رد: الكماليات التي ازالها غبور من ال getz (بالصور)
 

بس ياجماعه لو العربيه نزلت بالكمليات دي سعرها حيعلي اوي يعني ممكن تزيد 10000 جنيه علشان جمركها حيزيد كمان وسعتها محدش حيشتريها
وكمان مش حيقدر ينافس في موضع السعر

رد: الكماليات التي ازالها غبور من ال getz (بالصور)
 

شكرا لحضرتك
اه فعلا كل عربيات هيونداي تقريبا معمول فيها الموضوع ده اللمبة الصغيرة اللي بتنور دي

ربنا يرزق حضرتك باحسن منها ان شاء الله

رد: الكماليات التي ازالها غبور من ال getz (بالصور)
 

يا استاذي انا مختلف معاك تماما في النقطة دي هي الطبيعي انها تبقي بكل الكماليات دي وتبقي ب السعر ده هو بيجيبها بنفس السعر ويشيل كل الكماليات عشان يكسب اكتر
يعني مثلا الفيات بونتو ايفو ب 90 الف المانيوال وفيها كل الكماليات دي واكتر كمان وجنوط و blue&me و airbags و abs و حاجات تانية كتير وايطالي يعني مش هيونداي وسعرها 90 الف ازاي بقي دي لو نزلت بالكماليات دي تبقي ب 100 الف وهي كوري يعني من المنطقي والمعروف ان الكوري ارخص من الاوروبي ده غير ان البونتو ايفو واخدة خمس نجوم في اختبارات الامان الاوروبية الصارمة مش العجل اللي غبور بيجيبهولنا ده

رد: الكماليات التي ازالها غبور من ال getz (بالصور)
 

هوه تقريبا شال الحاجات ديه من الجيتز وحطها في الفيرنا عندي ما عدا طبعا الايرباج والاي بي اس وفتحة السقف والطاره المالتي فانكشن كتر الف خيره انه حط الباقي ومدناش صاج علي 4 عجلات بس

رد: الكماليات التي ازالها غبور من ال getz (بالصور)
 

حسبنا الله ونعم الوكيل

رد: الكماليات التي ازالها غبور من ال getz (بالصور)
 

رد: الكماليات التي ازالها غبور من ال getz (بالصور)
 

موضوع رائع بشكر صاحب الموضوع عليه

واحب اضيف رأي لو سمحتولي

طبعا كلنا عارفين انه بيتنصب علينا هنا والكماليات اللي حضرتك موضحلنا ديه المفروض تبقي اساسيات

متنسوش ان الهيونداي بيتقفل في مصر

وحطولي كشاف نور علي كلمة مصر

يعني صباح الاستغلال
صباح الفهلوة والفبركة
صباح الغش والنصب

بس احب اطمنكو كووووووووووولكو

واقول لكل مالكي الجيتز

ماتقلقوش كل الكماليات اللي اتشالت من عربياتكو هتلاقوها

الله اماااااااااااااااا ل ايييييييييييييه

هتلاقوها في موديل 2011 تحت مسمي جيتز ستاااااااااااار وضيفيلي علي تمنها 6 الاف جينة

وحسبي الله ونعم الوكيل في الحرامية