مصر موتورز مجتمع السيارات - ايه اغرب ركنة ركنتها قبل كدة؟؟؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - ايه اغرب ركنة ركنتها قبل كدة؟؟؟؟ (https://www.masrmotors.com/vb/showthread.php?t=25201)

رد: ايه اغرب ركنة ركنتها قبل كدة؟؟؟؟

انا كنت راكن فى روكسى جنب الرصيف والحته دى ممنوع فيها الركن ولفيت انا والاسره نشترى حاجات وشفت عربيتى من بعيد فى صفين عربيات قافلين عليها وراكنين قلت اكمل لف لحد ما حد يطلع واقدر احرك العربيه
ولما رجعت لقيت عربيتى لوحدها وكله اتحرك قلت اطلع براحتى وفضلت احاول العربيه ثابته فى الارض ونزلت ابص عالعربيه لقيتها متكلبشه وكان يوم عكننه

رد: ايه اغرب ركنة ركنتها قبل كدة؟؟؟؟

اقتباس:

المشاركة الأصلية كتبت بواسطة MEMOO_1ST (المشاركة 176626)

والله الموضوع اكثر من رائع وشيق جداً.
هوا فعلا الواحد ساعات بيكون مستعجل يبضطر يركن ركنات غريبة.
بس انا هحكي على موقف تاني وأنا في الشغل مرة جه عميل محترم جدا فقعدت اتكلم معاه المهم انو كان في دبي وركن العربية وبعدين نزل خلص الحاجة الي كان بيعملها وبعدين رجع لقى عربية ركنة صف تاني ومش عارف يطلع منها المهم راح دور على اقرب ظابط وجابوه .
تفتكرو يعمل اية .
راح الظابط مطلع الاب توب ومدخل رقم العربية وجاب رقم موبايل صاحبها و كلمو ينزل علشان يطلع الراجل وبعد ما حل المشكلة حرر للي كان راكن صف تاني مخالفة.
تفتكروا لو الموقف دا في مصر كان اية الي هيحصل.

طبعا موقف حضارى من راجل المرور
ايه اللى هيحصل لو الموقف ده فى مصر ؟ مفيش حاجة حتحصل لأن سيادة الظابط هيسبك جنب عربيتك تغنى ظلموه
او يقوم يكلبش عربية اللى راكن صف تانى يقوم يعقدها لك اكتر او فى الأغلب مش هتلاقى لا ظابط ولا يحزنون

رد: ايه اغرب ركنة ركنتها قبل كدة؟؟؟؟

احسن حاجة الواحد يشترى كلبش ويركن فى اى حتة على مزاجه ولما يركن يكلبش العجلة ولما يجى بتوع المرور يلاقوا العربية متكلبشة اصلا هيمشوا ويسبوها

رد: ايه اغرب ركنة ركنتها قبل كدة؟؟؟؟

اقتباس:

المشاركة الأصلية كتبت بواسطة asd555 (المشاركة 177091)

ههههههههههههههههههههههههه ههههههههه فكرة جامدة جداً.

رد: ايه اغرب ركنة ركنتها قبل كدة؟؟؟؟

على فكره فى واحد عنده جراج جنب الشغل بتاعى بيعمل كده لما بيكون عنده المكان زحمه وعايز يركن ناس

رد: ايه اغرب ركنة ركنتها قبل كدة؟؟؟؟

هى مش ركنة لكن موقف حصل فى مطار القاهرة امام صالة السفر المفروض انزل الشنط والعربية تتحرك فورا ً لان امناء الشرطة متواجدين باستمرار المهم
العربية دايرة والشبابيك مفتوحة وباب السائق مفتوح حوالى 15 سم وانا واقف جنب العربية بحط الشنط على الترولى وسلمت وودعت وجيت اركب العربية لقيت الكلبش راكب احاولت اشرح انى انا جنب العربية وهى المفتاح فيها وشغالة مفيش فايدة
اتنرفزت وشط الكلابش برجلى ( زمان ايام الصحة ماكانت حلوة )
وهوب الكلابش طار وبقى شوية حاجات فالارض واكتشفت انة كلابش صورى ومش مربوط ومحطوط منظر مش اكتر وقامت الدنيا عليا كأنهم بيقبوضوا على مجرم
ورحت للظابط اخد الرخص وعمل المخالفة وادانى الرخص تانى
لكن انا كنت متفق على بيع العربية واول ماروحت عملت شهادة مخالفات قبل ما المخالفة تيجى والراجل اللى اشترى العربية غيروا لة النمر فالمرور لانها كانت ثلاث ارقام واخد رقم كبير
وراحت المخالفة اللى مش عارف هى بكام
وانا معى العربية الجديدة بنمر تانى خالص مع انى حاولت اجيب النمر القديمة معرفتش خصوصا ً انى كنت دافع التأمين عليها حوالى سنة ومش عارف المخالفة ممكن تيجى ولا خلاص كدة براءة

رد: ايه اغرب ركنة ركنتها قبل كدة؟؟؟؟

انا مرة كنت فى المنشية وقاعالف على ركنة مش لاقى وشايف عربيات مستشارين ونيابة ركنين صف تانى وتالت ورابع ولا حد كلمهم قلت حركن جنبهم واللى يحصل يحصل وانا كدة كدة داخل اعمل توكيل لمحامى
رجعت لقيت عربية لازقة ورايا والظابط على الحظ واقف ركبت العربية قالى الرخص قلت لة ان العربية بتاعت قاضى والرخص مش معايا فى ثوانى خلا امناء الشرطة زقوا العربية الى ورايا وطلعت بتعظيم سلام