رد: جهاز انذار متطور عموله و رائع لحماية سيارتك من السرقه
 

شاكر لذوقك و إحترامك و جارى بالفعل عمل جهاز الإنذار بعد عربيتى ما تسرقت كما وضحت.
بس عاوز أقولك حاجة... حضرتك لا مخترع و لا عبقرى مثلاً علشان تتعصب لعلم ربنا أدهولك بغير حول منك و لا قوة, ( و ما أوتيتم من العلم إلا قليلا)
قصدى بلاش جشع و مش قصدى التقليل من الجهاز اللى حضرتك بتتكلم عنه. صحيح أنت اللى بتقّدر تعبك و تكلفتك بس مش معناه نغرف فلوس و نديك علشان حضرتك بتعمل المستحيل.... مع مصر موتورز و الناس الحلوة اللى ماليه النت مفيش مستحيل بإذن الله.
لما يكون واحد عربيتة 128 و لا لادا و لا ... أى حاجة على أد حالها, عربيتة كلها بكام علشان يركبلها إنذار بـ 1000 جنية؟ و بلدى كمان يعنى لا GPS و لا قمر صناعى.
أنا مجال شغلى مش كهربا بس والدى مهندس ألكترونيات و عندى أصحاب كتير مهندسين إتصالات و باور و الكلام اللى حضرتك بتتكلم فيه ده بالنسبالهم أقل من أن يكون مشروع من مشاريع الكلية. الناس مشغولة مش أكتر.

برضو علشان تفهمنى صح.... العلم Open Source و بالتالى حضرتك مش هتبيع علم, هتبيع "ناتج" مجهودك من العلم. و ده مش حكر على حد. لو مصرّ على السعر أنا مصرّ أعرض خطوة بخطوة طريقة عمل جهاز مشابه . و نقل لينكات مش" أنا إللى إخترعته" و مجاناً طبعاً و على مشاركات نفس الموضوع الإعلانى بتاعك.
yesyes

للإخوة الأعضاء
دول موضوعين عالسريع
ط¥ظ†ط°ط§ط± ط¹ط±ط¨ظٹطھظƒ ط¨ط¥ظٹط¯ظƒ

و فى الآخر بأقولك ..... الجهاز اللى معاك ممتااااااااااز, بس أرجو مراجعة السعر رغم إنى مش هأشتريه, الكلام ليك و لغيرك و لأى حد داخل فاكر أننا من الهند

رد: جهاز انذار متطور عموله و رائع لحماية سيارتك من السرقه
 

يا سيدى كلامك محترم ،، ولو قرأت الموضوع من الأول هتلاقى الرد المستفز و الغير لائق ، وتلاقى واحد صنايعي داخل عام لنفسه فاهم كل حاجه و يقولك شغل فاشل .... يا راجل دى ناس ماتربتش ..

لو انت مكانى هتقول اكتر من كده ..

رد: جهاز انذار متطور عموله و رائع لحماية سيارتك من السرقه
 

نصيحتى انا ليك انك تخلى طريقتك فى الكلام احسن بكتير من كده علشان ما تفقدش الناس اللى حواليك خاصه انك بتتكلم من غير ما تعرف اى معلومات ...

انت قدرت سعر الجهاز بناءا على ايه؟ انت لا شوفته و لا حتى كلفت خاطرك تسأل عليه ،، ولا حتى عارف الفرق بين الجى بى اس و بين الgsm فى التعامل و مدى السهوله فى التعامل عن الجى بى اس ،، و بعدين انت عربيتك 128 ،، واحد تانى عربيته ب200 الف جنيه ...انا ايه ذنبى ؟

انت لو شوفت الفارق بين الجهاز اللى انا عملته و بين الأجهزه اللى فى السوق ستجد فقط السلوك اللى انا جايبها و ضايفها على الجهاز بتمن الجهاز الآخر كله على بعضه ( حوالى اكتر من 75 متر اسلاك ) بدون مبالغه ، ده غير ان الجهاز عباره عن جهازين مش جهاز واحد ( علبتين مش علبه واحده ) ،، علاوه على ان هناك مميزات اخرى للجهاز غير اللى انا ذكرتها .... يعنى من الآخر مش زى ما انت بتقول غرف فلوس و نهب و الكلام الغلط ده ....

انا مش باقولك الكلام ده علشان تشترى ... الحمد لله انا مش مستنى فلوسك .... ولكن الكلام ده لكى تعرف فقط انك غلطان فى حكمك من غير ما تعرف الحقيقه .. انا دورت و لفيت على كل الأجهزه المعروضه فى هذا الصدد ، لقيت الأسعار فى حدود 1000 جنيه و لا يوجد بها كل الأمكانيات ...

