رد: أنا والله تعبت وأبصم ليكم بالعشرة إنكم مظلومين
 

مش هقول أهلا يا دكتور لإن واضح إنك إبن باللد بالمنشأ يعنى مصرى النشأة فتبقى مننا و علينا
ربنا يكرمك إن شاء الله و يوفقك فى دراستك و يحنن قلب المشرفين عليك
بالنسبة لطلبك حضرتك عايز
1. زيرو
2. أتوماتيك
3. ما بين 70 و 80 ألف
4. سهلة الصيانة و البيع و متخسرش كتير

و العربيات إللى تجتمع فيها كل المواصفات دى هى
الفيرنا اتوماتيك كاملة و سعرها 75 تقريبا
النيو أكسنت اتوماتيك و سعرها 83 تقريبا

يبقى حضرتك ممكن تحصر إختياراتك فى واحدة من الإتنين دول و تتكل على الله

أما بخصوص العفشة فهى جميع الأنظمة المتعلقة بالتحكم فى العجلات و الثبات و إتزان الهيكل
مثل
نظام المكابح (الفرامل)
نظام التعليق (السوست و المساعدين)
نظام نقل الحركة للعجل الأمامى ( الكبالن)
نظام التوجيه (الدريكسيون)

أما الطنابير فهو جمع طنبورة و هى جزء من نظام الفرامل (المكابح)
و هى الإسطوانة الرئيسية التى يتم تثبيت نظام الفرامل عليها و كذلك تكون همزة الوصل بين محور العجلات و العجلات نفسها
و تسمى بالإنجليزية Brake Disk

http://www.kwik-fit.com/assets/jpg/g...akes_large.jpg

رد: أنا والله تعبت وأبصم ليكم بالعشرة إنكم مظلومين
 

إضافة أخيرة
التقفيل
هى جودة خامات و أعمال التجميع النهائية للسيارة

مثل خامات المصابيح و الإكصدام و مدى توافق أوضاعهم الصاج و عدم وجود فراغات بينهم و بين مع جسم السيارة
أيضا بالنسبة لخامات مقصورة الركاب و عدم وجود عيوب فى تركيب الفرش و البطانة الداخلية و الأجزاء البلاستيكية و الكاوتش و غيرها

اهلا بيك يا باشا في مصر البلد و مصر موتورز

طبعا الرجالة قاموا بالواجب بس انا كنت عايز اضيف ان طالما انك مش مصري و تقدر تثبت انك طالب ممكن تدخل عربية من بره و بتدفع عليها مبلغ مش كبير. انا للاسف معنديش تفاصيل كتر عن الموضوع ده بس اسال لان اعتقد ان ده احسن لك.و ان شاء الله تتوفق و تجيب حاجة كويسة.

بس انت برضة مقولتش حضرتك منين و ما تخافش هنرحب بيك حتي لو كنت جزائري :HAPPY_~211:

رد: أنا والله تعبت وأبصم ليكم بالعشرة إنكم مظلومين
 

انا متشكر للمرة الثانية علي التوضيحات والنصايح الحلوة ودة يثبت شي واحد ان مصر ام الرجالة الجدعان اما بالنسبة لموضع اني اجيب عربية من برا وادخلها دا خلاص اتمنع والعربية بيعاملوها زي السياح يعني 6 اشهر جوة مصر و6 اشهر برااااا
تقول اية ظلم والله ظلم .
وانا مش جزائري ولو اننا بحبهم بس زعلت ممنهم بعد المطش واللي عملوة بس اقول ماصرين البطن بتتخانق ودية حاجة وتعدي ان شاء الله واحنا مالناش غير بعضينptmnlo123per1147ا اما انا فجنسيتي يمني = من اليمن السعيد غلابة صح بس اولاد بلد ونعجبكم وتحديدا من صنعاء وادعولنا في الحرب اللي مبهدلنا الايام دية بس علي فكرة في العربيات ما اقولكمش الناس عدنا مريحانا علي الاخر اقصدفي حكاية الجمرك والضرايب مش زي هنا جباااااااارين .وانا متشكر اقوووووووووووووي مرة ثانية وبدات افكر في الاكسنت الجديدة وربنا يسهل نزنق نفسنا ونجيبها ولوفية اختيار احسن في نفس الفئة ماتبخلوش عليا وقولو لي*.ptmnlo123per122

رد: أنا والله تعبت وأبصم ليكم بالعشرة إنكم مظلومين
 

العفو يا زعيم و اهلا بيك و باهل اليمن كلهم
و للاسف مكنتش اعرف انهم لغوا موضوع عربيات الطلبة ده بس انت قلتها جبارين .....
عموما ربنا يوفقك و تجيب عربية تريحك و ان شاء الله الناس يفيدوك في موضوع الاكسنت اكتر مني

رد: أنا والله تعبت وأبصم ليكم بالعشرة إنكم مظلومين
 

رد: أنا والله تعبت وأبصم ليكم بالعشرة إنكم مظلومين
 

اهلا بيك يا باشا و باهل اليمن الطيبين و انا ليا اصدقاء يمنيين و كان ليا زمايل يمنيين فى الكلية من اطيب الشعوب والله و ربنا يوفقك فى الدكتوراه و فى العربية طبعا
احب احط تعليق صغير بس ... مع ان مش من طبعى انى اشكر فى نفسى والله بس هقول حاجة حسيتها من تعليقات الاخوة فى المنتدى

والله يا رجالة احنا المصريين يعنى الذوق كله و الاخلاق العالية كلها و الادب كله و الرجولة كلها ..و يوم ما نشتم ولا نغلط بيبقى علشان ناخد حقنا لكن عمرنا ما بنبدأ بالغلط..... تحيا مصر و ربنا يحفظ لنا بلدنا ارض الكنانة ... بنرحب بالغرب قبل القرب و انت طبعا مش غريب يا باشا احنا كلنا فى مصر اهلك و اصحابك...
انا لما بدخل منتدى تانى لدول شقيقة مابخدش ربع ولا تمن المساعدة دى و سعات بسمع تعليقات سخيفة و غبية...
و آخر كلمة اقولها .....بحبك يا مصر