رد: الريجاتا بتطبل معايا عند سرعة 80 تحديدا
 

رد: الريجاتا بتطبل معايا عند سرعة 80 تحديدا
 

السلام عليكم
آخر الأخبار:
غيرت الميكانيكي ورحت لميكانيكي تاني، ركب معايا وشاف العيب بنفسه، أول ما العربية بطلت نزل وشد خرطوم البنزين اللي طالع من الطلمبة وقالي الطلمبة دي ضعيفة، قولتله ياعم انا مشتريها جديدة؟؟ شوف بس انت خراطيم البنزين اخبارها ايه، قالي طيب
طلعنا على الورشة وشغل الكمبروسر ونفخ خراطيم البنزين كلها وقالي زي الفل مافيهاش حاجة. طلع كدة صباع معدن اللي بيدوس على طلبمة البنزين وقالي دا اللي فيه العيب وعايز يتغير لأنه كان شكله معووج، رحنا غيرناه وقالي انت كدة مافيش عندك اي مشاكل.
طلعت جربت العربية، ايه اللي حصل يا ترى؟؟
نفس المشكلة العربية اول ما بتوصل لـ 60 أو 70 مش بتستجيل لضغطة البنزين من رجلي وبتبطل.
في ملاحظة واحدة: لما رجعنا الورشة قولتله فين الموبينه ، شاورلي عليها، لقيتها سخنة، قولتله هي عادي تبقى سخنة قالي عادي جدا، هل دا صحيح؟
انا تعبت خلاااااااااص

رد: الريجاتا بتطبل معايا عند سرعة 80 تحديدا
 

طبعا بتبقى سخنه
هل جربت تفك العمة و تشوف ميكانيسم الاكس و الباب لما تزود بنزين بيفتح مظبوط ؟
هل يكون فيه حاجة سايبة زى لباد تبطين الكابوت بيتشفط حتة منه لما الماتور سرعتة تزيد فيبطل العربية و لما تفتح الكابوت مش حيبان حاجة ؟
هل الكلام ده بيحصل برضه لو حرقت على نقله ( طولت على التانى شوية لغاية 60 مثلا )؟
هل تم اختبار صلاحية الاسبراتير (ممكن يكون مبيستحملش ال rpm العالى و بيفصل كهرباء )؟

رد: الريجاتا بتطبل معايا عند سرعة 80 تحديدا
 

أصل في واحد من الزملاء قالي شوف الموبينة دافية بعد مشوار طويل واللا لا. عشان كدة كنت بسأل على السخونة.

ماجربتش بس الميكانيكي قالي الكاربراتير نضيف ومافيهوش مشكلة

مش عارف

عادي جدا لما بحرق على الغيار الثاني مافيش مشكلة، وحتى وانا واقف بدوس بنزين على الآخر العربية مافيهاش اي مشكلة، هي العملية مرتبطة بالسرعة

اثنين ميكانيكية شافوه وقالولي سليم مافيهوش حاجة، ودايما بيقولو دي مشكلة بنزين

رد: الريجاتا بتطبل معايا عند سرعة 80 تحديدا
 

يبقى كده نستبعد الاسبراتير
بس احنا معرفناش انت غيرت بك السرعة و لا لا ( ده رخيص جدا )

رد: الريجاتا بتطبل معايا عند سرعة 80 تحديدا
 

لا بصراحة ماغيرتوش، كل الناس بتقول الكاربراتير بكاته سليمة ومافيهاش مشكلة

رد: الريجاتا بتطبل معايا عند سرعة 80 تحديدا
 

جرب شيل العمة خالص و امشى تجربة ( علشان نستبعد انسداد مجرى الهواء على السرعة دى ) بس لو فيه تبطين لباد للكبوت شيله برضه