مصر موتورز مجتمع السيارات - مزدا 3 ولا لانسر عوزكم تفكرو معايا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - مزدا 3 ولا لانسر عوزكم تفكرو معايا (https://www.masrmotors.com/vb/showthread.php?t=27276)

رد: مزدا 3 ولا لانسر عوزكم تفكرو معايا

اقتباس:

المشاركة الأصلية كتبت بواسطة مهند سالم (المشاركة 193313)

أنا في واحد جاري عارض عربية سيات موديل 81 للبيع، بس عربية طلقة، متسقط ليها موتور 127، ولسة عامل عمرة صارفة عليه ييجي بالصلاة على النبي كدة 1000 جنيه، ومركب بربريز جديد بس العيال كسروه، عشان بيركنها في الشارع، هي بس عايزة شوية سمكرة وعايزة فرش، وعايزة دهان، وعايزة جنوت، يعني وشوية حاجات بسيطة كدة، لو موافق أخلص ليك فيها، يعني ممكن كدة نخلص على ثلاثة ونص، قلت إيه؟؟؟؟؟؟؟؟؟؟؟
وبصراحة أنا مش عارف هي سيات ولا فيات 126، هي عربية كدة في الحجم أصغر من التوكتوك، باب واحد بيتقفل برزة وقفل، آه والله برزة وقفل، وبرده الشنطة والكبوت ليهم رزة وقفل، يعني حاجة أمان على الآخر، لا تقولي مرسيدس ولا كامري ولا بي أم.
وأظن دي بق تخميس وتسديس وإلا حضرتك عايزة مش هتقول لأ، عربية تولع الأسفلت، فكر كدة ورد علي؟؟؟

عندك حق عربيه تستاهل فعلا السعر ده وتخمس وتجرى وتجيب 220 وبصراحه تستاهل انو صرف عليها 1000 تمن فانوس الاشاره بتاع المازدا وبصراحه حرام العربيه تباع بتمن اكصدام الميتسوبيشى متزعلش انا بهزر

رد: مزدا 3 ولا لانسر عوزكم تفكرو معايا

اقتباس:

المشاركة الأصلية كتبت بواسطة miroseba (المشاركة 193316)

يا سيدي، طيب ما أنا كمان بأهزر. أهم حاجة صاحب الشأن عشان لو عايز نخلصله فيها، وبعدين هي فيها كذا ميزة ما حدش واخد باله منهم:
1- الراجل بيحب الجري والتخميس، وبالتالي ممكن يخبط حد، فبالنسبة للعربية دي ممكن لو خبط بيها حد، الراجل مش هيحصله حاجة، والعربية ممكن تجيب شبكة.
2- لو جاب تخميسة جامدة شوية بالعربية العربية دي ممكن تتفكك من بعضها، وبالتالي كل إلا هيخسروا فيها ثلاث ألاف، يعني كلام فاضي.
3- طبعا التخميس والحاجات دي بتبوظ العربيات بسرعة وخصوصا الماتور، طيب دي عربية موتورها بيتعمر ب1000 جنيه ، يعني قشطة، ممكن يهدها ويبنيها ب2000 جنيه، ولو ألفين ومتين، ممكن يعمل المحارة، ومعجون ووش زيت، وتقف على الوش الأخير.
4- العربية ضيقة جدا من جوه، يعني آخره ياخد واحد صحبه كمان جنبه، يعني لا قدر الله لو حصل حادثة مفيش ناس كثير هتتئذي.
5- العربية لا قدر الله لو حصل فيها أي خبط ، ممكن يمشي بيها زي ما هي مخبطة، ومش لازم يصلحها ؛ لأنها أصلا مش هيفرق فيها المنظر والبرستيج قوي يعني،
عموما أنا مستني الرد لو هنخلص فيها، وممكن يدفع 3450، ونقسط الخمسين جنيه الباقية على 30 شهر، وفي تسهيلات كمان في السداد.

رد: مزدا 3 ولا لانسر عوزكم تفكرو معايا

اقتباس:

المشاركة الأصلية كتبت بواسطة mesho70 (المشاركة 193281)

يابنى روح ذاكر
انا عارف انك من عشاق الانسر
ولو فكرت فى 1600 بالفتيس الجديد ( ستريبترونك ) هتلاقى فيها كل طلباتك

بس حضرتك الفتيس الcvt القديم اقوي و افضل و ادائه اعلي بكتر من الفتيس الجديد الاستيب ترونك و انا عن نفسي معنتش عاوز اركب اوتو لاني بخاف انه يتكسر في ايدي زي ما بيحصل مع صحابي!!!

