رد: شكل دعائى هزيل ياريت لا ننساق فية
 

سيدى العزيز كلامك صح اكيد جاك مع الباور فى اجهزة التكييف اكثر من جيد وانا اؤيدك تماما خالص احترامى وتقبل ودى ودمت بخير

رد: شكل دعائى هزيل ياريت لا ننساق فية
 

انا عاوز اوضح ان كي كل الناس صعب يتفقوا على حاجةواحدة
وعاوز اوضح كمان ان لو الواحد معاة 200 الف هيجيب المانى طبعا
ولو معاة 130الف اكيد هيجيب يابانى
ولو معاة 90-100 هيجيب كورى
وبالتبعية الى معاة 70 الف يجيب صينى
كل واحد على قد فلوسة
وكل واحد قرارة بايدة مش بايد واحد يعمل تقرير عن العربية ابدا
ةالى ياخد برأى كلام حد كاتب عن العربية يبقى غلطان دة قراراك انت وانت الى تتحمل تبعاتة سواء بالسلب او الايجاب
ولنا فالام 11 عبرة من الناس الى كتبوا عنها وبعد كدة طلع فيها عيوب اللهم ما لاشماتة ابدا والله
عموما مش لازم كل الناس تبقى نؤيدة بشدة للعربية ولتوكيل
اكيد لازم حد يقول حاجات سلبية هو شايفها فوجة نظرة
دة الطبيعى اكيد بس نحافظ علحوار بينا بشكل يحترم الجميع ويحفظ مصلحة الجميع

رد: شكل دعائى هزيل ياريت لا ننساق فية
 

للاسف الشديد انتم مش قادرين تتقبلوا غير صنع اساطير من سيارات لازالت فى طور التجربة او سيارات اصبحت فى العالم كله فى طور النسيان
انا عارف مبررتكم يعود لموروث مصرى قديم وثقافة متعاقبة عفى عليها الزمان حتى فى ابسط اسس اختيار السيارة وهى القيمة الاجمالية وطبعا لست اقصد عامل دون اغفال اخر
حتى لو مش نفس الشركة بتاعة ستروين وجاك مختلف عن جاك الصينى
الا ان انا متأكد من انة هو نفسة التوكيل صاحب السمعة السابقة !!!!
هو فعلا ممكن فى يوم من الايام كان ناجح مع التكييفات لكنة اختفى من السوق
وبعدين لية بتسأل نوع عربيتى اية ! ياريت نتكلم بموضوعية بدون شكل شخصى المصلحة العامة هى الهدف
وبلاش توجية كلام شخصى وانت خبير وعربيتك الخ انا مش بتكلم فى المواضيع الشخصية
انا هدفى كفاية نتكلم عن عربيات حديثة الولادة بدون لا باع ولا خبرة من ناحية اسم المنتج والمصنع ونكون احنا هنا فى مصر حقل تجارب خصوصا انها تسوق باسعار ليست بالزهيدة من حقى تبيان الحقيقة وليس الاندفاع عن تشبية سيارة مثلا الجاك بالمرسيدس كما رايت بعضكم فعل هو درب من الخيال والاحلام ان لم تكن ارهاصات
وهذا ينطبق تماما على الجاك والاسبرانزا والبريليانس الجيلى والشيرى كلها تجارب جديرة بالاحترام ولا بأس بها
لكن نتمهل قليلا وننتظر ولا نكون حقل تجارب
انا مقتنع تماما ان السيارات الصينى ستكون رقم واحد من كل النواحى فى خلال عقد من الزمن ان لم يكن اقل والدلائل كلها تشير الى ذلك ولا احب الاستخفاف بالصينين لانهم لانهم سيكونون الرقم الصعب فى القريب العاجل والله اعلم
لكن مقابل ذلك يجب التروى ونتقى ما هو جيد فالصناعات السيارات الصينية سيبقى منها الجيد وسيزول الردىء وهذا يتوقف على سلوك المستهلك الواعى وهنا طبعا يكون الاستحقاق بقدر وعيك وتقديرك للامور مع تجنيب المشاعر الشخصية وجعل الارقام والحقائق هى من تتكلم
انا طبعا بقول الكلام دة لاى صانع او توكيل بيفكر ان تكون السوق المصرى ملعب له لا يقدر قيمة ما يدفعة المواطن ويحترم السوق
لازم تكون البضاعة الرديئة محلها الرفوف والركن والمصادرة وليست تمتلىء بها شوارعنا يمينا ويسارا نتغزل فيها
كفاية تجارب الامس القريب من اللانوس الى الفيرنا الخ
حتى السيارات المتوسطة العادية فى كل مكان فى العالم اسعارها هنا فى مصر غير مقبوله وغالى فيها بشكل جنونى غير عادى

رد: شكل دعائى هزيل ياريت لا ننساق فية
 

يا عمنا هورس موتورز هو وكيل جاك مش المصرية البتاعة دي !!
والله العظيم تلاتة هورس موتورز انت مش مصدقني ليه ؟!؟!؟!؟!

رد: شكل دعائى هزيل ياريت لا ننساق فية
 

يا ساااااااتر يارب ...طب ألنا مبروك ياراجل بدل متسد نفسنا عن العربيه ....داحنا لسه الناس بتبارك لنا عليها....طلعتلنا فيها وفأبوها...اقصد الوكيل....القطط الفطسانه....هو حد سأ لك...مستعجل أوى على العيوب والمشاكل....عارفين أنك عالم زرررررات....هو احنا ضربنا حد على ايده عشان يشترى العربيه....كل اللى بنعمله هنا ان احنا بنبارك لبعض على العربيه وبنشكر لبعض فيها....حصوه فى عين اللى ميصلى على النبى............

رد: شكل دعائى هزيل ياريت لا ننساق فية
 

أللهم ما صلى علية افضل الصلاة والسلام
يا جماعة دة اراء اراااااااااااء
على فكرة العربية عملولها اختبار فالصين على حسب ما فهمت ومشيت 200000 الف كيلو حسب ما الاعضاء قالو
عموما دى اراء ارااااااااء

وصورة للعربية كمان اهوptmnlo123per1147

وصلو علنبى كمان وزيدوا النبى صلاة دحنا لسة راجعين من جمعة:HAPPY_~211:

رد: شكل دعائى هزيل ياريت لا ننساق فية
 

علية الصلاه والسلام
ومليون مبروك واتمنى الازدهار ومزيد من التقدم لكل الصانعين خاصة فى الصين وانا من اول المشجعين لهذا لانة فى الصالح والمنافسة ونزول الاسعار كله لصالح المستهلك
لمزيد من الموضوعية ياريت عدم التهويل لمنع انسياق المستهلك وراء انبهار ناتج عن توقعات نفسية لا اكثر
علشان الرد والاخد والكلام دة كله العربية مش متجربة !!
وموضوع حصوة فى العين امتنع عن الرد ولا تعليق لانة اسلوب لا يرتقى للرد علية وغير فعال وليس احترافى فى موقع متخصص بعالم السيارات اى ان لغة الارقام والعلم هى من تتكلم وليس الشخصانة والتراشق الخ
ولو كنت مكانكم لتركت للايام والتجربة ان تتكلم وليس الانبهار بشكل وديكور !!
قل لى يا من تركب الصينى ماذا كنت تقود قبلها اقل لك ما هو معيارك لتقييم السيارة وشكرا ودمتم بخير اعضاء مصر موتورز المحترمين تحياتى