|
رد: تقرير عن السيارة المنسية فى مصر Honda city
أجبلك من الأخر إحنا شعب مبيفهمش في العربيات أصلا يعني لما تبقي عربيات زي سوباروا وفولفو وهوندا وألفاروميو ولكزس ومازدا غير منتشرين في مصر بجميع موديلاتها الفخمة والرهيبة والسباقة بالتكنولوجيا ولما تبقي متسوبيشي مبينتزلش منها غير اللانسر وأحيانا الباجيروا فقط ولا يوجد شيء أخر فثق أنك في مصر الشعب اللي ماشي بمبدأ اللي نعرفه أحسن من اللي منعرفوش وده مبدأ زبالة بس للأسف ده واقع
--------------------------------------------------------- عارف إحنا بننخدع بالإعلانات وبننبهر بيها وننسى الأصل بنحب أو نشوف إعلان رهيبة بس مبتطرش أو بس ما بتتهببش تعوم أو إعلان أسوء منه أنا اللي هسوق ال... يامنى أنت بتحلم يا حلمي أو الإعلان اللي بيجبلي مرارة أي أفيووو أي أفيوو توو هوه أنا مبقللش من شئن السيارات دي بالعكس بس بحس إن هما بيظلموا معاهم عربيات تانية بص بلاش حرقه دم أنا لو قعت أعددلك العربيات المظلومة هنا في مصر مش هنخلص -------------------------------------------------------- ده حتي في قطاع النص نقل شفورليه الدبابة متفوقه علي التويوتا الهاي لوكس أو متسوبيشي أو دودج رام أو غيرها الكثير وده بسبب إعلان العربية اللي حلتي باظت ------------------------------------------------------ بس إعرف حاجة عشان تجيب عربية هنا في مصر للإسف هات أي عربية ماسك التوكيل بتاعها غبور أو أبو الفتوح أو منصور أو العالمية للتوكيلات (نصير) هما دول اللي واكلين السوق بإعلاناتهم اللي تاكل العقل حتى لو معاهم عربية مجمعة في بير اليلم هتنجح نجاح باهر وأكبر دليل على كده نجاح كيا الباهر في سنوات معدودة أو نجاح شفورليه الباهر أيضا في سنوات معدوده ونجاح إسبرانزا الغريب بالرغم من وجود عده شركات صينية أكثر منها كفائة أو برغم من فشل شيري كماركة مع توكيل أخر رغم أن شيري و إسبيرانزا هما من أصل واحد ----------------------------------------------------------- يعني معلش حد عاقل يروح يشتري التيوتا الكامري ويسيب الدودج التشارجر والإثنين بنفس السعر مع إختلاف الإمكانيات وهو طبعا لصالح الدودج ده حتى الشكل لصالح الدودج بلاش الفئة دي في حد يروح يشتري أوكتافيا ويسيب السفيك ولا السوباروا ولا ولا......ptmnlo123per172 بس تقول إية غير إبتسم أنت في مصر :HAPPY_~211: ------------------------------------------------------------- هذه مجرد وجه نظر وتقبل خالص تحياتي :waving::waving::waving: |
رد: تقرير عن السيارة المنسية فى مصر Honda city
اقتباس:
بس السيتي فئه ال sub compact و غالبا اصحاب هذه الفئه من الشباب و السيدات و في اغلب الاحوال بتكون عربيه تانيه في البيت مش العربيه الاساسيه يعني اللي بيشتريها بيدي اولوليه للعربيه الاولي الكبيره اللي بتنفعه في مشاويره في السفر و التحميل و هكذا طب لما يحط مبلغ زي دا في عربيه زي السيتي اوك لكن لما يحتاج فانوس او تتخبط خبطه معقوله و يلاقي التوكيل بيقول مبالغ خياليه(و دا حصل فعلا مع زميل عضو معانا في المنتدي ) و تدور علي قطع غيارها مش بتلاقيها بره التوكيل يبقي اللي اشتري العربيه دي استفاد ايه؟؟!!!! حاطط فلوس في عربيه لابنه او لمراته و هو بيصرف عليها في الغالب و بيدفع مبالغ طائله في قطع غيارها و صيانتها فالاوفر له انه