اقتباس:

المشاركة الأصلية كتبت بواسطة miroseba (المشاركة 193296)

سيبك من الاوكتافيا ولانسر والمازدا والكلام الفارغ ده والله انت لو جبت السوبارو مش هيبقى ليك حل وعربيه تعمل كل النتا عاوزه بس اعرف انتا التحكم فيها وشكلها تحفه وادائها جبار وكفايه انها عربيه سباق بس ماتورها 1500 سى سى
شوفه شكلى هخليك تشتريها بعد ما تخلص الفيديو بس انتا متعرفش تعمل عشر الى عملوا الواد هههههههه
http://www.youtube.com/watch?v=2UA62Hj7rws

السوابرو عربيه محترمه طبعا يا مان بس الي حضرتك حطتها دي حاجه تنيا موتور اكبر من كدا بكتير و عليها شواحن تربو نفس الشكل بيتحط عليه مواتير من 1.5 الي 5.4 و كلهم عليهم شواحن ماعاد الي بينزل مصر و عن الفيديو انا عرفه بس عندي فيديو بيتلعب فيه احسن من كدا دا العربيه مساعدها اوي بس يعني انا لو نزلت مكانه هلزق في اول عمود نور يقابلني طبعا ههههههههه

اقتباس:

المشاركة الأصلية كتبت بواسطة hazem_khidr (المشاركة 193311)

اولا مافيش لانسر 1600 مانيوال علي حد علمي
ثانيا المازدا مش تقنيه الماني ولا حاجه
المازدا 3 و الفولفو اس 40 و الفورد فوكاس مبنيين علي قاعده عجلات واحده
و التلات عربيات لا يوجد صله بينهم و بين التقنيه الالمانيه من قريب او بعيد.
بالنسبه لاختياراتك خليك في عربيه تعرف تبيعها و تشتريها لانك من النوع اللي مش بيحب يحتفظ بعربيه لمده طويله
غير كده لو علي التخميس و كده مافيش اي عربيه فعلا تستحمل زي ما لاكي باشا بيقول
علشان تركب عربيه تستحمل الكلام دا يبقي في الفئه العائليه الكبيره
زي الكامري و الالتيما و العربيات دي.

لا يا مان الانسر 1.3 و 1.6 منيول موجوده عادي بس الفتيس الcvt ممتاز فحتي الي بيجري بيقول اوتو في الانسر بيطلع من اي عربيه اوتو تنيا
و المزدا تقنيه الموتور المانيه دا كلام انا سمعته ان تكنولوجيا المحركات فيها من كام سنه بقت المانيه مجرد كلام
اما عن العائلات الكبيره عشان تستحمل فأنا كنت هجيب بي ام 328 كوبيه كابورليه بس رجعت في البيعه لاسباب يطول شرحها و اهمهم حاسس ان العربيه كتير علي او بمعني اصح لو اشترتها لاما هيجبوني من فوق شجره لاما من تحت عربيه نقل كفانا الشر!!!!!!!

اقتباس:

المشاركة الأصلية كتبت بواسطة مهند سالم (المشاركة 193313)

ههههههههههههه
انت هتقول لي دي يا مان عربيات ليس عليها غبار دي ينطبق عليها تكاركلها تشرق تكبسلها تعطل

رد: مزدا 3 ولا لانسر عوزكم تفكرو معايا

طيب طالما بتحب الجرى يبقى هوندا سيفيك اوتو 2008 مثلا ب110 الف

عربية مافيش عليها كلمة

رد: مزدا 3 ولا لانسر عوزكم تفكرو معايا

اقتباس:

المشاركة الأصلية كتبت بواسطة miroseba (المشاركة 192792)

يا راجل بيقولك قوه وجرى و حرق و تخميس تقولو النترا وسيراتو العربيات ديه متستحملش خالص الحاجات الى بتقول حاجه ده انتا هتخلى يكره العربيات كلها انا شوفت النترا فركت العربيه وقفت والواد خدها زق هوا وصحابه العربيات ديه اوبشن لاكثر ولا اقل والانترا مش ثبات خالص والسيراتو بترمى شمال لوحدها وماتور مش هيستحمل الحرق والتخميس

بص انت عايز عربيه قويه وتستحمل الحاجات ديه طلع المازدا من دماغك مع انى عمرى مشوفتهاش بتعمل اى حاجه بس مش بفضلها

لو هتجيب جيب يا لانسر عربيه وحش بمعنى الكلمه بس شكلك زهقت وعايز تغير ادامك يا سوبارو ديه عربيه ملهاش حل وتستحمل الكلام ده كولو يا تجيب اوكتافيا a4 وتكبر دماغك وتريحاها

بصراحة انا بتفق تماما مع الرأى دة جيب عربية يابانى مخصصة لاغراض دى وسوبارو سيارة رياضية اكثر من رائعة لو امكاناتك لاتسمح هات لانسر 1600 مانيوال فول سبورت
واهم حاجة خلى بالك من نفسك ومن اللى حوليك

رد: مزدا 3 ولا لانسر عوزكم تفكرو معايا

من رأيى هات الفيات لينيا تربو جيت 120 حصان .. عربية ملهاش حل فعلا ثابتة وشيك .. عربية مفيهاش غلطة