|
رد: لأصحاب الخبرة ... شيفروليه كروز ولا ... لانسر شارك
في نقطة مهمة في الموضوع محدش بصلها نهائي
و هي التوكيل منصور و المصرية انهي افضل و محدش يقول منصور افضل ( أسوأ توكيل في مصر و الشرق الأوسط و أفريقيا ) انت هتشتري عربية زيرو بضمان يعني غصب عنك هتتعامل مع التوكيل فقبل ما تشتري روح اقف نص ساعة بس في توكيل منصور الصحراوي و ما تتعبش نفسك و تسأل الناس انت هتلاقي الخناقات نازلة على ودنه ( ممكن تسأل على عربية بتاعة واحد اسمه فتحي محمد من أسكندرية هي كروز 2010 ) شوف حصل فيها ايه و التوكيل اتصرف معاه ازاي |
رد: لأصحاب الخبرة ... شيفروليه كروز ولا ... لانسر شارك
طب ما تنوري يا adwyyو تقولي ايه الحكاية بالظبط....لأن انا برة مصر و اقدامي مدة على ما انزل ...علشان كده انا بجمع المعلومات دي...و تبقى افدتني و افدت غيري....
|
رد: لأصحاب الخبرة ... شيفروليه كروز ولا ... لانسر شارك
عربية فتحي محمد ده
كان فيها عيب ايه هو بتبطل و هي ماشية ( اه ما تستغربش عربية موديل 2010 بـ 111000 بتبطل و هي ماشية ) اتقلب بيها تقريباً اربع مرات و في كل مرة التوكيل يقوله زي الفل اخر مرة اول ما خرج من التوكيل و هو راجع أسكندرية اتقلب و باع العربية خردة من زهقه في عربية تانية بتاعة واحد أسمه علي عمر صالح (أوبل فيكترا 2008 ) هاي لاين بتبطل بردو مرة نزل يدورها لقاه مش بتدور ( كانت تالت مرة ) اتصل بيهم و بعد مشادات بعتوله واحد غيرله سينسور و قاله خلاص العربية بقت تمام يدوب خرج لحد بنزينة قريبة علشان يفول و بعد ما فول جه يدور مش راضية تدور اتصل بيهم تخيل يقولوله ايه يقلوله خد وصلة بطارية من اي عربية و هو واقف في بنزينة العربية دي اتباعت عاملة 34000 كم بـ 120000 يعني بخسارة 75000 جنيه و في اكتر من كدة زي الاسترا الجديدة الي البيه لطفي منصور بيقول عليها خارجة من مصانع المانيا و هي تقفيل بولندي و الي مش مصدق ياخد الـ vin code و يبحث عنه و هو يعرف نصيحة بلاش منصور |
رد: لأصحاب الخبرة ... شيفروليه كروز ولا ... لانسر شارك
ماشي ... بس ممكن تكون دي حالات فردية...اقصد بالنسبة للعربيات...يعني مش كل العربيات فيها العيب ده...و الا ما كنتش بقت موجودة في السوق...و لا ايه؟؟؟؟ انا عارف انك بتتكلم على التوكيل نفسه و طريقة المعاملة....بس هاتلي توكيل في مصر بيراعي ضميره...و انا كان ليا تجربة سابقة مع توكيل دايو اللي بين صلاح سالم و العباسية...نفس السرقة و عدم مراعاة الضمير...بس هنقول ايه..."هية دي مصر يا عبلة"
|
رد: لأصحاب الخبرة ... شيفروليه كروز ولا ... لانسر شارك
حضرتك ممكن تبحث عن التوكيلات الجيدة و ان شاء الله هتلاقي
لكن النصب و قلة الضمير مالهمش غير معنى واحد منصور يعني في مصر مافيش اسوأ منه و اي توكيل تاني اعتقد هيبقى أحسن منه بكتير |
رد: لأصحاب الخبرة ... شيفروليه كروز ولا ... لانسر شارك
طيب و انت من وجهة نظرك...ايه التوكيلات المحترمة في مصر؟؟؟؟
|
رد: لأصحاب الخبرة ... شيفروليه كروز ولا ... لانسر شارك
وانتو يا شباب المنتدي الكرام ايه رأيكم في كلام Adwyy ؟
|
| الساعة الآن 07:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017