مصر موتورز مجتمع السيارات - آخر كلام فى قضية تسخين السياره !

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - آخر كلام فى قضية تسخين السياره ! (https://www.masrmotors.com/vb/showthread.php?t=20531)

رد: آخر كلام فى قضية تسخين السياره !

اقتباس:

المشاركة الأصلية كتبت بواسطة khaled al sharif (المشاركة 136387)

بس عندي سؤال يادكتور ... لما كنت أسخن التويوتا أو الأوبل كان الشكمان يطلع بخار وينقط مياه ... طبعا الكلام ده كان في الشتاء ... ولما سألت قالولي دي علامه جيده علي صحة المحرك .... لكن الكيا السيراتو إللي معيا مبتعملش كده مش عارف إنت لاحظت في سيارتك كده وإيه رأيك؟؟؟.

نظريآ الاحتراق السليم ينتج عنه بخار ماء ( ماء ) و ثانى أكسيد الكربون ! فاذا كان الشكمان ما هو الا ماسوره

جوفاء فهو يوصل الماء للخارج و تراه يتساقط من فتحة الشكمان ! أما الشكمانات الحديثه ( وأنا مش متأكد ) يوجد

فى علبتها ( كاتليزر ) لتنقية و تقليل الانبعاثات و الغازات السامه ! و ممكن بالتالى داخله أجزاء أو أشياء تعطل

أو تمنع ظهور الماء بشكله الصريح ! عمومآ أنا ذكرت سابقآ انى فى التوكيل رأيت جهازأ شكله غريب أسفل مؤخرة

السياره بين العجلتين واسمه ( الكامستر ) و عندما سألت الفنى عليه ؟؟ تلخبط وقال ما معناه لعلاج أبخرة البنزين ؟؟
و كنت على وشك أن أسأله أى بنزين ؟؟ ولكن أشفقت عليه ! ( أصل أنا حنين ) ! :HAPPY_~211:
عمومآ ممكن ده يكون له دخل والله أعلم !

Dr. Bolbolan ptmnlo123per122

رد: آخر كلام فى قضية تسخين السياره !

شكرا يا دكتور علي الموضوع الشامل الكامل ده

اقتباس:

المشاركة الأصلية كتبت بواسطة Mohamed Dahab (المشاركة 136195)

انا اول ما ادور صوت الماتور بيبقى عالى و ال RBM بيكون فوق 10 وطبعا بعد كده بيبدء الماتور يهدى ويبقى طبيعى انا اسف للسؤال هل المفروض انتظر هذه المده ام لا

انا عندي نفس الموضوع
و التوكيل نصحني اني استني لغاية من ال RPM ينزل تحت ال 1 قبل ما اتحرك
ده طبعا بالاضافة الي ان عربيتي زي كل الالماني لازم تستني لغاية كا ما اضواء و اصوات الانذار اللي في الاول تطفي و تسكت قبل التدوير

رد: آخر كلام فى قضية تسخين السياره !

إضافة الدكتور بولبولان بخصوص اختلاف خامات المحرك هي أحد الأسباب الرئيسية لعدم الحاجة للتسخين و كذلك تغيير تصميم البستم نفسه ليقلل مساحة الاحتكاك مع الاسطوانة و بالتالي تأثير التمدد الحراري عند التسخين و طبعا بالاضافة لتطور طرق التصنيع و دقتها الشديدة مقارنة بالماضي

التسخين بالمفهوم القديم كان الغرض منه جعل كل مكونات المحرك متجانسة حراريا حتي نصل لخلوصات التصميم قبل تحميل المحرك

حاليا التسخين اللازم (ثوان) لرفع درجة حرارة الزيت لدرجة حرارة التصميم

والله أعلم

رد: آخر كلام فى قضية تسخين السياره !

على العموم أنا شاكر ليك جدا لكن للأسف مفهمتش حاجة!!!
قولى بس يعنى أنا معايا عربية قديمة يعنى لما بسخن فيها لازم أسيبها دايره شوية عشان مش تطلع عينى

رد: آخر كلام فى قضية تسخين السياره !

اقتباس:

المشاركة الأصلية كتبت بواسطة Devill Blood (المشاركة 136595)

خلاصة الكلام يا زعيم
العربيات القديمة لازم تسخن الاول لفترة كافية
العربيات الحديثة ثوان معدودة و تتوكل علي الله

رد: آخر كلام فى قضية تسخين السياره !

اقتباس:

المشاركة الأصلية كتبت بواسطة horas3000 (المشاركة 136611)

شكرا يا باشا على ردك وعايز رأيك فعلا كنت زمان العربية بتطلع عينى فى التسخين لكن مرة روحت صلحت شوية حاجات ملهاش دعوة بالحاجات دى بعدها بسم الله ما شاء الله العربية لم تحتاج بعدها حاجة إسمها تسخين ولا حاجة وبقت طلقة فى الدوران برضه طالما بقت بدور بسرعة برضه لازم أسخن!

رد: آخر كلام فى قضية تسخين السياره !

شكرا عزيزى على المعلومات القيمه ودمت لنا