رد: ارخص سيارة في العالم (نانو ايجيبت) مصرية
 

ديه مصري يعني المفروض مافيش جمارك عشان يشجعوا بيعها و 650 سي سي وواحد سلندر (يعني فيزبا او توكتوك 4 عجلات بالأبواب) يبقي كتير جدا عليها الرقم ده
لو قارنها بالتوكتوك اللي مواصفاتها قريبة منه

على فكرة التوكتوك سلندر واحد وسعته 150 سى سى ومفيش فيه صاج فقط شاسيه ومفيش ابواب ولا سقف ولا كماليات ومستوى ردىء من التشطيب فى الفرش بتاعه عبارة عن خشب مصنع متغطى باسفنج يعنى كتير اوى عليه 15000 انا بقول كده مش بدافع عن العربية لكن مقارنتها بالتوك توك مقارنة ظالمة دى على الأقل فيها صاج كويس و اربع عجلات

رد: ارخص سيارة في العالم (نانو ايجيبت) مصرية
 

ديه سلندر واحد زي التوك توك ثانيا انا نفسي يكون في عربية مصرية 100 %
وده حلم حياتي بس مش يجيبو عربية ويشتغلوا الناس فيها
معلش انا بال 25 دول اجيب 128 برقبتها
وبعدين العربية ديه سعرها يغري الناس يشتروها واللي مش فاهم ها يلبس فيها
وبعدين ان مش بتكلم علي كفاءتها لاني مش عارف كفاءتها طبعا عشان ما جربتهاش
بس انا بقارنها من وجهة نظر معينة
العربية ديه كام سي سي وكام سلندر
واقارن سعرها بالسيارات المتداولة بنفس السعر حتي لو مستعمل
عني ديه لو قارنتها بال ماروتي
الماروتي سعة لترية اكبر الحمل علي اكثر من بستم والعزم اكيد هيكون اقوي
اقارنها بسيارة قديمة بالسعر ده
128 موديلات التسعينات بحالة جيدة جدا
اقارنها بالسيارات الاحدث
فيات اونو 94 وحالتها كويسه جدا
نرجع لحته تاني
العربية اللي بتكون انتاج خارجي بيضاف ليها جمارك 40%
يعني العربية ديه مصري المفروض من غير جمارك
يعني لو عليها جمارك تبقي العربية ديه سعرها 42000 جنيه
وعشان مصري نزل سعرها لحد 25000
طبعا كلام مش منطقي
ولو قارنا 42 ألف دول يعني سوزوكي التوا
يعني الألتو لو اتصنعت في مصر هيتلغي منها الجمارك يعرها يكون زيرو
25000 جنيه
يبقي العربية ديه تقارن بالألتوا 4 سلندر والف سي سي

رد: ارخص سيارة في العالم (نانو ايجيبت) مصرية
 

البداية حلوة يارب نشوف عربيات اقوى واحسن

رد: ارخص سيارة في العالم (نانو ايجيبت) مصرية
 

انا مش هاقول انها وحشة
بس ماتنفعش الا للمشاوير في حدود المنطقة اللي ساكن فيها بس

يعني ممكن تجيبها للمدام بدل بهدلة الموصلات تروح تجيب الاولاد من المدرسة او السوق لو بعيد عن البيت وكمان تبقي خايف عليها
لكن في سفر او دائري او محور والكلام دة متنفعش لسبب بسيط ان العربية دية في الغالب مش متزنة عند السرعة القصوي ليها 80 اللي بتعتبر عادية لو الطريق مفتوح او يوم اجازة

وشكرا لصاحب الموضوع ع المعلومات الجديدة "انها مصرية" بجد فرحت شوية اننا بدائنا نعمل حاجة رغم اني شاكك شوية نعمل عربية و بنستورد المساطر بتاعت الاطفال من الصين

رد: ارخص سيارة في العالم (نانو ايجيبت) مصرية
 

و الله عربيه مناسبه للمدام في نطاق دمياط
و توفر بنزين بدل استهلاك العربيه الكبيره وببلاش

رد: ارخص سيارة في العالم (نانو ايجيبت) مصرية
 

رد: ارخص سيارة في العالم (نانو ايجيبت) مصرية
 

اول الغيث قطرة
ptmnlo123per1127ptmnlo123 per1127ptmnlo123per1127