رد: فيات 131 أم ريجاتا
 

دى اول مشاركه لي وبجد يسعدنى انها تكون هنا
اولا : لأنى بجد استفدت جدا جدا من المعلومات القيمه اللى من الناس المحترمه بجد وحابه تقدم مساعده حقيقيه وبإسلوب راقى ومحترم
ثانيا : بص حضرتك انا حايا بدور على عربيه كويسه تكون ف رينج 16 او 17 و قدامى اختيارات مابين 131 أو 132 أو الريجاتا..
بالنسبه للريجاتا فهى مع خالى بقالها حوالى 7 سنين مو86 ايطالى وبتفق تماما مع الأستاذ Salah 74 لأن بجد رأيه محترم وكلامه انا لامسه فى العربيه بجييب بيها 140 على الطريق وهى محمله وزى الفل بس عيبها الوحيد موضوع الكبالن دا لعنه لكن غير كدا تمام نعومه وسلاسه وسحب
اما بقى ال 131 فماقدرش انكر انها عربيه محترمه حمالة اسيه وأظن اهم ميزه فيها الدفع الخلفى هى كانت مع خالى قبل الريجاتا وكانت ايه .. مكيفه وسنتر وزجاج كهربا والخطير بقى ان الفتيس كان اوتوماتك مش مانيوال لكنه عمل بيها حادثه وركبلها قطمة شاسيه وبعديين باعها
انا اسف جدا على التطويل لكنى استقريت على رأى وحبيت انقله لحضرتك وهو : انى اشترى العربيه اللى ارتحالها
انا شايف مميزات وعيوب كل نوع يبقى الفيصل
اولا : الحاله العامه للعربيه
ثانيا : الراحه النفسيه
وربنا معاك ويوفقك للخير والعربيه المناسبه
د.تـكــلا

رد: فيات 131 أم ريجاتا
 

131 طبعا لو الحالة جيدة، لكن المشكلة إنها عربية قديمة نسبيا عن الريجاتا، يعني فرصة إنك تلاقي حاجة جيدة في الريجاتا أكبر، ولذلك المرجعة للحاجة الجيدة، لكن طبعا 131 أفضل. وشكرا ليك

رد: فيات 131 أم ريجاتا
 

انا اشتريت خلاص ريجاتا 1984 اية الحل king_seef@yahoo.com

رد: فيات 131 أم ريجاتا
 

إيه الحل يعني إيه، إنت اشتريت يبقى ربنا يبارك ليك فيها، والريحاتا مش وحشة، وزي ما الناس قالت المهم الحالة الجيدة، وطالما اشتريت يبقى ما ترجعش للوراء، وما تسألش، ارضى بعربيتك، ولو فيها أي عيب حاول تظبطه عشان انطباعك الأول عن العربية يكون جيد وتحبها، وربنا يبارك

رد: فيات 131 أم ريجاتا
 

رد: فيات 131 أم ريجاتا
 

QUOTE=ali_m_73;215317]ربنا يبارك لك فيها
ممكن تقولنا موديل كام والحالة والسعر[/QUOTE]
السلام عليكم
موديل 1984 مكيف محتاج شحن فقط تحتاج زريجنة شمال العجلة كانت داخلة فى رصيف تابلوة عايز يظبط الابواب محتاجة كوتش بس 20000 الف جنية

رد: فيات 131 أم ريجاتا
 

اسف على المداخله
احب اقول رايى فى الباب الجميل ده بخصوص 31
العربيه 131 لما تكون حالتها حلوه لا يعلى عليها
افضل سياره فى مصر ما بين السبعينات ومنتصف التسعينات
وللعلم انا من هواه المستعمل
كنت راكب مازدا _305 بيجو-لادا-32-28-
واخيرا ركبت ال31 سياره من الاخرهى افضل سياره ركبتها
واسأل الميكانيكيه والسمكريه وكل الصنايعيه هيقوللك نفس الكلام 31 معايا بقالها خمس سنين بسم الله ماشاء سياره
ولا كلمه وكنت ابحث مؤخرا من اجل اخى عن مثلها ولسه بندور سياره ياجماعه نقول ونحكى عليها للصبح
والاستاذه الافاضل تفضلوا بالرد المفصل فى شكر محاسن ال131 فى اول الباب ولهم جزيل الشكر
وما تتعبشى نفسك كتير ياللى بدور على سياره مستعمله
دور على 131 حالتها كويسه وان شاء الله هتعيش معاك كويس اكتر ما كنت بتحلم
ونسألكم الدعاء لنا بالتوفيق فى حياتنا
والله اعلى واعلم.................... ...................