رد: موضوع دائم و متجدد لأصحاب الفليشيا
 

عندى فليشيا 98 وبها مشكلة غريبة وياريت حديكون عنده حل
المشكلة ؟أن لاقيت العربية ملغبطة فى كهربتها وكل شوية الدينامو وكتاوت الدينامو يضرب واغيره واصلح الدينامو ويضرب تانى وكل ده كان مع وجود عيب مصاحب له وهو ان عداد الrpmبيلعب
وكمان لما اشغل مروحة التكييف الكلاكس صوتة بيكون مخنوق فقالو لى ان هناك ماس بالسيارة
وبعد لفة طويلة مع ورش الكهرباء فصانا سلك الأرضى بتاع الrpmمن الموبينة وبطلة تضرب كتاوت الدينامو وبقالها فترة مستقرة ولكنى متخوف من الماس فقال لى كهربائى اخر انه لا يوجد ماس بالسيارة ولاكن هناك آى سى ضارب فى التابلوه ويجب تغييرة عند ورشة المهندس وهى موجوده بوكالة البلح فهل عند احدكم حل لهذه المشكلة لأنى مش متأكد منصحة هذا الكلام وشكرا

رد: موضوع دائم و متجدد لأصحاب الفليشيا
 

الموضوع إتحل ولا لسه؟

وفعلا طلع فى ماس؟

والكتاوت اللى بيضرب داخلى و لا خارجى؟


للأسف بمر بالمشاكل دى دلوقتى

رد: موضوع دائم و متجدد لأصحاب الفليشيا
 

4BY4الدريكسيون خفيف حبتين عايز أعرف ليه

رد: موضوع دائم و متجدد لأصحاب الفليشيا
 

ارجو معرفة سعر البيع الحالي للاسكودا كومبي 97 مكيفة

رد: موضوع دائم و متجدد لأصحاب الفليشيا
 

ياجماعة اخوكم مهندس ميكانيكا وعندي ورشة تصليح السيارات في المنيب جنب مترو المنيب وبفهم في السكودا كويس وكل العربيات الحمد لله لو حد يحب اي خدمة ٠١٢٨١١٥٦٩٨ كل يوم
م.محمد

رد: موضوع دائم و متجدد لأصحاب الفليشيا
 

السلام عليكم
فى سيارة سكودا فليشيا موديل 1995 ومشيت 195000 كيلو
فيها تكييف وسنترلوك معروضة ب 28000 جنيه
ياترى سعرها كويس؟؟
وبالنسبة لبنت أحسن سكودا ولا فيات اونو؟؟

رد: موضوع دائم و متجدد لأصحاب الفليشيا
 

مشكور يا محترم علي المجهود وبجد العربيه دي محترمه جدا جدا جدا واللي ركبها وغيرها بيندم كتير وفعلا كلام حضرتك صح 100 100 وبالنسبه لموضوع السخونه انا راكب فيلشيا 95 بقالي 6 سنين اول حاجه هنغير المروحه بتاعه الردياتير لخمسه ريشه بدل اربعه ونجيب ترموستات بيشتغل علي درجه 70 وطبعا لازم الردياتير يكون سليم يعني مش نخرم ومتلحم كتير وكمان الخراطيم تكون مبتسربش ميه وطرنبه الميه تكون شغاله تمام زي الخلاط لانها لو ضعفت او السير بتاعها بقي واسع بتقلب الميه في المتور ببطء وبتساعد علي الزياده في درجه الحراره وبعدين نظبط كهربه العربيه ونخليها وسط يعني مش عاليه ومش واطيه وده سهل اوي عند الميكانيكي وكمان نخلي بالنا من التاكيهات وظبتها وطبعا افضل زيت ليها الشيل ال5000 الاصفر ونغيره مع الفلتر من غير ما نمشي عليه زياده وكمان البوجيهات تكون نضيفه والشكمان يكون سليم مبيسربش وبلاش شغل العيال السيس لموئخذه اللي بتركب شكمان سبور او ديفيل ده بينهي المكنه بسرعه وبعدين سير الكاتينه بتاعها دا 100100 بس نغيره لما نلاقي صوته طلع عشان صوته بيبقي رخم اوي وعند ميكانيكي بيفهم فيها وتحطلها ميه زرقا او خضرا وطبعا تغسل المتور غسله تمااام كل شهر ب5 جنيه ومتقرصش علي المكنه في الحر وفي المطالع وبجد اللي هيخلي بالو من الكلام ده هيلاقي العربيه زي الفل معاه في السفر والحر واي حته وملحوظه وانت مسافر بيها اهم حاجه مبتبقاش محمل كتير يعني ارب افراد كويس لو معاكو شنط او 5 من غير شنط عشان تبقي العربيه مستريحه وتريحك والكلام اللي قولتو ده لو انت لسه شاريها ممكن تستصعبه بي سدقني مع التعود الكلام ده من اسهل ما يكوووووووووون وبجد العربيه تمااااااااااام