مصر موتورز مجتمع السيارات - محدش هيقدر يكلم عن الصيني تاني

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - محدش هيقدر يكلم عن الصيني تاني (https://www.masrmotors.com/vb/showthread.php?t=14077)

رد: محدش هيقدر يكلم عن الصيني تاني

اقتباس:

المشاركة الأصلية كتبت بواسطة elmanahry (المشاركة 85274)

الذى عاش فى فترة الستينات كان القلم الحبر الباركر هو مشتهى الافندية لان تمنه كان حوالى ثلاثة جنيهات يعنى ثلث مرتب شهر للحاصل على بكالريوس وانزلت الصين القلم الونج سونج بخمسة قروش يشبه القلم الباركر ولكن ليس بنفس الخامات ولكن شغال وان اكتب الان امامى قلم ونج سونج من ايام الابتدائية ومازلت اكتب به ومحافظ عليه الصين قدمت للجميع البديل العملى والذى سعره فى متناول الجميع لقد احببت هذا البلد منذ الطفولة قصة اخرى تحضرنى الان عندما كنت طبيب امتياز كان مرتبى 38 جنيها وكان ثمن سكين المطبخ الستانلس 28 جنيها صناعة المانيا الغربية ولم اشترى طبعا ومرت السنون حتى اتى الى عيادتى احد الباعة المتجولين ليعرض على شنطةبلاستيك بها خمس سكاكين استانليس من اياهم نفس الالمانى بالضبط ومعاهم ساطور ومسن وقرمة بلاستيك وكل هذا ب 28 جنيها الاقلام الباركر التى تركها والدى اعطيتها هدايا للاخرين واحتفظت بالاقلام الصينى احتراما لهذا الشعب المكافح واسميتها فى سرى ماما الصين شعب مكافح رائع دؤؤب على العمل غيركسول منتج دقيق ولكن ينقصه العقل المبدع الذى يملكه الاوربيين والامريكان والازمة الاقتصادية الحالية صنعت هذا التزاوج والتلاقى بين الحضارات والشعوب وسوف نرى ماسوف يكشف عنه المستقبل

شكرا يا دكتور علي المداخلة الحلوه دي.
بس حضرتك قلت حاجة مهمة جدا الا و هي انك حافظت علي القلم الصيني و هي دي كلمة السر
انا شايف ان لو الواحد حافظ و اعتني بالحاجة مهما كان نوعها او جودتها هتعمر معاه لكن للاسف مش كل الناس كده بل علي العكس الاغلبية و خاصة المصريين عايزين يعدموا العافية في الحاجة و برضة تعمر معاهم. طبعا برضة المقارنة بين القلم و السيارة غير عادلة برضة و الصين لسة قدامها فترة عشان تثبت نفسها في المجال ده.

اقتباس:

المشاركة الأصلية كتبت بواسطة ahmed1981 (المشاركة 85291)

الشركة الصينية إشترت 80% من أسهم شركة هامر
لكن كل ما هو دون ذلك ثابت
الهامر هامر
والمصانع بتاعتها في مكانها
والمهنديسن العامين فيها والفنيين كما هم
مفيش جديد سوى إنتفال ملكية رأس المال من شخص أمريكي إلى شخص صيني

انا معاك يا باشا
لكن اكيد هيبقي في تغيير في السياسة العامة للشركة و الا خسائر همر هتستمر و ده هينعكس علي الشركة الصينية. الفكرة ايه هو نوع التغير اللي هطبقة الشركة الصينية و هل هنشوف موديلات اكثر اقتصادية من الهامر او هل مثلا هنشوف عربية سيدان منهم. هو ده اللي انا قصدي علية

و عموما ادينا بنتفرج

رد: محدش هيقدر يكلم عن الصيني تاني

العزيز horas 3000 شكرا على تعليقك اللطيف عندما تكلمت عن القلم الصينى لم اتكلم عن مقارنة بل تكلمت عن اسلوب واتجاه شعب ان يوفر لجميع الشعوب البديل العملى والسعر المقدور عليه والجديد عندهم انهم يوفرون نفس السلعة بنفس الجودة بسعر ارخص بكثير من السلعة الاجنبية فقد اشتريت نظارة طبية حديثة ماركة ايطالى اعرف ثمنها الحقيقى باعها لى المحل بثلث الثمن الذى اعرفه ونفس الخامة والمتانة ومكتوب عليها made in italy ولكنى عرفت من مصدر موثوق به ان صاحب المحل يذهب الى الصين ومعه شنابر من كل الماركات العالمية المعروفة وهم يصنعون له بالضبط وبنفس الجودة هذه الشنابر وعندى الاثنين ولا يوجد ادنى فرق بينهم واعتقد ان هذه الامور شطارة ومهارة تثير العجب والحيرة