رد: جهاز انذار متطور عموله و رائع لحماية سيارتك من السرقه
 

أولاً أنا بتأسف ليك أمام الناس كلها مش لخطأ ولكن لسوء فهم
كنا عاوزين معلومات أكتر عن الجهاز لإن السعر فعلاً مبالغ فيه , و إضطريت أستفزك علشان توضح أكتر, بس اللى حضرتك بتقول عليه ده فعلاً متكلف
كان واجب حضرتك توضحه من الأول, مش مجرد مميزات الجهاز إيه لإن المميزات متشابهه فى أجهزة كتير
فيه أجهزة بتستخدم شرائح ألكترونية مبرمجة, بس حضرتك بتقول "عمولة" يعنى بلدى, لذلك السعر بالنسبالى كان غير متوازن فى الأول.
أرجو إنى مكونش زعلتك أو سببتلك أى ضيق
و تفضل مشكوراً بتوضيح المميزات الأخرى للجهاز
أعانك الله و يسر لك حالك و وسع أبواب الرزق لكل مجتهد

رد: جهاز انذار متطور عموله و رائع لحماية سيارتك من السرقه
 

كده حبايب ان شاء الله .... وانا و الله كنت هاقولك على كل اللى انت كنت عايز تعرفه من غير من تستفزنى زى ما انت بتقول ...فقط كلمنى و انا تحت امرك .....

يمكن كل المميزات فعلا انا ما ذكرتهاش فى الأول بس فعلا ده كان كسل فى الكتابه مش اكتر .... ولقين نفسى بكتب كتييييييييييييير قوى بعد الكلام اللى حصل ده ..... و بالأخص من الأخ اللى دخل يشمت و يقول شغل فاشل علشان طلع هو بيسوق لجهاز آخر اسمه حمايه ...

و علشان تبقى عارف انا لست تاجر او مفرغ نفسى لهذا الموضوع ...ابدا كل الموضوع هو انى بعد ما خلصت الجهاز و تمت تجربته سنتان متواصلتان و تم العمل بكفائه عاليه بدأ الأقارب و الأصحاب يقولوا لى لازم تسوق المشروع و هكذا ظهرت الفكره ....

و احب اقول لسعادتك ولكل الموجودين ان ربحى فى هذا المشروع حوالى 30% من قيمته ... وذلك بعد تعب سنتان متواصلتان و اختيار انسب بروسيسور للعمل و كذلك عمل السوفت وير المناسب له و كان هذا بالأخص اصعب جزء فى الموضوع كله و اختيار لغة برمجه مناسبه و برنامج طويل جدا ومعقد للتحكم فى الجهاز بالكامل و التفاعل مع الأكواد المطلوبه للتشغيل ، وكذلك تلافى العيوب الموجوده فى الأجهزه الأخرى من تعقيدات فى الكود ... وبعد هذا كله الجهاز الواحد بياخد منى شغل ثلاث ايام متصله ....اظن بعد هذا كله الربح غير مبالغ فيه اطلاقا 30 % فقط ........ وانا مش عارف انت خدت بالك انى خفض السعر الى 1200 جنيه بدلا من 1500 والا ايه؟؟

على العموم حصل خير و يا ريت تكلمنى على الموبايل و اسأل على اللى انت عاوزه .....و انا بأعتذرلك لو زعلتك منى .

رد: جهاز انذار متطور عموله و رائع لحماية سيارتك من السرقه
 

:Bravo: :CHUBBY~36: :fun_36_3_11[1]::CHICKA~11:SLAM :fun_36_3_9[1]: :1463B6~153:yesyesGIFT4U: fun_36_3_1[1]::CONGRA~238:

يااااااااراجل .... يعنى بروسيسور و نظام تشغيل و أكواد و الهيصة دى كلها و فى الآخر تكتب إعلان كلمتين و بس.
طيب خلى بالك .... الناس هنا, و أنا منهم, لما تلاقى حد دماغه شغاله بيصدعوه أسئلة.:08A742~169:
بلاش كسل و متبخلش على حد بأى معلومة قد الإمكان... أكيد فيه أسرار تحتفظ بيها لنفسك, و ده حقك, بس لما تحس إن فيه حد محتاج معلومة فعلاً خليها لوجه الله و ربنا يخلف عليك بالعلم و الصحة و الرزق الحلال.
و متوقفش نفسك على حاجة واحدة, أكيد فيه جديد, عندنا ناس هنا شغلت عربياتها بالمياة, و ناس بتعمل إجهزة فرامل ABS و بنصور الموتور من جوة بالمنظار زى الدكاترة ... الدماغ لما تشتغل بتعمل حاجات فوق الخيال.
أتمنى ميكونش فى نفسك أى شئ من ناحيتى و ربنا يديم الود و الحب بين أعضاء المنتدى المحترمين.

