|
رد: تجربة قيادة هوندا بايلوت 2009
يا ريت شويه صور عشان الحقد والغل يشتغل
والف شكر علي التقربر |
رد: تجربة قيادة هوندا بايلوت 2009
اقتباس:
اما بالنسبة لل X5 اللى الاخ استعملها اسبوع و رجعها و جاب اودى فانا بصراحة هنجت و معرفتش افسرها لكن بما ان شريف باشا مواليد الكويت و فاهمهم اكتر منى اقترح ان السبب ممكن يكون حاجاة من الاتنين والله اعلم 1- انه اكتشف انه محتاج صف كراسى زيادة 2- ان واحد من الربع (الاصدقاء) جاب X5 فا الاخ ماحبش ان يبقاله مثيل (عادى جدا هنا) السبب من وجهة نظر راجل المبيعات .. الاودى احسن من البى ام و الدليل قالولوه :) و ده على رايك ياباشا اكبر مثال على عدم تقدير النعمة ... الحمد لله على نعمة العقل و الف شكر يا باشا .. انا لو جبت العربية هيكون للكويت طبعا يا باشا ان شاء الله و بوجه اخص انها هتكون انسب للسفر البرى هو انا اقدر على جماركها .. دانا لو جبتها اصلا للكويت هيكون بالقسط و خلع الدرس :) انا يوم ما اجيب عربية لمصر اخرى يوم ما افترى اوكتافيا او جيتا :) فاكر لما كنا بنتجادل و بنقول الكايين ضيقة :) و اسعار العربيات يا باشا هديك مثل RS6 كانت موديل 2007 و تمنها تقريبا ما يوازى 560 الف جنيه و هى جديدة تمنها تقريبا 800 الف ... متهيألى فى مصر تمنها جديدة على الاقل 2 مليون و نص ....... و لو مصرين على تقرير ال XJ الجديدة ... انتو حرين و انا مبدئيا هحط صورتها فى التوقيع ... علشان الصدمات تبقى متدرجة يعنى الالاول فينيقى و بعدين هيروغليفى :) و نهارك زى الفل يا باشا |
رد: تجربة قيادة هوندا بايلوت 2009
اقتباس:
دول روابط المواضيع للى عاوز يشوف مواصفات العربية و صورها http://www.masrmotors.com/vb/showthread.php?t=11363 http://www.masrmotors.com/vb/showthread.php?t=17013 خدهم كوبى و بيست احسن يا باشا لأن اللنكات فيها حاجة غلط |
رد: تجربة قيادة هوندا بايلوت 2009
اولا منور الموضوع يا باشا والله و الف شكر يا باشا على المجاملة :HAPPY_~211:
الموضوع منور بصحابه يا ريس اما بالنسبة لل X5 اللى الاخ استعملها اسبوع و رجعها و جاب اودى فانا بصراحة هنجت و معرفتش افسرها لكن بما ان شريف باشا مواليد الكويت و فاهمهم اكتر منى اقترح ان السبب ممكن يكون حاجاة من الاتنين والله اعلم 1- انه اكتشف انه محتاج صف كراسى زيادة (غلطان في العدد يعني !!! ماهو بيعد كراسي معسل اصله ptmnlo123per195) 2- ان واحد من الربع (الاصدقاء) جاب X5 فا الاخ ماحبش ان يبقاله مثيل (عادى جدا هنا) السبب من وجهة نظر راجل المبيعات .. الاودى احسن من البى ام و الدليل قالولوه :) و ده على رايك ياباشا اكبر مثال على عدم تقدير النعمة ... الحمد لله على نعمة العقل رزق الهبل على المجانين ... فعلا ليها حق البلد دي تنزل فيها العربيات قبل اي مكان تاني في العالم و الف شكر يا باشا .. انا لو جبت العربية هيكون للكويت طبعا يا باشا ان شاء الله و بوجه اخص انها هتكون انسب للسفر البرى هو انا اقدر على جماركها .. دانا لو جبتها اصلا للكويت هيكون بالقسط و خلع الدرس :) انا يوم ما اجيب عربية لمصر اخرى يوم ما افترى اوكتافيا او جيتا :) يا باشا ربنا يكرمك و تنزل مصر بالاس كلاس او حته CLS فاكر لما كنا بنتجادل و بنقول الكايين ضيقة :) وانا اقدر انسى برضو :) و اسعار العربيات يا باشا هديك مثل RS6 كانت موديل 2007 و تمنها تقريبا ما يوازى 560 الف جنيه و هى جديدة تمنها تقريبا 800 الف ... متهيألى فى مصر تمنها جديدة على الاقل 2 مليون و نص ....... و لو مصرين على تقرير ال XJ الجديدة ... انتو حرين و انا مبدئيا هحط صورتها فى التوقيع ... علشان الصدمات تبقى متدرجة يعنى الالاول فينيقى و بعدين هيروغليفى :) و نهارك زى الفل يا باشا انا مش مصدق ان العربيه دي لحقت تنزل الكويت العربيه دي فضلو معذبين الناس بصوره مش باينلها معالم 3 شهور