مصر موتورز مجتمع السيارات - أبسط و أضمن تعديل لزيادة السرعة و التسارع (تخسيس العربية)

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

رد: أبسط و أضمن تعديل لزيادة السرعة و التسارع (تخسيس العربية)

اقتباس:

المشاركة الأصلية كتبت بواسطة Injection (المشاركة 208221)

أنا معاك فى أن نظام التعليق مهم جدا علشان ثبات العربية.
بس موضوع الثبات موضوع كبير, بيأثر فيه عوامل زى "العفشة" والشكل الخارجى و توزيع الوزن جوه العربية.
وناخد كمثال الفيرنا, موتورها قوى وخفيفة, بي ثباتها قليل جدا على السرعات العالية, نظرا للعفشة السيئة والشكل الغير أنسيابى.
والمرسيدس والألمانى عامة وزنهم تقيل علشان الكماليات اللى فى العربية ووسائل الأمان اللى فيها, ده غير الخامات المصنوع منها الموتور والفوانيس ألخ, أنما عربية زى الفيرنا أكبر كماليتها زجاج بالكهرباء أكيد هتبقى خفيفة ولو لاحظت مرسيدس وبى أم بتعمل عربياتها لفئة معينة من الناس " الأغنياء" ودول بيبقوا عايزين كماليات كتير وسرعة, ومرسيدس بتضحى بجزء من الأداء علشان وزن الكماليات.
وعربيات السباق بتتعمل من الكاربون فايبر علشان وزن العربية يبقى خفيف ويتحسن التسارع والسرعة القصوى والتحكم فى الملفات.
فكرتنى, لو تعرف الg force اللى بتأثر على العربية, لو عندى عربية وزنها 2000 كيلو بتلف فى ملف, العربية هتتشد بعيدا عن مركز الملف و بيحصل ده طرديا مع وزن العربية(لما بتلف بالعربية وتلاقى نفسك بتتشد لبره), على عكس العربيات الأخف اللى الموضوع ده فيها بيقل فبتقدر تاخد ملفات على سرعة أعلى من غير العربية متتسحب لبره(مع عفشة سبور و تهبيط العربية للحفاظ على الثبات).
وفى الفورملا وان, العربيات خفيفة وقوية جدا, والجنط مش تقيل ده خفيف بس مساحة تلامس الكاوتش مع الأرض وخفة وزنه هى اللى بتحدد الثبات.
ده حتى لما تشترى جنط جديد مش مهم حجمه قد ما مهم يكون وزنه أقل من القديم, علشان الموتور يعرف يحركه بسرعة وكفائة من غير ماتجهد الموتورفى تحريك وزن الجنط التقيل.
ودى صورة عربية واطية:)
http://www.roadraceengineering.com/3...lledspyder.jpg
و أختلاف وجهات النظر هو اللى المنتديات أتعملت علشانه ياباشا:)
ومعلش أنا طولت المرة دى أوى, أشوفك فى المشاركة الجاية.

تمام يا مان زي ما قلت لك الالماني بيقول امان اولا ثم اداء ثانيا
فعلا كلام حضرتك صح ان لو العربيه تقيله هترمي بعيد لكن لو خفيفه هتفضل في نفس الحاره لكن دا بردو حسب نظام التعليق و ممكن تجرب ده بسهوله جدا
نظام التعليق في لانسر 1.3 ملتي كل عجله لوحدها و ده طبعا بيكون متطور جدا في السيارات الفاخره و هو افضل من المتصل
و جرب لانسر 1.6 و هي عفشه رايضيه و متصله
احساسك في الاثنين
ال1.3 هتلاقي العربيه بتقرص علي المسعدين ذياده عن المعداد في العربيات العاديه شويه لان كل عجله شيله حملها لوحدها و العربيه مش هتحاول تروح منك في حاره تنيا
اما ال1.6 فتلاقي العربيه ثابته جدا لكن هتحس بأن الدركسيون بيرمي نفسه جامده الجهه المعاكسه
و طبعا موضوع نظام التعليق كبير جدا و الفرق بنهم اكبر مش عوزين نخش فيه
ممكن ان العربيه لما تكون خفيفه تكون مرنه معاك في الملفات لكن مش هتكون ثابته يعني كسره زياده شويه ولا شويت هوا جامد علي سرعه ممكن يضيع الدنيا و انا ضربت لك مثال الفورميلا ون
كانو يعملو جنط رفيع عشان يبقا الاحتكاك اقل يبقا اداء اعلي؟
لا بس لازم جنط عريض عشان يحولو يسدو العجز الي عملوه في الوزن بس بردو العربيه بطير و بتتقلب و بتعوم و لازم الي سيقها يبقا سائق محترف عشان يقدر يتحكم فيها
و بردو لو تلاحظ المني كوبر حجم صغير ثبات عالي وزن ثقيل!
مستحيل يكون في عربيه وزنها صغير و ثباتها عالي
و الفرنا مع انها هوا علي الطريق في ناس بتغرز بيها علي 160 و 180 دا لأنهم محترفين سواقه و فهمين العربيه زي الفورميلا ون لكن مع الناس العاديه مستحيل لعملو كدا طبعا
يعني الفكره الحقيقه الي هي رائعه و حضرتك اول واحد يقول لنا عليها اني اخفف الوزن دي لازم يعملها سائق محترف مش اي واحد عاوز يجري يعملها لان لو حد عادي عملها هنجيبه من علي شجره كفانا الشر
تخفيف الوزن يعطي مرونه لكن يفقدك ثبات
و بمناسبه السياره الوطيه انا عاوز عربيه وطيه مش عشان عوزها تبقا ثابته لا انا عوزها عشان نفسي اعدي من تحت عربيه نقل لاني بعربيتي اقصي حاجه بدخلها تحت النقل هي الكبوت اكثر من كدا هتفرم!
تمام يا مان اختلاف الرئي لا يفسد في الود قديه و اهو احنا بنتبادل معلومات
و اسف علي التأخير

