رد: حاجة غريبة مش عارف لها تفسير
 

استاذ عصام
الأداء ثابت من أول الإدارة لغاية التبطيل مهما طال المشوار او قصر
و لما ببطل و أرجع أدور بعدها بشوية (ممكن بعدها ب 5 دقايق او دقيقة او ساعة المهم متكونش بردت تماما) و ارجع ادور تانى بيبقى اداء متفوق و مستمر لنهاية المشوار
علشان كده انا مستبعد الحاجات العادية

رد: حاجة غريبة مش عارف لها تفسير
 

على فكرة ----انا جاوبت على السؤال ده فى مشاركة تانية بس انت باين عليك عايز تفهم بالتفصيل
بص يا استاذى العزيز:
the ECM has several modes :starting mode---clear flood mode---run mode---acceleration mode----deceleration mode---battery voltage correction mode---
انت بتحس بالاختلاف فى اى جزء؟؟؟؟؟

رد: حاجة غريبة مش عارف لها تفسير
 

و الله اعلم اكيد ال run mode و acceleration mode
بحس ان دواسة البنزين لما بتتلمس التسارع بيستجيب على طول (فى تانى دوارة بالمقارنة بأول دوارة)
شكرا لاهتمام حضرتك
يا ريت تدينى لينك الموضوع الى فيه المشاركة
بس انا فعلا عايز افهم بالتفصيل
بالذات لانى ملقتهاش فى الكتاب امتى الكانستر بيرج فالف بيفتح
و كمان امتى بالظبط ال open loop بيبقى closed loop بالنسبة لتعامل الكنترول مع حساس الاوكسوجين
لان دول الحاجتين الى شاكك فيهم

رد: حاجة غريبة مش عارف لها تفسير
 

ليك حاجة واحدة كل يوم -------:crazyW14:
بص يا سيدى
open loop يعنى البنزين بيتحرق وبيخرج من الشكمان ومع السلامة
closed loop يعنى فيه feed back من o2 sensor للكومبيوتر بيعرفه كمية البنزين زيادة ولا مظبوطة وبالتالى يقوم بظبطها عن طريق injection time
--------------------------------------------------------------------------------------------------
ال open loop ليها coditions زى -----
فى حالة starting---coolant temperature lower than 65 degree
وفى الحالة دى o2 sensor بيكون نايم لاننا بنكون عايزين المحرك يسخن بغض النظر عن استهلاك البنزين وبعد ما يسخن يتحول closed loop

وفى حالة تانية لما ندوس بنزين بسرعة --فى حالة تجاوز عربية مثلا---مش مهم استهلاك البنزين فلازم يكون open loop

رد: حاجة غريبة مش عارف لها تفسير
 

جميلة جدا المعلومات دى يا باشا
على أحر من الجمر فى انتظار الكاركول كانيستر
تاعبك معايا

رد: حاجة غريبة مش عارف لها تفسير
 

قبل ما نبتدى درس النهارده نراجع الاول :
س--ماهى الحساسات التى تتحكم فى closed loop &open loop ؟؟؟
ج--حساس الحرارة ----وحساس البوابة
اوعه تكون بتغش الاجابات
بص يا سيدى يا بتاع الفيوم .....
اثناء توقف العربية البنزين بيتبخر ويتم تكثيفه فى علبة اسمها الكانستر اللى عند الكاوتش اليمين ورا ودى بتكون مليانه فحم قابل لتخزين البنزين و تكثيفه
لما العربية تدور يتم سحب الهواء من العلبة دى بواسطة suction المحرك
وبتاخد هواء من الجو والا هتتطبق لجوا
واللى بيتحكم فى عملها solenoid بياخد اوامره من ecm وده بيكون من المعلومات اللى جمعها من درجة حرارة الهواء وtps
وده الوظيفة الاولى اما الثانية -----
فهى الحفاظ على الضغط داخل التنك من ال under pressure اللى بيعملة السحب بتاع طلمبة البنزين والا التنك هيطبق ---والعربية مش هتسحب من العبء على طلمبة البنزين
وممكن تتحرق من الجهد ده
وفيه حالات بتيجى عندى بتشتكى من السحب وصوت طرقعه تحت العربية بس الوضع بيتحسن بعد ما بيدخل البنزينة يفول ----طبعا عرفت ليه
النظام ده بيكون مسدود والتنك فيه under pressure ولما يدخل البنزينة التنك بياخد هوا والسحب يتحسن لفترة