http://i39.tinypic.com/2yo7ibk.jpg ويوم ما ظهرت صور غير رسميه ليها الدنيا قامت ... وبقوا يلمو الصور من المواقع كأنها ممنوعات ... و جاجوار تبعت جوابات رسميه للمواقع برفع الصور والا ptmnlo123per1116 والكلام ده مفيش من 4 شهور يعني العربيه يدوبك لسه على خط الانتاج دول بيجيبو عربيات لسه متباعتش في بلدها !!!! :sycho26: بس الغريب ان تعداد الكوايته مش كتير ... يعني هما بيغيرو العربيات كل اسبوع ولا بيشترو بالجمله ولا ايه حكايتهم بالظبط ptmnlo123per1106 انا مش بقر ولا حاجه ... أنا بغل (بكسر الغين ) في نفسي بس ptmnlo123per139 |
رد: تجربة قيادة هوندا بايلوت 2009
تست درايف موفق يا باشا و شرحك مختصر بس فهمناه بسرعه الحمد لله
و ربنا يرجعك لينا بالسلامه |
رد: تجربة قيادة هوندا بايلوت 2009
اقتباس:
اولا: ربنا يوعدنا جميعا يا باشا ب S65 AMG و نستمتع بيها ثانيا: العاديين بيغيروا العربيات كل 3 سنين او بالكتير 5 سنين و الفقراء منهم كل 7 سنين بالكتير قوى و الاغنياء ممكن كل اسبوع :) و ماتغلش فى نفسك يا باشا ولا حاجة ... الفلوس هى الحاجة الوحيدة اللى عندهم ..... و بمناسبة الغل فى القلب يحضرنى موقف حكاهولى احد اصدقائى كان لفيف من اصحابه بيتفرجوا على العربيات عاوزين يجيبوا عربية فى حدود 3 او 4 تلاف دينار و دخلو معرض فيرارى يتفرجوا بالمرة و ده كان من عدة سنين طبعا اول ما (مختصات المبيعات) و هن الاخوات اللبنانيات اللواتى تم اختيارهن بعناية فائقة و على الفرازة زى ما بيقولوا شافوا اصحابنا و هما قاعدين يتصوروا جنب العربيات عرفوا اللى فيها وحلقوا لهم تماما :) و فجأة دخل المعرض أم و ولدها و بنتها الام ... شيك طحن فجر .... البنت الناجحة فى ثانوية عامة عبدالله... اخو فجر الصغير الحاقد علي اخته :) الحوار ..... فجر ... تشير الى سيارة F350 قائلة هذى يوما السيارة اللى ابيها و عاجبتنى وايد الام .... بعد ان جاءت اليها احدى ملكات الجمال .. سالتها ... تشم سعر هذى السيارة ؟ ملكة الجمال ... خمسة واربعين الف دينار (900 الف جنيه) ... والله يا بلاش لو فى مصر تبقى 4 مليون جنيه الام ... اوكى بناخذها عبدالله ... اشلون يومما.. هذى بعد أغلى من المارسيدس و تبين تاخدينها فجر... عبدالله اشفيك .... الام بصرامة .... عبدالله.......... مالك شغل و ذهبت الام لتكتب الشيك بثمن السيارة ....فسألتها ملكة الجمال ... ليش ماتخدينها اقساط ؟فاجابت الام.. ما احبها ما احبها .. خلنا كاش احسن و فى خلال نص ساعة كانت العربية جاهزة و متركب لها نمر و معاها الهدايا بتاعتها .. جاكت فيرارى و كاب فيرارى و ميدالية فيرارى و شوية حاجات كدة كلها فيرارى :) و ركبتها فجر و شغلتها و عبدالله عاوز يركب معاها.. قالت له فجر بوقاحة ... روح على امك :) فراح على امه و هو غاضب و ركب معها سيارتها البى ام المتواضعة 750 أخر موديل ساعتها :) قوللى بقى يا باشا ايه اخبار الغل دلوقتى :) .. انا متهيألى فجر ماوصلتش البيت يومها .. مش بسبب حقد الناس عليها ولا حسدهم ليها طبعا ...... لكن بسبب الجير التيبترونك اللى هى مش متعودة عليهptmnlo123per145 اقتباس:
|
رد: تجربة قيادة هوندا بايلوت 2009
لا يا باشا غل ايه بقى ما خلاص :0155C7~128:
دا انا قلبي اتقطع على الواد الغلبان عبد الله ربنا يكون في عونه حقيقي ... ربنا يصبره لحد ما يكبر شويه و يجيب حته ماكلارين و لا بوغاتي يعوض بيها حرمانه ptmnlo123per1147 وبالنسبه لفجر ... اهي تقضي سنتين الجامعه بالفيراري و الفرحه الكبيره بالتخرج تبقى تجيب بيها عربيه زي الناس بنتلي و لا رولز !! عموما لو لسه بتفكر في ال AMG انا صرفت نظر عنها خلاص حاسس انها مش حتبقى اد كده ptmnlo123per1115 وبفكر في حاجات تانيه اهم حروح اتعالج نفسيا الاول ptmnlo123per1106:00020080 : |
| الساعة الآن 08:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017