مصر موتورز مجتمع السيارات - يا استاذ بوب ساعدني في شراء الرينبو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - يا استاذ بوب ساعدني في شراء الرينبو (https://www.masrmotors.com/vb/showthread.php?t=18211)

رد: يا استاذ بوب ساعدني في شراء الرينبو

اقتباس:

المشاركة الأصلية كتبت بواسطة lotfyonline (المشاركة 123516)

يا جماعة والله جزاكم الله خيرا وشكرا على الاهتمام من بوب ومحمد مجدي
بس انا دلوقتي داخل في دبرشن (depression) عارفين ليه
شوفت نوع من الناس ماشوفتوش قبل كده
رحت شوفت عربية رينبو في مدينة السلام وللأسف اتنصب عليا فيها ولكن ربنا ستر بس اصحابها قبل ما اكتشف النصبة كانو بوش ولما اكتشفت ورجعت في البيعة اتقلبو 180 درجة
المهم انا مريح نفسي كده يومين تلاتة اهدا وبعدين ارجع ادور تاني

بس بصراحة انا كسبت شخصية جديدة في حياتي ربن يكرمه واتمنى ان نصبح اصدقاء وهو م/ بوب الجامد

يا دكتور متضايقش نفسك وقدر الله وماشاء فعل بس مقولتليش هو النصب كان فى ايه؟؟؟؟
لو وقعت قدامى اى رينبو كويسه هتصل بيك على طول يا دكتور
والله انا اللى اتشرف بمعرفتك واتشرف اكتر بصداقتك يا دكتور وربنا يجعلها معرفه خير ونتعاون على الخير دايماptmnlo123per122

رد: يا استاذ بوب ساعدني في شراء الرينبو

اقتباس:

المشاركة الأصلية كتبت بواسطة akhateb (المشاركة 123772)

http://classifieds.masrawy.com/AdDet...7&CategoryID=1
http://classifieds.masrawy.com/AdDet...8&CategoryID=1

مش دى عربيتك برضه يا احمد بيه ربنا يحسنلك بيعها وتجيبلك السعر اللى انت طالبه بس المشكله ان السعر ده عالى على الدكتور

رد: يا استاذ بوب ساعدني في شراء الرينبو

السلام عليكم
انا اقولكم النصب جه منين
طبعا انا معرفش احكم على الميكانيكا فكان حكمي على العربية اني ركبتها ومشيت بيها وقرصت عليها وهي جابت معايا بس حسيت ان صوت الموتور عالي فقلت بيني وبين نفسي يمكن هو موتور الرينو كده خاصة ان معايا ياباني واكيد في فرق بين صناعة والتانية
بعد كده طلبت منه نرفع العربية فقلي نروح لأي سمكري فروحت مع صاحب العربية لسمكري في المنطقة اللي هو ساكن فيها قلت يكشف على حالة العربية وقالي نفس الكلام اللي قاله صاحب العربية
وهنا كانت الخديعة ...... صاحب العربية كان مظبط السمكري من قبل كده
المهم اديته 500ج عربون واتفقنا نتقابل تاني يوم نسجل العقد ولأني كنت مش مطمن لصوت الموتور اخدت ميكانيكي بتاع رينو معايا طبعا العربية طلعت محتاجة عمرة ورشة خوارج بالكامل ورشة الشنطة والقايم اليمين وشكلها كانت حادثة جامدة.
المهم قلتله انا مش هاخد العربية وهنا ظهر الوجه القذر من العملة
ولا داعي للتكملة لأنها ذكريات مؤلمة
المهم اخدت 300 ج من فلوسي بطلوع الروح واتعلمت درس مش هنساه في حياتي

رد: يا استاذ بوب ساعدني في شراء الرينبو

بالنسبة للعربية الرينو 19 بتاعة أ/ احمد انا اول مرة اسمع عن رينو 19 موديل 2000
ثانيا ربنا يباركلك فيها بس انا عامل حسابي في 30 الف بالكتير ,اظن ده سعرالرينبو في السوق بعد لف وسؤال كتير فلو ده مناسب يبقي ممكن نتفق والا فأتمنى لك ان تبيعها باكتر من اللي انت طالبه

ملاحظة: أول امبارح واحد صاحبي مشتري نيسان 2002 فبريكة دواخل ومعظم الخوارج اوتوماتيك وحالة الموتور ممتازة( بعد الكشف عليه) تخيلوا بكام......... 38500 جنيه فقط لا غير

رد: يا استاذ بوب ساعدني في شراء الرينبو

اقتباس:

المشاركة الأصلية كتبت بواسطة lotfyonline (المشاركة 124867)

عربيه استاذ احمد رينبو برضه مش 19 ال19 كان اخرها 94 عربيييييييييييييييتى تشترى يا دكتور الرينبو هى اللى من 95 ل2000
وانا عربيتى على نص مليون جنيه:HAPPY_~211:

رد: يا استاذ بوب ساعدني في شراء الرينبو

والله يا بوب من وشك تبقي كده رخيصة ptmnlo123per1104ربنا يكرمك ويباركلك فيها

رد: يا استاذ بوب ساعدني في شراء الرينبو

ملاحظة: أول امبارح واحد صاحبي مشتري نيسان 2002 فبريكة دواخل ومعظم الخوارج اوتوماتيك وحالة الموتور ممتازة( بعد الكشف عليه) تخيلوا بكام......... 38500 جنيه فقط لا غير [/quote]
السلام عليكم ورحمة الله وبركاته
يارب يكون الجميع بخير انا احمد الجندى يا دكتور (بنك فيصل) كنت كلمت حضرتك يوم السيارة الموعودة الله لا يعودها
لو سمحت ادينا معلومات اكتر عن العربية النيسان الى صاحب حضرتك اشتراها يعنى اشتراها منين وهل السعر دا هو المتوسط بتاعها دلوتى ولا دى لقطة لان على ما اظن ان متوسط سعر الموديل دا اغلى من السعر (38500) بحوالى 10000(عشرة الاف جنيه)