|
رد: اخر تطورات الjac b 15
متشكر يا استاذ ايمن علرد الجميل دى
ونورت الزقازيق فالفترة دى بس الزقازيق اختلفت تمام بقى دلوقتى الدنيا اتطورت كتير هنا لكن للاسف الشوارع سيئة جدا ودة الى بيخلينى اجرج الجاك اغلب الوقت فالزقازيق واسير بسيارة قديمة تتناسب مع الشوارع الى اكثر من سيئة عندنا هنا وتارك الجاك لمشاوير السفر او حاجت بسيطة هنا للاسف العربية اتخبطت تانى وهى تحت البيت لا بيها ولا عليها تاكسى خبطها الله يسامحة اتمنى الخير لسيارتك دايما والحفاظ عليها ودوام التواصل وكل سنة وانت بخير |
رد: اخر تطورات الjac b 15
السلام عليكم--- استاذ --- odaoda --- اولا: اسف جدا لما حدث لسيارتكم وربنا يسلم من كل شر ....
ثانيا: رأيك ايه فى الصاج وقوته ؟؟؟؟ يعنى حضرتك شايف ايه بحكم انك اكيد مجرب سيارات اخرى وطبعا محدش بيسلم من الخبط --- ايه انطباع حضرتك على الخبطاط دى يعنى من اقل سنده او ترييحه ممكن يحدث مالا يحمد عقباه ام ماذا الحقيقه طالب من حضرتك تقرير ولو بسيط بخصوص ماحدث وانطباعك عن صاج السياره انا عارف انه بعون الله الخبطات ماهى الا من نوع السحجات بلغة القانون يعنى شوية حكات على الماشى ولكن اكيد مكونه عندك شوية اراء عامه عن العربيه --- زى بلضبط كده واحنا فى العربيه بنكون وخدين بلنا من حاجات الى جالس بجواراك ميحسش بيها زيك !!!!!!!!! عموما ربنا يسلم طريقك ويسترها مع كل من معه سياره ---ورمضان كريم......... |
رد: اخر تطورات الjac b 15
انا عاوز اقول لحضرتك ان العربية كانت متغطية
الغطا من قدام كلة اتقطع ولما نزلت اشوف العربية ولقيت الغطا متقطع قلت بس الصاج كلة باظ نزلت بشيل الغطا وقعدت ابص!!! فين الخبطة@؟؟ وبعدين بصيت علمراية لقيتها اتحكت قلت طب والغطا الى اتقطع دة!! وركزت حبة لقيت الرفرف فعلا محكوك واستغربت انها على قد الحكة دى وقلت الحمد الله اما الخبطة الاولانية فالصاج دخل لجوة حوالى ملى او اكتر بس مش باينة اوى لكن فى تقشيرة فالدهان انا شايف ان صاج العربية اجمالا جميل لكن الاكصدام الخلفى حاسة خفيف اوى ومش عارف دة راجع لاية؟ تحس انة فبر مش صاج وسألت واحد صاحبى عندة نيو اكسنت قالى دة الطبيعى كل الاكصدامات الوراينة بتبقى فبر مش صاج عشان معرضة للخبطات علما بانى كنت راجع مرة ودايس بنزين وهوب اتفججأت بعربية خبطتنى فيات 128 اقسم بالله مش شدة الخبطة قلت هلاقى العربية مدمرة نزلت ملقتش اى حاجة!!!!!!!! يلا كلة ستر ربنا فالاول والاخر وربنا يزيدك ويحافظيك على العربية ورمضان كريم |
رد: اخر تطورات الjac b 15
استاذ-- odaoda -- طبيعى كل اكصدامات السيارات واعتقد ده منذ الثمانينيات اصبح فيبراو بلااستك من انواع معينه طبعا --- كما اعتقد كلما كانت لادائن الفيبر او البلاستك فيها نوع من الليونه كلما امتصت الصدمات يعنى زى فكرة المفصلات علشان رد فعل اى اخبطه -- انا فاكر ايام مكان معى النوبيرا (1) خبطتنى من ورا عربيه تاكسى شاهين ونزلت على اثر الخبطه وفى مخيلتى ان الأكصدام اتبهدل لأنه فيبر !!!!!!!!!!! مش هتصدق لو قلت لحضرتك انى وجدت اكصدام الشاهين وقع فى الأرض واكصدام التوبيرا لم يتحك حتى والله الى الأن مش مصدق ماحدث لأن بطبيعة الحال اعتقد ان الشاهين انشف لكن هذا ماحدث والله على ماأقول شهيد ... على اية حال ربنا يسترها علينا جميعا --- ورمضان كريم ... اخيك ايمن
|
رد: اخر تطورات الjac b 15
أستاذ odaoda الف سلامه عليك وعلى عربيتك ...انا كمان العين صابتنى بس محبتش اكتب ...الرفرف الخلفى الشمال حك فى باب الجراج وكنت فاكر انه اتطبق من شده الخبطه ولما نزلت شفته وجدت حك فى البويه فقط وحمدت ربنا ..مره تانيه باغه المرايه الشمال نصفها انكسر برده من الجراج ولزقتها بسولوتب عريض شفاف والحمدلله مش باينه ....اما المره التالته وانا برجع للخلف عشان اركن خبط فى حجر رصيف كان خارج بره الرصيف ومش شايفه وحك عتب الببان اليمين من اوله لاخره ومن شده الخبطه كنت فاكر ان الببان اتطبقت ولما نزلت وجدت ان الخبطه عباره عن خدش طولى فى العتب اسفل الببان والمفاجئه وجدت ان العتب مش صاج ولكنه فبر وحمدت ربنا انه مش صاج لانه مش هيحتاج سمكره ولا دوكو وكمان هيحمى العربيه من البارومه لانه هو اللى بيصد الميه عن العربيه لاكنه فبر من النوع القوى جداا وعرفت انه قوى من شده الخبطه وكذللك اكتشفت ان الاكصدم الخلفى فبر من النوع القوى ايضاا .....قدر الله ما شاء فعل والحمد لله وحمانا واباكم من كل سوء...
|
رد: اخر تطورات الjac b 15
معلش يا دكتور كمال ربنا يسترها معانا جميعا ويحفظلك العربية من العيون دى
|
رد: اخر تطورات الjac b 15
لا حول ولا قوة الا بالله يا جماعة ارقوا العربيات دى لان الناس بتبص عليها كتير وخاصة الى معه عربيات اعلها منها يظهر مستكتريين ان الواحد يركب عربيه حلوه بالسعر ده
ربنا يحفظ كل عربيات الناس |
| الساعة الآن 08:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017