الأقصر (https://www.masrmotors.com/vb/showthread.php?t=29774)

رد: صور من بلدي - الأقصر

اقتباس:

المشاركة الأصلية كتبت بواسطة AboNoRa (المشاركة 210627)

ايه الجمال ده كله يا فنان الصور تحفه وشكلنا هندبسك كمان فى كورس لمبادئ التصوير الاحترافى وانا اول واحد هيشترك فى الكورس ده ويكون لى شرف التعلم على ايدك طبعاً :)

اما بخصوص رحلة الجمال ديه فاعزرونى علشان انا الديسك شادد عليا حبتين بس عامة اسبقونى انتو وانا كااااى وراكو

http://www.rapee3.com/films/images/1934.jpg

بجد بقى انا بحلم ان تعدى السنة على مصر موتورز ويكون فيها 4 - 5 رحلات على الاقل زى نادى السيارات المصرى زمان نلف كل مصر طول السنة فى الصيف نطلع مدن القناة والثغر والساحل لحد مطروح وفى الشتاء نطلع الغردقة لحد اسوان والاقصر

الشرف ليه أنا يا أبو نورا ده إنت الهندسة كلها ، أنا مصور فوق ال 250 صورة للأقصر ومعالمها السياحية ، ونفسي العالم كله يشوف جمال بلدنا ، ويحس بقيمتها وخصوصا ولادها ، علشان ربنا سبحانه وتعالي حباها بجمال مش موجود في أي مكان تاني في الدنيا ، بس محتاج حد يوريه لينا ، ومفيش صدقني أصدق من الكاميرا وصورتها وخصوصا لمابتكون في إيد شخص لماح ومحترف في رؤيته للمكان واللقطة ، ويشرفني أجاوب علي أي إستفسار خاص بالتصوير في مجال معرفتي ، أنا ممكن أفيدكم في جمال اللقطة والكادر الجميل .
وبالنسبة لموضوع الرحلات ديه فأنا رأيي إن إحنا نقسمها علي قسمين ، أولا : رحلات ترفيهيه زي الأماكن السياحية " إسكندرية ، بورسعيد ....الخ " ، ثانيا : رحلات ثقافية زي الأماكن الأثرية " المتاحف والمعارض ....الخ " ، وديه ممكن أفيدكم فيه أوي لإنه ده مجال دراستي الفنية ، وتدريسي في الكلية ، ويسعدني أقدم أي مساعده ومعلومة لأعضاء المنتدي الكرام ، وده بأعتبره " زكاه العلم " .
د/ خالد

رد: صور من بلدي - الأقصر

اقتباس:

المشاركة الأصلية كتبت بواسطة AboNoRa (المشاركة 210627)

انوى انت بس يا ابو نورة وحتلاقينى ماشى جنبك واحدة واحدة وممكن نلم بعض فى العربيات وكل واحد يريح التانى فى السكة

رد: صور من بلدي - الأقصر

اقتباس:

المشاركة الأصلية كتبت بواسطة TELEBK (المشاركة 210633)

انا معاك فى الكلام الجميل دة

رد: صور من بلدي - الأقصر

اقتباس:

المشاركة الأصلية كتبت بواسطة احمد بدر1978 (المشاركة 210644)

انا معاك فى الكلام الجميل دة

وانا كمان معاكو

وبالنسبه لمجموعة الصور ديه عملت فيها ايه نشرتها ولا لسه

رد: صور من بلدي - الأقصر

اقتباس:

المشاركة الأصلية كتبت بواسطة احمد بدر1978 (المشاركة 210644)

انا معاك فى الكلام الجميل دة

أنا علي إستعداد تام للقيام بهذه الرحلات الثقافية ، شوف إزاي تترتب وأنا تحت أمركم ونمرتي مع المهندس نبيل عبد الرحمن ممكن ننسق مع بعض .
د / خالد

رد: صور من بلدي - الأقصر

اقتباس:

المشاركة الأصلية كتبت بواسطة AboNoRa (المشاركة 210947)

وانا كمان معاكو

وبالنسبه لمجموعة الصور ديه عملت فيها ايه نشرتها ولا لسه

أنا علي إستعداد تام للقيام بهذه الرحلات الثقافية ، شوف إزاي تترتب وأنا تحت أمركم ونمرتي مع حضرتك ممكن ننسق مع بعض ، وبالنسبة لموضوع الصور ده أنا واخده هواية وعلشان تتنشر خليني أكون صريح معاك ، ممكن بعد ماتتنشر سهل جدا أي حد ينزلها علي جهازه وينسبها لنفسة أو يعمل بيها أي شغل وخصوصا إني مصور بشكل إحترافي وكادرات جديده كلها ومن أكتر من زاوية للتمثال أو المعبد أو حتي للمنظر الطبيعي ، فهيه محتاجة نوع من الحماية الفكرية ، لإن ده بنعاني منه في الجامعة ونقل الأبحاث والصور وبتكون مشكلة ، فياريت لو عندك حل يضمن ليه حقي الفكري فمعنديش مانع إنها تتنشر .
د / خالد

رد: صور من بلدي - الأقصر

إيه ياجماعة محدش عايز يشوف جمال مصر وروعة آثارنا .