رد: ماهو اقوى صاج سيارة فى الفئه السعريه حتى 100 الف
 

عربية جارك اكيد كورى او صينى او فيها حاجة غلط لان اليابانى والاوروبى مبيحصلش فيه كده اومال هو الكورى والصينى رخيص ليه
على فكرة احنا حوالينا اكتر من 10 مدارس غير نوادى النت اللى بتلم الشباب ومع ذلك بلاقيهم قاعدين على عربياتنا انا او الجيران مفيش حد عنده المشكلة دى الا 3 واحد فيهم عنده هيونداى اكسيل والتانى عنده نوبيرا والتالت فيرنا والحقيقة انا مفكرتش ان ده ممكن يكون السبب ولا جه فى بالى والله تتصور ممكن ؟؟؟؟
وبرضه حضرتك فكرت زى م انا خمنت موضوع الحادثة نسبة الحوادث عند اللى بيصنعو قليلة جدا هيكلف نفسه ليه طالما الزبون عنده مش محتاجها حضرتك بتستورد مواصفات مش معمولة ليك

رد: ماهو اقوى صاج سيارة فى الفئه السعريه حتى 100 الف
 

ايوه فعلا عربيه جارى هيونداى اكسيل بس انا عربيتى كرورولا عيون وبرضه لما احد بيقعد على الصاج بينزل لتحت مش مساله كورى اعتقد صاج السيارات اصبح من الحديد مع خامات بلاستكيه للتوفير من قبل الشركات وماتلاقيش الكلام ده للسيارات فوق ال150 الف مثل الباسات والاوكتافيا والفكترا

رد: ماهو اقوى صاج سيارة فى الفئه السعريه حتى 100 الف
 

السيارة الوحيدة حسب انطباعى التى اشعر انها مثل الدبابة من ناحية الصاج هى الاسكودا اوكتافيا

رد: ماهو اقوى صاج سيارة فى الفئه السعريه حتى 100 الف
 

شكرا للمداخلات انا عارف يا سيدى الفاضل انت تقصد اية مالهاش دعوة بالحوادث سيارة تحافظ وتمسك نفسها انا فاهم كلامك كويس يعنى مثلا انا مرة ولد فى مدرسة عندة حوالى 14 سنة مع زميله مروحين من المدرسة بيلعبوا مع بعض وبيدفع زميله على باب عربيتى الخلفى الدايو لانوس راح دخل دخله وحشة اوى ولو انا مقلتش السبب تفكر عربية داهله فية ولو حاولت ترجعة وانت مش شاطر او اوى ممكن تبذذ فى الباب ولازم ترجع على البارد بطريقة مهارة والخ لكن التوكيل قال ليا لازم يترد وكدة فى حين انى والحمد لله املك سيارة هوندا اخرى قديمة صاج جيد جدا ومدرفل بطريقة لو ريحت علية يرجع وياخد شكله تانى حال معظم القديم واول امبارح حك فيا تاكسى اسبرانزا مسكين لا حول ولا قوة الا بالله انطعج بابة ؟ وانا مفيش حتى مكان اثر للحك حتى الدهان القديم مش يطلع بسهوله
انا عارف انت تقصد الحاجات اليومية البسيطة اللى بتحصل فى مصر ومش موجودة فى اى مكان فى العالم تلاقى حتى البى ام والمرسيدس الجديد صاق بسماكة انحف الحديد عالميا غالى ودول العالم معظمها فقيرة بالحديد وبيستورد وسلعة مهمة اضافة للاسباب الاخرى من محاوله الحصول على نسبة وزن للقوة اعلى والاعتماد على مواد قليله التأكل خفيفة الوزن كالفيبر والبلاستيك المقوى والالمنيوم الخ
جرب وشوف حديد البرتون واجا اعتقد انة لازال يتمتع ببعض خصائص سيارات الماضى وصعب التشوة لاقل لمسة
وكمان احنا كشعب عيب اوى بنخلى السيارات مكاتب نكتب عليها ونشوة فنش وتشطيب الدهان وكنب وكرسى للشلل
والناس الى غاوى حب وطلبة الجامعة والمدارس مش تحلى الموضيع والرغى ديما الا على عربيتى وسندويتشات الطعمية والله ساعات بلاقى ان اللى كل ساب الكوبية البلاستك ملصقة على السقف وباقيا خبز وطرشى مش عارف حد بيعمل كدة فى بيتة دة انت تحمد ربنا لو تتذكر جت فترة فى مصر طلع مجموعة من الناس همها لما تيجى جنب اى سيارة تجرح البوية بمسامير فى عقد الثمنينات لدرجة اى حد بيمشى جنب عربية كنا بنشوف ونشك فية كان فى ناس بتنزل من بيتها علشان تدور على عربية سليمة وتجرح فيها
يا اخى انا فى خلال السنة دى مسروق من عندى لوجو خلفى وامامى وطاسة مش فاهم حيعملوا بها اية مش عارف اكهرب العربية وجارنا هيونداى الالنترا وتحت عمود نور منور زى الشمس اتسرق الاربع فرد جنوط المنيوم عربية زيرو وانا مرة شفت من الشباك واحد بيجرى بالحديدة اللى بتتركب على مقدمة اكصطدام الماتريكس الساعة 3 بعد منتصف الليل اسف للاطاله بس متغاظ من سلوك الناس ولك منى فائق الشكر والاحترام وتحياتى

