رد: فيرناوى جديد
 

انا متشكر يا باشا انا ناوى انشاء الله اغير زيت كل 5000

رد: فيرناوى جديد
 

ptmnlo123per1127 فين الصور يافرونتيرا باشا والف مبروك وتكون قدم السعد عليك. وعايزين تقرير يا باشا:THE_PR~18:

رد: فيرناوى جديد
 

تقرير مبدئى بعد 250كم
العربية الصراحة بسم الله ماشاء على عكس ما كنت متوقع قبل لما اجيب العربية كنت بسمع ناس كتير بيتكلمو عن الفيرنا وعيوبها وعدم الثبات ورغم كل دة اشتريتها ptmnlo123per1106
فى الفترة القصيرة دى ال250كم كانت بالنسبالى فترة اختبار وبمعنى تانى بدور على العيوب اللى سمعت عنها
اولا جربت ثبات العربية فى المنحنيات ومع السرعات العالية والبطيئة الثبات انا شيفة كويس جدا دة مقارنة باللانوس بتاعت والدى وعربيتى الهوندا القديمة انا مجربتش ازود عن ال100 عشان التليين بس الثبات كان كويس
العفشة نعمة جدا مقارنة بللانوس وعربيتى القديمة قوة الماتور بسم الله ماشاء الله سحب ممتاز
بالنسبة للفرامل انا شايف انها مقبولة (عربيتى القديمة مكنش فيها فرامل اصلا:HAPPY_~211: )
بالنسبة للتقفيل انا لاحظت انهم اهتمو اكتر بالتقفيل فى موديل 2010 فرش الابواب افضل والكراسى افضل بعض عيوب التقفيل فى الموديلات القديمة مش موجودة
على فكرة كنت النهاردة فى معرض المصرية لاقيت عندهم موديلات 2009 وبتتباع على انها 2010
بيقولى ان مفيش فرق بس لا فى فرق الجديدة احسن بكتير ومتلاشين العيوب اللى كانت فى الموديلات القديمة

لكن فى حاجات غيظانى فى العربية اولا صوت صفارة جى من المرايا الشمال ptmnlo123per195
نوع الكاوتش سئ (كاوتش نسر )

اسيبكم بقى مع الصور ptmnlo123per122

http://img269.imageshack.us/img269/3277/27977168.jpg

http://img63.imageshack.us/img63/286...daalpop198.jpghttp://img63.imageshack.us/img63/6728/83967280.jpg

رد: فيرناوى جديد
 

رد: فيرناوى جديد
 

اة اللون الاسود شيك جدا بس بيلم تراب كتير اووى
انا ناوى اجنط بس مش دلوقت خالص

رد: فيرناوى جديد
 

السلام عليكم

اولا مبرك على العربيه واتمنى انك تفيدنى عنها اكتر لان فيه ناس نصحتنى انى اجيب لانوس 2009 و انا اصلا كان عندى هيونداى اكسل موديل 97 و بعتها صحيح كنت بحس انها خفيفه على الطريق بس قلولى نفس العيب فى الفيرنا انها مش ثابته تانى حاجه عاوزاك تفيدنى فى العفشه اخبارها ايه لان فيه ناس مشكرتليش فيها . و اسعار قطع الغيار بتاعه الانوس سمعت انها غاليه يعنى معنى كده الفيرنا احسن من الاخر عاوزه اعرف فيرنا و لا لانوس و شكرا

رد: فيرناوى جديد
 

اهلا world peace انا عندى اللانوس والفيرنا والصراحة هما الاتنين ممتازين بس الكلام دة على الدايو اللانوس مجربتش الشيفرولية الصراحة ( سمعت من اللى اشتروها انها اقل جودة من الدايو )ptmnlo123per118
بس عن تجربة شخصية موتور اللانوس معمر جدا 420,000كم متفكش فية مسمار
عفشة للانوس حمالة اسية على عكس ما كان بيتقال زمان
يعنى تيجى تقول لانوس يقولولك عفشة ورق تيجى تقول فيرنا يقول مفهاش ثبات
محدش يقدر يحكم على العربية غير صاحبها ويكون مجربها كويس واسلوب سواقتة صح
اللانوس بتاعتنا موديل 2000 الشكل القديم خلال العشر سنين دول مغيرناش غير 2 مساعدين ورا (الحمد لله)
طبعا سمعت ناس كتير بتتكلم عن ثبات الفيرنا وعيوبها
بس انا شايف ان ثباتها كويس مش وحش حاسس ان مفيش فرق بين ثبات اللانوس والفيرنا ( انا مجنط اللانوس و مركب اسبويلر)
عفشة الفيرنا ناعمة جدا انعم من عفشة اللانوس بس لسة مقدرش احكم على مدى تحملها دلوقت
طبعا موتور الفيرنا غنى عن التعريف موتور قوى جدا وسحب ممتاز
قطع غيار الفيرنا ارخص من اللانوس ومتوفرة فى كل حتة
صالون اللانوس اوسع من الفيرنا بس شنطة الفيرنا اكبر

يعنى من الاخر العربيتين زى بعض فى حاجات كتير الكلام دة طبعا بالنسبة للدايو لانوس مش الشيفرولية

انا كنت حجيب الشيفرولية واخترت اللون وكلة تمام ولما صليت صلاة الاستخارة لاقيت انى مستريح اكتر للفيرنا
وكان ربنا مسهلهالى الحمد لله ونزلت جبت الفيرنا ptmnlo123per136