رد: عيد ميلاد مصر موتورز الثاني الله اكبر علي الجمال :)
 

أولا أحب أشكر كل الأخوة الأعضاء اللي كانوا حاضرين في الإحتفالية الجميلة ديه ، وخصوصا إنها كانت في مكان محترم " سبير كار " وبقول للأستاذ أمير ألف مبروك علي الإفتتاح وبالتوفيق والرقي بإذن الله ، وكم كانت سعادتي بالغة بتعرفي علي العديد من الشخصيات المحترمة جدا جدا والتي كان من الصعب العثور عليها في مكان واحد ودون معرفة سابقة لولا مثل هذا المنتدي الجميل والذي يغلفة سمة جميلة ألا وهي حب الناس وتقديم يد المساعدة دون إنتظار المقابل ، وأحب أتوجه بالشكر لكل المنظمين للإحتفالية وعلي مقدمتهم الأستاذ " حازم شاهين " والذي كان موجودا من الساعة 2 ظهرا في أستقبال الموجودين قادما من بورسعيد خصيصا لهذه المقابلة ، وكم كانت سعادتي بالغة بالتعرف علي شخصيات جميله مثل الأستاذ خالد "اللبق المتحدث المتكلم "، والباشمهندس نبيل عبد الرحمن " الهادئ المتزن الخبير بأمور الحياه المجامل "، والأستاذ أحمد بدر " الضحوك اللماح جميل الطلعة المشاكس بخفة دم " ، والباشمهندس وائل " الذكي الأنيق الشيك الملبس والحديث المجامل اللماح " ، الأستاذ هاني عطية " الأنيق المتحدث صاحب طلعة جميلة ذكي الحديث والعبارات ، وغيرهم من الأخوة الأعزاء واللذين لم يسعفني الحظ بالجلوس معهم لفتره طويلة ولكن كان هناك جو من الألفة الغريبة التي سادت المكان بسرعة حتي مع عدم معرفة الأشخاص والأعضاء بعضهم ببعض ولكن في رأيي أن هذا هو سمة منتدي مصر موتورز ، والذي أتمني من الله أن يديم الصحة والعافية لكل الموجودين ، وفي رفعة ورقي ولقاءات قادمة أخري بإذن الله .
د / خالد

رد: صور وفيديو مقابلة مصر موتورز الثانية وعيد ميلاد سعيد
 

فين بقيت الصورررررررررررررر
والفديوهات

رد: صور وفيديو مقابلة مصر موتورز الثانية وعيد ميلاد سعيد
 

رد: صور وفيديو مقابلة مصر موتورز الثانية وعيد ميلاد سعيد
 

اناكان نفسى اكون معاكم بس للاسف ظروف الشغل منعتنى من الحضور
ان شاء الله نتجمع فى المصيف ولا مش نوين
وشكرا كورسير باشا على الصور والفديو
وشكرا للاستاز حازم خضر
بجد انا حزين لعدم حضورى وتتعوض ان شاء اللة

رد: صور وفيديو مقابلة مصر موتورز الثانية وعيد ميلاد سعيد
 

عزرك مقبول المره دي بس لكن المقابلة الجاية ان شاء الله اساسي انتا معانا

رد: صور وفيديو مقابلة مصر موتورز الثانية وعيد ميلاد سعيد
 

كان يوم من اجمل الايام والواحد قابل واتعرف على ناس افاضل ومحترمين كان نفسه يقابلهم من زمان
و شوفت اخواتي و اصحابي اللي بقالي كتييير اوي مشفتهومش
بس للاسف الوقت الحلو عدا بسرعه و ملحقتش اتكلم مع كل الناس .. ويا رب دايما نتجمع في الخير
الكلام كتير و الوقت قليل بس اعذرني استاذ احمد بدر هو حصل سوء فهم مني .. وانا ماشي على الطريق مكنتش شايف غير عربيه استاذ نبيل ولقيته قرب عليا و اداني فلاشر ففهمت انه عايزني افتح شويه السرعه .. بس بعد شويه اداني فلاشر تاني و قرب مني وشاور ليا ومن ساعتها هديت وكنت بحاول كل شويه ابص عليك بس انت كنت مطفي الانوار ومشغل لمبه سهاري ...
ووقفنا استنيناك بعد منزل الدائري مع اننا كنا ماشيين 60 في الحته دي والناس كلها عدت مننا
حقك عليا يا ريس المره الجايه مش حزود عن السرعه الرسميه
اللي هي الصبح تبقى 90 ... بالليل بتبقى 160 :)

استاذ حازم شاهين ... اشكرك بشده على مجهودك الرائع في المنتدى و كلمتك الرقيقه

ابو نورا .. ربنا يوفقك و تحتفل باليوبيل الذهبي و العضو رقم مليون

لو فتحت في الكلام مش حخلص لكن بشكر كل الناس اللي قابلتهم و اتعرفت عليهم
وكان في ناس نفسي اقابلهم وكنت متوقع حضورهم ايمن عبد الرازق ومحمد كمال لكن حظي وحش معاهم و نشوفهم على خير قريب بإذن الله

رد: صور وفيديو مقابلة مصر موتورز الثانية وعيد ميلاد سعيد
 

في انجاز بشري جديد حصل في الاحتفال
وتم اثبات ان الانسان يقدر ياكل جبل تورته و هو بيتكلم في الموبايل في نفس الوقت بدون توقف ...
وبكده فعلا الانسان ممكن يتكلم من مناخيره