رد: ماهو اقوى صاج سيارة فى الفئه السعريه حتى 100 الف
 

والله ياباشا انا شوفت ناس عندها حاله جنان علشان تراقب عربيتها علشان العيال مايقعدوش عليها ويفضل طول اليوم يراقب العربيه من ا لشباك

رد: ماهو اقوى صاج سيارة فى الفئه السعريه حتى 100 الف
 

اذا كان الاستاذ الل بيسال عن اقوى صاج يقصد كلامك ده فى سلوكيات واخلاقيات شعب دى لا هينفع فيها متين ولاغيره يعنى احنا حوالينا اكتر من 10 مدارس او 12 تقريبا فوجئت بولد ماسك مسمار تخين ومكحت عربيتى انا عرفت انه تخين من تخانة سن المسمار فى البوية ومرة نزلت اشترى دوا من الاجزخانة فركنت صف تانى بس ركنت عربيتى بين عريتين بحيث ان اى حد فيهم اثناء مبشترى الدوا عايز يطلع ومستعجل يعرف يطلع لما رجعت لقيت سيجة مرسومة على الباب الامامى شمال بجوار السائق تصورو؟؟؟؟؟ لعبة السيجة اللى هيا اسمها اكس او اليومين دول
ولما سالت ايه الحكاية واحد واقف قال لى ده واحد جه راح جاب سكينة وراح راسم المربعات اللى على الباب وكحت البابدى وقال علشان يحرم يركن صف تانى مرة تانية طيب انا غلطان قانونا لكن لامعطل مرور ولامعطلك بدليل انى رجعت ملقيتكش تقوم تعمل كده ليه لكنها غلاسة تقول ايه
ومرة نزلت لقيت بقعتين شاى كبار عرفت ان دول 2 من البوابين او اصحاب المحلات اللى جنبنا واندلق الشاى ومفكرو ش يمسحوه وغيره كتير
لكن ده المتانة هتعمل فيه ايه ومعتقدش ان ده غرض السؤال المقصود على مااظن هو ساعة الخبطة او لما حد يقعد عليها

رد: ماهو اقوى صاج سيارة فى الفئه السعريه حتى 100 الف
 

انا يا باشا مكنتش بنام وطول اليوم بنزل اتخانق وواقف ورا الشباك بمفتاح جهاز الانذار وانزل اتخانق مع الناس لانى كنت بشوف ناس وهى بتركن قدمها ووراها مسافات كافية لكن خلاص اتعلم يفضل يرجع يرجع يرجع لغاية ما يخبط وساعات مش بيحسوا انهم بيخبطوا عربيتك وهو بيركن ومش يرتاح الا لما يكسر الكلبس بتاع الاكصطدام والله العظيم قله حيا وقله ادب لغاية ما كنت يجيلى انهيار عصبى حطيت العربية فى جراج راح البواب كسر الفانوس وهو بينقل خشب وشوية زباله رحت طلعتها برة تانى يجى بتاع السوبر ماركت ويركن العجل بتاعة عليها الغريبة ان الناس سلبية محدش بيتكلم الناس اللى بتعمل كدة وتخاف على عربيتها هى الصح والوضع التانى هو الغلط لكن الناس بتشوفنا اننا مجانين يعنى اجيب عربية بدم قلبى 75 الف جنية ونتيجة عدم احترام وقله ادب وذوق وبكل سهوله يجى حد يجرح او يشوة عربيتى اقل خبطة تكلف الشىء الفولانى غير ان العربية مش عايز يتلعب فيها ويضيع منك طعمها الجديد يعنى اى حد لو ضاع منة 10 جنية ممكن يزعل ويقلب الدنيا شوف بقى لما عربية اسثمار بالالوف وبكل استهتار تتشوة مش نتيجة غلط او غصب عن شخص ما نتيجة انة جاى من بيئة مش كويسة ومش متحضر ويغرمك تبقى عايز تنزل وتدية على قفاة لغاية ما ياخد درس يحترم ممتلكات الاخرين وشكرا واسف على الاطاله