رد: محدش هيقدر يكلم عن الصيني تاني

لا بصراحة انا بعد كدة هستنا لما تنزل الهامر وتبقي تاكسي ومش هركب غير ورا علشان اقول للسواق خد بينا لفة علي الكورنيش ياعبدو بس متعورش حد

رد: محدش هيقدر يكلم عن الصيني تاني

اقتباس:

المشاركة الأصلية كتبت بواسطة elmanahry (المشاركة 85363)

العفو يا دكتور
انا معاك و مقتنع بكل اللي انت قلتة و عارف ان تقليد الماركات ده من اهم الصناعات اللي في الصين و علي فكرة الحاجات المقلدة دي درجات و كلة بتمنة و للاسف اللي بيوصلنا هو اسوء الدرجات و ده عائد لطمع التجار و المستوردين عشان يحققوا اعلي ربح

رد: محدش هيقدر يكلم عن الصيني تاني

horas3000 كلامك عين العقل المهم فى المستورد وفى تجار المحروسة ذهبت الى وسط البلد لاشترى كرافتات ولم تعجبنى الا واحدة اشتريتها ب120 جنيها وقرب سوق التوفيقية وجدت بالصدفة على الرصيف شاب يبيع كرافتات تشكيلة ولا اجمل ولا اروع فى الالوان والخامات اشتريت عشرة ب 150 جنيها وقرات اسم المستورد من الصين واتصلت به وبعد شهرين ارسل لى مندوبين بيع باكياس بها الاف الكرافتات السلعة الجديدة خامات اقل ودرجة اقل مع انها ايضا تشكيلة جميلة واتفقت معه فى التلفون ان اخذ دسته على تسعة جنيهات الواحدة ووافق قول لى بالله عليك بكم اشتراها من الصين ليدفع لها جمارك ومواصلان وعمال بيع يلفون على المحافظات ووجدت احد المحلات يبيع الواحدة منها ب 65 جنيها ولا يقبل ان يفاصل واسم نفس المستورد عليها القصص كثيرة اما بالنسبة للسيارات فهم يصنعون مظم الماركات العالمية حتى البويك واللنكولن والان اطرح سؤال هو مفاجاة للجميع السيارات اللانسر بوما التى تملا شوارع مصر والتى لاتوجد اسمها على الموقع الرسمى لشركة ميتسوبيشى واليابان لاتصنعها اين تصنع هل فى شركة سوس ايست الصينية وهل الاجابة لو بالايجاب هل سيسكت المشتكين على السيارة صناعة الصين وشكرا

رد: محدش هيقدر يكلم عن الصيني تاني

بالظبط يا دكتور
العامل الاهم اللي الصين بتلعب علية هو السعر في مقابل جودة اقل لكن مقبولة

اما بالنسبة للسيارات فالبفعل في شركات كتير يتجمع عربياتها في للصين منهم زي ما انت قلت جنرال موتورز و ميتسوبيشي و في كمان بي ام دبليو و فولكس اللي مصنعها في الصين اتناجة فاق بقيت مصانع فولكس السنة دي. لكن كل الشركات دي عندها معايير جودة معينة بتحرص علي تنفيذها بالاضافة الي ان معظم المكونات الرئيسية بتيجي جاهزة. و للاسف ده مش متوفر في شركات السيارات الصينية لانهم بيلعبوا علي عامل السعر فالجودة عندهم بتبقي شيئ نسبي. بالاضافة ان تقريبا معندهمش اي نوع من انواع الابحاث و التطوير و ده اللي بيكلف شركات العربيات كتير و بياثر بشكل مباشر علي اسعارهم.

الفكرة ان الناس بتشتكي من العربيات الصيني لانهم دفعوا فيها دم قلبهم و في الاخر العربيات مستحملتش و عيوبها ظهرت و ده بيخليهم يشعروا بالحسرة و الغضب و يبتدوا يهجموا عليها. ده طبعا غير الناس اللي ما وراهمش حاجة غير ترديد و نقل الكلام سواء عن الصيني او خلافة. لكن لو العربيات الصيني بتنزل باسعار مناسبة لجودتها مكانش حد اشتكي او فتح بقة. زي الموبايلات كدة اللي بيجيب الصيني بيبقي عارف انه رخيص و انه في الغالب مش هيعيش معاة لكنة بيتقبل الوضع و يتعايش معاة عشان هو مغرمش كتير

رد: محدش هيقدر يكلم عن الصيني تاني

مش هتبقا همر هتبقا همرايه