رد: ما هي اسوء عربيه في 2009؟
 

حضرتك قارن اي بي ام او مرسيدس من اللي مصر مع اللي متقفلين في بلادها و انت هتعرف وحشين ولا لا.
ما هو الهيونداي و الكيا بره فيهم كل عوامل الامان ABS, EBD و ESP كمان غير الايرباجز اللي بيجوا بالدستة مش زي عندنا و مع كل ده سعرهم ارخص من مصر.

وهل عشان احنا مش بلد درجة اولي عوامل الامان تعتبر من الكماليات و الرفاهية عشان تتجمرك و سعر العربية يوصل 200 الف لما تنحط فيها ؟؟؟؟

رد: تصويت
 

طب على الأقل إقرا شوية عن العربية وبعدين قول رأيك فيها .. إنت حتى كلامك مفيهوش أي نوع من التفصيل لأنك متعرفش العربية .. يعني بتذم لمجرد الذم

أنا بقا معايا M11 وعربية رائعة بمعني الكلمة .. :HAPPY_~211:
1- شكل مميز وراقي .
2- أداء سلس وجميل .. سحب ممتاز .. عفشة مرنة وممتازة في المطبات + ارتفاع مناسب للسيارة
3- اقتصادية في استهلاك الوقود .. مرنة جداً على الطريق حتى ولو كنت على سرعة عالية وسهل التحكم فيها
4- أوبشن ممتازة

يعني من الآخر عربية رائعة

رد: ما هي اسوء عربيه في 2009؟
 

العربيات الصيني بانوعها
من ساعت لما دخلت سوق المصري
الدنيا باظت
مع العلم في عربية او 2 ممتازين

رد: تصويت
 

اولا: دى وجهة نظرى فى العربيه (وكل واحد حر فى الى يقوله)
وانا عارف انا بقول ايه كويس (انا شوفتها اول ما نزلت مصر فى اخر معرض الى كان فى ارض المعارض واعتقد انه فورميلا الاهرام )
وعلى فكره لسه فيه m12 زيها بالضبط بس هاتش باك زى الالفا 147 ودا سبب الاوكره الى مكان الشراعه
ثانيا: انت اسلوبك سيىء جدا فى التحاور .
ثالثا : ممكن اسالك انت اشتريت العربيه دى على اساس ايه
*شكلها مش مميز ولا راقى خالص زى ما حضرتك بتقول,
مجرد تركيبه غير متناسقه من عده سيارات ( المقدمه ماخوذه بعض الشي من الباسات . الخلفيه من الكرايسلر نيون والبريسونا _ على اى بابين والسلام كانو بيحاولو يعملو فيها الفا روميو 147 بالاوكره الى مكان الشراعه ) بس يا خساره التركيبه مطلعش فيها اى تناسق نهائى والمنظر النهائى سىء.
-سوء التشطيب من الداخل والخارج (شوف فرق الاكصدام )
شوف المرايه مكانها فين(تقريبا المصمم اكتشف ان لازم يكون فى مرايتين فى الابواب فحطها كدا وخلاص)
- الزجاج الجانبي للباب الامامى اكبر من الباب نفسه ودا تصمييم اراه سىء جدا (كل مصممى الشركات الشهيره بتصغغر حجم الزجاج وتكبر الباب ) ودا بيدى شكل رائع زى( الكرولا الجديده وbmw m5 وكرايسلر c300 . ودودج تشارجر . ......) لاكن والله اعلم مصمم السياره عاوز يبقى مختلف شويه (الله يرحمه بقا أندريه بانافارينا ويسامحه على الى عمله فينا)
رابعا: انت بتقول عفشه ممتازه قدرت تحكم عليها من خلاش شهرين تلاته!!! احكم على العربيه بعد سنه وقلى اخبار عفشه ال m11 ايه
واكيد هتحس بالندم زى كل الى جاب اسبيرانزا 516
خامسا: بتقول اقتصاديه فى الوقود (يمكن) .لاكن مرنه ع الطريق وثابته ع السرعات العاليه وسهله التحكم دا كلام مش مظبوط نهائى )
انا جربت العربيه لا لقيت ثبات ولا اتزان ولا مرونه ولا تحكم والعربيه خفيفه جدا ع الطريق واى دوران فى الطريق العربيه من الخلف مش معاك ( نظام التعليق منفصل نهائى ) .
سادسا: حضرتك بتقول ( اوبشن ممتاز) تقدر تقولى ايه الاوبشن الزياده فيها عن ال 516 .
************************* ************************* ************************* *
انا هلفت نظر حضرت لبعض الاشياء القبيحه جدا فى العربيه دى (بالصور) وياريت اسمع رايك وراى باقى الاعضاء بعد كدا وبكل امانه...

-واول صوره ل التابلوه وتبين مدى ردائه وسوء الخامات المصنوع منها التابلوه والفرش (عاوزين يعملو دوشه وحاجات كتير بدون اي تنسيق)
وسوء التقفلي

http://1.1.1.3/bmi/www.chinacarfans...._hatchback.jpg


-والثانيه تبين التقليد الاعمى للالفا روميو147 (ال 147 شكلها جامد علشان هاتش باك ومصممه على كدا) وعدم تنسيق اى شىء بوضع الاكره مكان الشراعه (ياريت تنظر باتقان للباب الخلفى والرفرف الخلف) وقولى ايه رايك .وشوف عدم التنسيق فى حجم الشنطه الغير متناغم مع الجانب .
بذمتك عمرك شفت القائم الخلفى فى عربيه بالمنظر دا .

http://64.235.60.18/gallery/main.php...serialNumber=2



التالته صوره ال m12 (علشان محرمكش من حاجه).


http://img.autohome.com.cn/2008/10/2...-670602517.jpg



***الرابعه صوره التقليد الاعمى بتاع الالفا وشوف الفرق بين التناسق فى ال147 , و الهمجيه فى ال m11.


http://1.1.1.4/bmi/www.carsdir.com/c...745%282%29.jpg



وكمان خلفيه البريسونا وكيفيه نقلها بدون وعى ولا تناغم .



http://1.1.1.5/bmi/img516.imageshack...naext3lyg4.jpg


وفى النهايه ارجو تقبل مرورى
وانا بس حبيت اوضح لحضرتك ولباقى الاعضاء وجهة نظرى.
وربنــــــا يباركلك فيها ويحفظهالك وتكون عربيتك احسن عربيه فى الدنيا .

رد: ما هي اسوء عربيه في 2009؟
 

والموضوع اسوا عربيه جديده نزلت السوق سنه 2009
وبصراحه مش شايف عربيه جديده نزلت سنه 2009 اسوا من دى .. وبرضه دى وجهه نظر

رد: ما هي اسوء عربيه في 2009؟
 

بس يا جماعه هوه الباب اللي ورا في ال m11 بيتفتح ازاي؟؟؟؟؟؟؟؟؟؟؟؟؟؟؟
أنا مش شايفله أكره

رد: ما هي اسوء عربيه في 2009؟
 

فب اخر الشباك الورا
زي النيسان الرمادا و الباثفيندر