|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اقتباس:
برنامج أذهلنى ! كل حاجه بالروبوت حتى تركيب الكراسى والزجاج و الدهان وكل شىء ! ولا دخل للعامل سوى بتوصيل فيش كهرباء التابوه ( بعد تركيبه بالروبوت أيضآ ) و فيش الفوانيس الآماميه والخلفيه ثم اختبار كل جزء تم تركيبه و كتابة ذلك فى لوج ( لا أكثر ) ! ثم ان العامل المصرى بيضيع وقته فى العمل فى الكلام والحواديت وشرب السجائر والقهوه ويمكن مابيصليش فى البيت انما فى الشغل بيصلى الفروض كلها والنوافل وبيجود فى الوضوء ! واذا وصل لمستوى مهاره كويس وعمل له قرشين بيسيب الشغل ويروح يفتح له ورشه ويقول انه خبير فى الماركه الفولانيه وبذلك المصنع بيخسره ويظل العاملين به قليلى الخبره ! Dr. Bolbolan ptmnlo123per122 |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
صح يادكتور والله معاك حق الربوت المصرى بتاعنا لازم يفطر ويشرب الشاى وسجاره فمش فاضى وشكرا ليك
|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
شكرا ليكم يا اخواني
وعمتا كده او كده هاروح يوم الاتنين ونشوف ايه النهارده وبكل ادب لان نهايه النرفزه مش حلوه عليا حتي علشان الضغط المهم انا لو هايغيروا حاجه في العربيه مش هادفع مليم لان ده عيوب صناعه ولا ده كمان مش من حقي |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اقتباس:
|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
يارب امين يا بشمهندس
وبشكرك علي زوقك العالي في المكالمه امبارح وانا والله يا جماعه نرفزتي مش علشان حاجه اولا الحمدلله سواقتي هاديه وبشكر استاذ خالد علي رده وفعلا انا الي مضايقني ان عربيه تكون جديده ويحصل فيها كده عارف انه عيب تصنيع بس تكون جديده ويحصل كده ده الي مضايقني وربنا الستار مهما كانت المخاطر والف شكر ليكم وبنوفيكم بالجديد قريب |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اقتباس:
انا كنت بحاول اهدي من روعك هههههههه اصلك كنت متنرفز خالص و انا عارف انها حاجه تحرق الدم اما لو كنا بنشتري مستعمل و صيني كان حصل ايه ؟؟؟؟؟؟ |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
دكتور عمرو اولاً عايز حضرتك تهدى لان كل مشكلة وليها حل وانا مقدر تماما انزعاجك وغضبك وعندك حق طبعاً حتى ولو كان عيب واحد مش كل العيوب ديه
بس علشان نكون بنتكلم صح ونوصل لنتيجة فى نقاط كتير لازم تبقى واضحة اولاً : نيسان فى مصر تمثل بمصنعها فى المقام الاول وكل الوكلاء دول اقرب للموزعين منهم للوكاله الحصرية ولو لا قدر الله الموضوع وصل لشكاوى وتقاضى فانت هتقاضى مركز الخدمة (المعتمد) بالاضافة للمصنع فى مصر ثانياً: من المعتاد للاسف ان مراكز الخدمة الرئيسية مستوى الخدمة فيها بيبقى متدنى بل ايضاً معايير المتابعة والجودة وخدمة ما بعد البيع عامة والتعامل مع العملاء وده اولاً واخيرا راجع لقلة الضمير والاهتمام بتحقيق معدلات البيع قبل الحفاظ على اسم المنتج ومستوى الخدمة لكن بيبرر لكون مراكز الخدمة ديه عليها كل الضغط بينما مراكز الخدمة المعتمدة الاخرى محدش بيروحلها ولا يعرفها وبالتالى انصحك تعمل صياناتك الدورية فى مركز خدمة معتمد غير الرئيسى وفيه مراكز خدمة افضل من التوكيل زى مركز ابوغالى اللى فى العبور وده حاصل على المركز الاول فى افريقيا من نيسان الام مش بس على مستوى مصر ثالثاً : المشاكل اللى حضرتك ذكرتها ديه اكبر من كونها مشاكل تقفيل او مشاكل فى الماركة او حتى مشاكل فى الصناعة المصرية المشاكل اللى حضرتك ذكرتها ديه فردية ومن النادر انها تجتمع فى عربية واحدة ممكن يكون سوء حظ مع اهمال وسوء تعامل مركز الخدمة لكن منحملش الموضوع اكبر من حجمة لان عندنا عربيات كتير بتتقفل فى مصر وناجحة وبيحصلش فيها المشاكل ديه كلها من اول الادا والشاهين لحد الفيرنا والانوس لحاااااااد البى ام رابعاً : كما اشرت ان ما يتبع نيسان العالمية مباشره هو المصنع وهو كباقى مصانع نيسان فى العالم يتبع نيسان العالمية فى الادارة والتقنية ومعايير الجودة وخاصة نيسان معروف عنها التزامها بنفس معايير الجودة عالمياً فى جميع مصانعها بما يجعلها تفاخر دائما بشعار (صنع فى نيسان) لكن يجب ان نراعى ان خطوط الانتاج تختلف حسب تقنية ومدى حداثة السيارة يعنى خط انتاج الصنى اصلا قديم فمش هتجيبة زى خط انتاج التيدا والتيدا خط الانتاج بتاعها مش زى الزد خامساً واخيراً ارجو ارسال ما يثبت حالة السيارة من جوبات او فواتير اصلاح وصيانة لتأكيد جدية الشكوى حيث سنقوم بارسالها الى إدارة نيسان وسنطلب منهم الرد على شكواك ومتابعتها من خلال المنتدى اسوه بما تم سابقاً مع مشاكل مشابهه مع توكيلات اخرى واوعدك ان ادارة الموقع ستبذل اقصى ما يمكن لمساعدتك على حل مشاكل السيارة وارجاع حقك بإذن الله |
| الساعة الآن 01:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017