| حنيدق المهيطل |
12-04-2010 11:08 AM |
رد: سيارة 128
بالاضافه لكل الردود الجميله السابقه في حاجات تانيه كتير انت مش واخد بالك منها،،زي أيه؟؟؟؟أقولك ياسيدي زي أيه زي الشكمان يا معلم ايه رأيك بأه أن الشكمان ده لو مسدود هو طبعا مبيبقاش مسدود كليا بس بتبقي فيه رواسب كربونيه كثيره عالقه بداخل علبته وده بيخلي العربيه مخنوقه جدا وسحبها ضعيف وتتلكك عشان تسخن حتي بأه بأه لو جايب راديراتير جديد نحاس ومغير ترموستات وعامل مش عارف ايه وايه ،،،،وكمان التاكيهات لو محمله جامد تخلي العربيه تتجنن وتسخن ع الفاضيه والملياته،،،بالاضافه ان لو كهرباء الاسبيراتير مأخره العربيه برضوا تسخن.....عشان كده أنا في رأيي المتواضع انك و انت غيرت راديراتير بواحد جديد وغيرت الترموستات كمان ولسه العربيه بتسخن يبقي روح اضبط تاكيهات وظبط كهربه وياريت تغير الابلاتين والكوندنسر بالمره ولو بعد كل ده العربيه بتسخن متزعلش وتندم علي اللي دفعته في التاكيهات والكهربه ماهو كله في الاخر في صالح العربيه واتجه مباشره يا معلم ناحيه الشكمان لأنه شور هيطلع السبب وعلي فكره انا معايا برضه128 ولسه مغيره ودخل في حدود 140جنيه من غير ماغير المشترك اللي جاي من الماتور لأن المشترك لوحده ب80 جنيه والحمد لله عندي طلع جديد وبحالته
|
