رد: انت بتحب عربيتك؟
 

اقتباس:

المشاركة الأصلية كتبت بواسطة Injection (المشاركة 217493) بحبها طبعا, هو فيه حد بيكره عربيته, بس مش حب عادى دهtough love زى مابيقولوا بالأنجليزى.

بس حلوة موضوع درش ده ياانجكشن جامدة اوى

رد: انت بتحب عربيتك؟
 

رد: انت بتحب عربيتك؟
 

ياااااااااااااااااااااه خلتوني اعيط :(
بجد مش تريقه افتكرت عربيتي 127 و كانت اول عربيه و انا اول حد ساقها و وكانت كل اسبوعين تلاته عايزه زياره يا ميكانيكي يا كهربائي يا عفشجي يا راداتير يا سمكري وقررت ابيعها من زهقي..مع انها شالتني كتير ورحت بيها كل حته في اسكندريه و الساحل كمان والشغل والسوق و المشاوير و هي اللي اتدربت بيها على السواقه بجد في الشارع وذكريات بقى ايه كتييييير.. يوم البيع ده عيطت اول ما اتفقنا حسيت كانها بني ادم و انا اتخليت عنه مع انه كان خادمني باقصى استطاعته وانا رميته من غير ما اشوره و لا استاذنه و واقفه كده غلبانه لا حول ليها و لا قوة لا قادره تقول آه و لا لأ
و الله حسيت انها زعلانه و كأنها عايزه تعاتبني و مش قادره مخنوقه
وبعد ما بعتها عرفت قمتها اكتر و اكتر لقيت اللي انا كنت باصرفه عليها في سنه ممكن اصرفه على الجديده في طلعه واحده ويمكن اكتر كانت اقتصاديه و موفره في البنزين و قطع غيار ممكن تبقى عند البقال و رخيصه و سهله على اي صنايعي
لكن البتاعه الجديده ديه غاليه و مستهلكه للبنزين ما ينفعش معاها بنزين 80 و الكلام ده كله الغالي الغالي و قطع غيار غاليه و الشغل في التوكيل و ممكن ما تلاقيش قطعة الغيار و تعقد تستناها ولما تعمل عملتها ما تعرفش تمشي حالك زي الحلوه الغاليه التانيه لحين ميسرة
حاسه اني زي ما اكون واحد ساب مراته الاصيله الجدعه حمالة الأسيه و راح اتجوز واحده جديده تفرحه بشبابه وهي طلباتها نار و مصاريفها توجع و بتدلع عليه دلع مرئ
ياااااااااه ربنا يبارك للي اخدها بس هي و حشتني
ما الحب الا للحبيب الأولٍ

رد: انت بتحب عربيتك؟
 

في ايااام كتير في البيت
بيقولو هنبيع العربيهANAA7TG

ببقا مش عارف اعمل ايه فبقول في نفسى اى حد هيجى يشترى العربيه
نكتب في العقد ان انا كل اسبوع اروح اشوفها هههههههههههه اه بجد
مش متخيل انها متبقاش قدامى .
وكمان بحس ان العربيه بتعمل معاه حركات جدعنه يعنى مثلا !!!

لمبه البنزين تبقا منوره فتره كبيره وكل متر اقول خلاص العربيه هتقف منى هنا
ومابيحصلش لحد ماتوصلى البيت .. FLASHCar

ممكن كمان اكون في مشوار وارجع اول ماا اركن انزل ابص على الكويتش الاقيه نايم او مخروم وانا ماشى يكون ساليم ..كده يعنى FLASHCar
بس في جانب سالبى كبير
في موضوع حب السياره الخاصه ده
الى هو ايه (مش معنى انك بتحب عربيتك يبقا عربيتك ده احسن عربيه على وجه الارض )

والمشاكل بتاعت المقارنات بتيجى من هنا ان كل واحد بيحب عربيته
يعنى بلدى القرد في عين امه غزال
وهو ده الجانب السلبى بس

وشكرا ليك ياباشا على الموضوع هائل وعاطفى كمان ROSE4U

رد: انت بتحب عربيتك؟
 

الموضوع و باختصار طالما الواحد ليه في العربيات يبقي هيكون علاقة بينه و بين عربيته
يعني انا كنت بعتني و بهتم بكل العربيات اللي كانت معايا هما و عربيات العيلة كمان
و ده سواء كنت بحبهم او لا بس اكيد طبعا العربيات اللي بحبها نصيبها من الاعتناء بيكون اعلي و بيسيبوا اثر اكبرفي الواحد لما بيتم الاستغناء عنهم