مصر موتورز مجتمع السيارات - نيو أكسنت أم لوجان ؟

اقتباس:

اوك هيا ميزه ما قولناش حاجه لكن برضه مش اير باج واحده للسواق هيا الفيصل زي ما قولنا
ولو حنتكلم عن عوامل السلامه النشطه زي الABS , EBD, ASC,ABC و تلك الانظمه التي تساعد
لعدم حدوث الحادث حنلاقي ان العربيتين زيرو
اما الايرباج تعتبر من عوامل السلامه السالبه يعني بتفيد بعد وقه الحادث.

اتفق طبعا مع حضرتك لكن برده النيو اكسينت ولا فيها عوامل امان سالبة ولا موجبة البركة فى غبور باشا ودى تأخذ عليها

اقتباس:

النيو اكسنت بالنسبالي عربيه عصريه جدا و قعدتها مريحه و غير كده دي مسأله راحه نفسيه
انا مثلا برتاح في قاعده العربيه اللي كراسيها واطيه و في ناس بتحب قاعده العربيه اللي كراسيها عاليه
ما تقدرش تقول علي دا غلط او دا غلط لان دي عمليه نسبيه

طبعا متفق معاك لان كل عربية بتلبى احتياجات شخص غير الشخص الاخر وانا مش بثبت ان الوجان احسن او النيو اكسينت احسن لان فى مشاركتى الاولى فى الموضوع قولت ان العربيتين زى الفل لكن مختلفتين احنا بنوضح لصاحب الموضوع مميزات وعيوب كل عربية عشان هو يشوف انهى عربية اللى تتوافق مع احتياجاته اكتر

اقتباس:

المهم انها افضل و حقول لحضرتك حاجه بسيطه
بص كده علي مسوجر باب اللوجان و قولي ايه رأيك فيه
تلاقيه مقشر و طالع منه زوائد بلاستيكيه ما تشوفهاش حتي في موسوجر عربيه 128 موديل 70!!!
طب انا اشتري عربيه موديل 2009 و الاقي فيها حاجه زي دي بالتأكيد حضايق طبعا

رأى ان المسوجر زى الفل وملاحظتش اى تأشيرات فى اى حتة فى الصالون

اقتباس:

اللوجان موجوده بالتصميم دا بره مصر من 2002 او 2003 يمكن يعني عربيه قديمه جدا
كون انها دخلت مصر 2009 فدا مش معناه انها احدث من النيو اكسنت
و لو حضرتك حتبص علي الواجهه الاماميه و تصميم الجوانب و الخلفيه للنيو اكسنت و تقارنها بعربيات جيلها
زي الياريس و الكورولا و الكيا ريو و ما الي ذلك و تحط جنبهم اللوجان حتلاقي اللوجان شكلها عجوز اوي

1- تصميم اللوجان الجديد برة مصر من سنة 2008 dacia logan face left
2- وحنرجع ونقول ان الشكل دة ازواق وانا مش شايف ان شكل اللوجان الجديد مش عجوز ولا حاجة فى ناس كتير عينها بستريح للخطوط والتصميمات الحتدة وانا منهم

اقتباس:

يا تري حيعيش قد ايه التابلوه دا؟؟!!!!
طب حضرتك تعرف تابلوه اللوجان مكون من كام قطعه؟؟
مكون من قطعه واحده ..
طب حضرتك عارف هو ليه مكون من قطعه واحده؟؟!!!
لان الشركه نفسها معترفه ان السياره نازله للدول الفقيره و علي قد ما بيقدروا بيوفروا في النفقات
و عملو التابلوه حته واحده علشان خاماته دون المستوي المطلوب و لو اتعمل اكتر من حته واحده حيطلع اصوات و يزيق و فعلشان كده كانوا عاوزين يوفروا و في نفس الوقت يطلعوا حاجه ما تعملش مشاكل .

