رد: الحمد لله استقريت على النترا 2010 مانيوال بس فى سؤالين مهمين
 

بصوا يا جماعة انا دكتور سافرت بره سنتين وكنت راكب كورولا 2008 زيرو اوتوماتيك وما كانشى معايا رخصة و ما عرفشى اى حاجة عن العربيات و لما رجعت مصر هنا (راجع بقالى 8 شهور ) حبيت برضه اجيب عربية بس اتأخرت شوية و رحت المعرض الحالى فوميولا 2010 و خلاص اتفقت و عملت ابليكيشن مع المصرية للسيارات و كنت خلاص هاشترى الانترا 2010 glsفول اوبشنز ب 104 تقسيط مع البنك الوطنى اللى بتتعامل معاه شركة المصرية و كان ده يوم الجمعة و بعدين يوم الاحد اتصل بى البنك يأكد على التفاصيل ففوجئت انه قالى ده سعرها على حسب عرض السعر من المصرية انه 107 مش 104 زى ما قالولى فحسيت ان الموضوع كده مش واضح و خفت يكون فيه لعب ف كنسلت الشرا ....
ايه رأيكم؟

رد: الحمد لله استقريت على النترا 2010 مانيوال بس فى سؤالين مهمين
 

و بعدين فيه استفسار ارجوكم جاوبونى عليه ....
يعنى ايه جنوط ؟ عايز اعرف المفردات بتاعة السيارة علشان لما اروح اشترى العربية ابقى فاهم على اى اساس هاقارن و اختار ..
وبرضه هل ممكن مثلا اجيب - على سبيل المثال - النترا gl بس و اضيف لها بقية الكماليات بعد كده تباعا و تبقى برضه زيها زى gls ؟

رد: الحمد لله استقريت على النترا 2010 مانيوال بس فى سؤالين مهمين
 

ممكن يادكتور بس هاتغير حاجات وحاجات لا
هاتركب جنوط وهاتنكل المقابض من بره وهى متنكله فى ال gl من جوه جاهزه
لكن مش هاتركب فوج لايت ولا سنسور بارك ولا اشارات فى المرايات الجانبيه
لانك هاتبقى بره الضمان كده
انا معايا ال gl مانيوال 2010 من حوالى اسبوع وناوى اجنط وانكل من بره المقابض والباقى هاستنى اعمله شويه كده ان كان لينا عمر

اه على فكره نور عشم هو اللى بيعمل شغل غبور الكهربا ممكن تساله