رد: جهاز انذار متطور عموله و رائع لحماية سيارتك من السرقه
 

ده يا جماعه اعادة صياغه للأعلان يتضمن كافة التفاصيل و الأمكانيات ،،

جهاز انذار للسياره متطور جدا عموله ..غير متواجد بالأسواق .. هذا الجهاز اقوم بتصنيعه يدويا حسب الطلب
الجهاز مكون من عدد 2 وحدة ..وحدة رئيسيه للتحكم الكامل و وحدة اخرى للتكامل مع اجزاء السياره
الجهاز يحتوى على بروسيور عالى الآداء و مستقر فى العمل و نظام تشغيل خاص به ..
الجهاز يمكنك من التحكم بالسياره بالكامل عن طريق الموبايل ، و من خلال الأتصال به و ادخال اكواد معينه
الأكواد التى يتم ادخالها من خلال ازرار الموبايل و اثناء المكالمه
الأكواد هى اكواد سهله للغايه و صغيره من ثلاث رموز فقط و لابد من ادخالها بسرعه اقل من ثانيه و نصف بين الرمز والآخر و ذلك لتشديد الحمايه وهى عباره عن سبعة اكواد متتاليه سهلة الحفظ جدا لكل كود وظيفه معينه
كود خاص لفتح الأبواب
كود خاص لغلق الأبواب، وتفعيل الأنذار
كود خاص لتسخين السياره لمدة خمس دقائق فقط و تفصل اوتوماتيكيا ، ولا يعمل هذا الكود الا اذا كانت السياره مؤمنه بالأنذار فقط.
كود خاص لفصل الماتور اذا تم سرقة السياره على الطريق بالأكراه و بها المفاتيح، ولا يتم عمل الماتور مره اخرى الا من خلال كود آخر من الموبايل .
كود خاص لجعل السياره تعطى سارينه عاليه و انوار الفلاشر عند ركنها فى اماكن انتظار واسعه
كود خاص لتشغيل السياره بالموبايل فى حالة ضياع المفتاح فى حالات السفر مثلا
كود خاص لأطفائها مره اخرى
كود خاص لفتح مكبر صوت داخل صالون السياره للتحدث لمن بداخل السياره من خلال الموبايل

وفى حالة سرقة السياره وفتح ابوابها سوف يتم عمل الآتى:
يتم فصل الماتور عن العمل فى نفس اللحظه وليس كما فى انظمة الجى بى اس تنتظر منك رساله لكى تفصل الماتور
يتم الأتصال بك فى نفس اللحظه التى يتم فيها فتح الأبواب
يتم اصدار صوت سارينه عاليه جدا
تشغيل انوار الفلاشر
عندما يظل الأبواب مفتوحه فى حالة السرقه سوف يتم الأتصال بك مرارا وتكرار حتى يتم قفل الأبواب ،، و بعد ذلك يتم تأمين السياره من جديد و غلق السنتر


وظائف اخرى :
عند الدخول للسياره و فتحها بالريموت ،، ينتظر الجهاز مدة ثلاث ثوانى ثم يصدر صوت سارينه سريعه متقطعه لعدد ثمانى مرات للتنبيه بأنه كانت هناك محاولة لسرقة السياره
عند الضغط على دواسة الفرامل اثناء سير السياره يتم قفل سنتر السياره بالكامل
عند اطفاء الكونتاكت يتم فتح السنتر اوتوماتيكيا ،، واصدار صوت سارينه خفيفه متقطعه مرتان فقط
اذا تم التعرف على الجهاز و فصله من السياره لا يعمل الماتور اطلاقا لأن الماتور متصل عن طريق الجهاز وذلك للحمايه القصوى .


ملحقات تأتى مع الجهاز :

يأتى مع الجهاز ، جهاز سنتر بالريموت كامل ( وحدة الكتاوتات &عدد 2 ريموت &اربع بلوف سنتر(
يأتى مع الجهاز سارينه صوتها عالى جدا
يأتى مع الجهاز الأسلاك الخاصه به واللآزمه للتركيب (حوالى 75 متر اسلاك) بمختلف المقاسات

السعر 1200 جنيه شامل جميع هذه الأمكانيات شغاله و جميع الملحقات و غير شامل 150 جنيه مصاريف تركيب للكهربائى
للطلب و الأستفسار اتصل على 01010571059