يجيب عربيه معقوله و قطع غيارها اسعارها حلوه و نفس البرستيج و هو دا التفكير السائد و مش حنقول ان التجار مش بتجيب قطع الغيار علشان العربيه مش منتشره لاء طب ما السيراتو مكنش ليها اسم في السوق قبل الموديل الجديد و بالفعل عملت طفره و كل الناس اشترت من غير ما تبص علي قطع الغيار لان العربيه نازله بسعر مدروس و في وقت كان الياباني مولع نار و دا لعبه التوكيل المفروض ينزلالعربيه بسعر مناسب لفئتها و قطع غيار اسعارها معقوله و بكده العربيه حتنتشر و لو نفتكر كلنا ايام ما اللانوس ظهرت في السوق و الكل متخوف منها كان ابو الفتوح بينزل اسعار قطع الغيار في الاعلانات علشان يطمن المستهلكين ان العربيه علي الرغم من تقدمها آنذاك الا ان اسعار قطع غيارها معقوله و بالفعل ابو الفتوح عمل اسم لدايو كبير جدا و اصبحت سياره شعبيه |
رد: تقرير عن السيارة المنسية فى مصر Honda city
اقتباس:
ليه الناس بتشترى تيوتا كامرى و مش بتشترى الدودج تشارجر .... صحيح التشارجر موتورها أقوى بكتير و يمكن يكون فيها امكانيات أكتر من الكامرى بس الدودج مشهورة من زمان بكثرة أعطالها و عدم ثباتها ,,, أما الكامرى الناس بتجيبها علشان عربية عمرها طويل و قطع غيارها رخيصة و قلما تعطل و على فكرة بتجرى برده مش بطة يعنى .. هى طبعا مش زى التشارجر بس ماتضايقكش يعنى ...و طبعا التويوتا ماسكة سعرها أما الدودج تجيبها و تنسى انها تجيب لك فلوس بعد كدة لو حبيت تبيع .... و عموما فى الاخر الناس أذواق يا باشا و ماينفعش تقول على حد غبى و حد ذكى ... لأنه كلو فى الأخر بيجيب عربية ترضيه و حسب احتياجاته....... مع تعليق أخير ان الاتنين سعرهم فى مصر مبالغ فيه بطريقة غير طبيعية ,,,, 580 الف ... لو انا اللى هجيب هتبقى مرسيدس عيون طبعا بنفس السعر فى مصر ..... أما فى الخليج فاسعر الكامرى و التشارجر ما يوازى من 120 الى 140 الف جنيه و سعر المرسيدس العيون بيبدأ من 320 ألف جنيه .... و هى دى القيمة الحقيقية للعربيات دى .. أقل من نص المرسيدس ليه الناس بتشترى الاوكتافيا و يسيبوا السيفيك و السوبارو.... يا باشا الاوكتافيا أحسن من السيفيك بمراحل متعددة .. و ده رأيي طبعا و احسن فى الوسع و الثبات و الامكانيات و اهم حاجة بالنسبة ليا الثبات ..... الهوندا ورقة بعد 120 أما الاوكتافيا معاك لحد 190 زى الوحش ...... و انا سقت الاتنين و عارفهم كويس ......... بس فا برده انا بقول رأيى على حسب احتياجاتى و على حسب الحاجة اللى تريحنى ... انا مايهمنيش النعومة و التجميع بسرعة قد ما يهمنى الثبات..... و أهلا بيك فى مصر يا باشا |
رد: تقرير عن السيارة المنسية فى مصر Honda city
والله تقرير روعه يا ديفيل تسلم يا برنجي وتقبل تحياتي
|
رد: تقرير عن السيارة المنسية فى مصر Honda city
اقتباس:
|
رد: تقرير عن السيارة المنسية فى مصر Honda city
مع أن السيارة 1500 سىسى ألا إنها تتمتع ب 118 حصان وهذا الرقم ليس سئ أبدا فهى تتفوق على الأوكتافيا والجيتا وسيارات أخرى كثيرة من نفس الفئة
الجيتا فئة اعلى من السيتى بكتير |
رد: تقرير عن السيارة المنسية فى مصر Honda city
اقتباس:
الهوندا سيتى سب كومبت ومع ذلك الهوندا موتورها اقوى من موتور الجيتا وأنا آسف إذا خالتنى الكلمات وشكرا على مرورك |
| الساعة الآن 07:07 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017