ديه ميزة كويسة فى اللوجان ان التابلوه قطعة واحد عشان نقطة التفكك اللى بتحصل لاحسن عربيات فى بلدنا بسبب طرقنا الغير الممهدة واللى بتهد اى تابلوه وبتبوظه وتخليه يصدر منه اصوات مع مرور الزمن
اما عن موضوع ان الخامات دون المستوى انا مش شايف كدة انا شايف ان الخامات مقبولة جدا (النقطة دى بتختلف برده من شخص لاخر )

اقتباس:

انا ما قولتش ان دا عيب بس انا بوضح ليه فرق السعر بينهم 11 الف و المفروض يبقي الفرق اكبر من كده كمان
لان تكاليف التصميم و التطوير قليله للغايه مش زي ما تعمل عربيه من اول و جديد و تصمم لها موتور و شاسيه و عفشه جديده.

الفرق 11 الف دة لان العربية نازلة بدون تكاليف الجمارج ولو حسبنا جمارج العربية حتعدى

اقتباس:

نفس رد النقطه السابقه لان حضرتك قسمت المشاركه و فاكرني بهاجم بلد المنشأ رغم اني بعلل ليه تمنها قليل

انا مش شايف اى هجوم من اى نوع انا بس مستمتع بالنقاش معاك واوعدك انى مش حقسم المشاركات انا بس برد على كل جزئية على حدة وكله فى الصالح العام ( وبكرر العربيتين كويسين جدا فى فئتهم السعرية ) وانا مش بهاجم ولا بميز عربية على التانية كل واحد بيوضح نظرته للعربيتين وصاحب الاستفسار هو اللى يحدد العربية اللى تلبى احتياجاته

اقتباس:

و انا برضه بحترم رأيي حضرتك و ما قولتش علي اللوجان وحشه لكن لا تقارن بالنيو اكسنت للاسباب المسروده اعلاه
طب لو العربيه دي اوربي و خطيره و حلوه اوي تفتكر ليه التوكيل ما نزلهاش ب 80 الف؟؟!!!!!!!
طالما هيا نفس فئه الياريس و النيو اكسنت و تتفوق عليهم انها اوربي ليه سعرها مش زي سعر الاتنين دول
و حضرتك عارف توكيلات مصر لازم تكسب في العربيه 200% ومافيش حد فيهم عنده استعداد يقلل من ربحه علشان خاطر الجمهور.
اللوجان لما نقارنها بحق ربنا نقارنها بالفيات سيينا او الدايو لانوس
دي عربيات شعبيه و معموله بتنكولوجيا و شاسيهات قديمه علشان تنافس في دول العالم التالت
و تكسب عميل عاوز يركب عربيه رخيصه مع بعض التضحيه بالجوده و التنازل عن الرفاهيه و التصميم الحديث

1- ليه التوكيل ما نزلهاش ب 80 الف؟؟!!!!!!! العربية خالصة الجمارج ولو ضيفنا فلوس الجمارج سعرها حيعلى طبعا
2- وموضوع اوروبى وخطيرة وحلوة يبقى منتكلمش فى الفئة السعرية اللى ينتكلم فيها دى احنا بنتكلم على عربيات على قدنا متزيدش على 80 الف جندى
3- عادى جدا اللوجان تتقارن بالفيرنا واللانوس ولانهم فى نفس فئتهم السعرية لكن هم فى الاصل لا يقارنوا باللوجان
4- اليارس مش موضوعنا وفئة تانية من العربيات اللى بنتكلم عليها بالنسبة لسعر اللوجان سبق واشرت اليه فى البند رقم (1)
5- انا مش شايف ان التوكيل بيكسب من العربية 200 % لان لو كسب 200% او 100 % او حتى 30 % سعر العربية حيعلى جدا ودة اللى الوكيل مش عايزه على العموم توكيلات مصر كلها منيلة
6- انا مش شايف فى اللوجان انهم شالوا الرفاهية منها العربية نازلة بفوانيش شبورة امامى وخلفى وعواكس خلفية
زجاج مظلل عازل للحرارة و كمبيوتر رحلات سى دى بلاير تعديل كرسى السائق تعديل وضع عجلة القيادة ومرايات كهربة تحديد شدة الاضاءة و سنتر وتكيف قوى و اطارات مقاس 15 يبقى فين الرفاهية اللى مش موجودة
شكرا ليك وتقبل مرورى وكل سنة وانت طيب