رد: أبسط و أضمن تعديل لزيادة السرعة و التسارع (تخسيس العربية)

أخيرا أتفقنا, بس ليا تعليق صغير, أى عربية عادية الفيرنا مثلا, فى ناس فعلا بتاخد بيها غرز على 180, بس دول بيبقى قلبهم ميت, علشان العربية عفشتها متستحملش الكلام ده, وعلشان الطريقة اللى العربية بتعوم بيها تخوف, والعفشة الأسبور وتوطية العربية بيحلوا المشكلة دى.

اقتباس:

المشاركة الأصلية كتبت بواسطة medo akef (المشاركة 208787)

و بمناسبه السياره الوطيه انا عاوز عربيه وطيه مش عشان عوزها تبقا ثابته لا انا عوزها عشان نفسي اعدي من تحت عربيه نقل لاني بعربيتي اقصي حاجه بدخلها تحت النقل هي الكبوت اكثر من كدا هتفرم!
تمام يا مان اختلاف الرئي لا يفسد في الود قديه و اهو احنا بنتبادل معلومات
و اسف علي التأخير

ههههههههههههه, جامد أوى شغل the fast and the furiousده, بس السواق أول ما هيشوفك بتحاول تعدى, هتلاقيه داس فرامل ووطالك العربية على الأخر:(.

رد: أبسط و أضمن تعديل لزيادة السرعة و التسارع (تخسيس العربية)

اقتباس:

المشاركة الأصلية كتبت بواسطة Injection (المشاركة 208789)

تمام يا مان و لازم يكون قلبك ميت و انت بتسوق عشان تعرف تسوق اصلا و لو العربيه عامت في ناس بتعرف ترجع لها توازنها مش تكبس فرامل و تتقلب!!!!
عفشه اسبور يعني مفيش راحه
توطيه عربيه يعني هلمع مطبات البلد
و علي رئي الميكانيكيين انت هتعدل علي الخواجه!
مستحيل نزود اداء و ثبات من نحيه و مش هنقلل راحه او ذياده استهلاك وقود
علي العموم تشرفت بمعرفتك يا مان و ان شاء الله لينا لقائات تنيا

ههههههههههههههه
لا يا مان انا في الحاله دي ماشي بمبدء
u can't see me
يعني هو مش هيلحق يشفني عشان يفكر يمسك فرامل
و ربنا يستر معانا جميعا

رد: أبسط و أضمن تعديل لزيادة السرعة و التسارع (تخسيس العربية)

اسف مع احترامي لكلامك بس كل ده هياثر علي ثبات السياره وانا في راي ان ثبات السياره اهم من تسارعها وشكرا

رد: أبسط و أضمن تعديل لزيادة السرعة و التسارع (تخسيس العربية)

أخف عربيات في العالم و أسرع عربيات في العالم

عربيات الفورمولا وان

و مع ذلك أكثر عربيات ثباتا في العالم

أتقل عربيات في العالم الفور باي فور

و مع ذلك ثباتها ضعيف

مفهوم إن الوزن مرتبط بالثبات مفهوم خاطئ !!!!

رد: أبسط و أضمن تعديل لزيادة السرعة و التسارع (تخسيس العربية)

اقتباس:

المشاركة الأصلية كتبت بواسطة Ahmed Anwer (المشاركة 210904)

حضرتك قلت اللى أنا عايز أقوله, توزيع الوزن داخل السيارة هو مايؤثرعلى الثبات وليس الوزن نفسه.

وشكرا على مرورك يا أستاذ أحمد:)

رد: أبسط و أضمن تعديل لزيادة السرعة و التسارع (تخسيس العربية)

- نزع الزجاج الجانبى للسيارة.
اعتقد ان المعلومة دى مش صح لانها هتزود ال AIR RESISTANCE