|
رد: دوارة الفيرنا ؟
السلام عليكم
الأيدل شغلته التحكم في السلانسيه بتاع العربيه وفعلا ممكن يؤثر علي الدوار وموضوع ال أر بي أم اساسي لو فيه مشكله في الأيدل يبقا لازم تبان في الكارته (لما تكشف كمبيوتر) وفي حالتك الأيدل كان مسدود طيب مسدود ليه؟ أكيد من البنزين , فيه شوائب متراكمه , يبقا قبل ما تفكر تشتري جديد اعمل تشيك علي فلتر البنزين اللي تحت الكنبه لو لقيته متبهدل وانت لسا مغيره قريب زي ما انت قلت يبقا فيه مشكله شوائب فى التنك وهقلك تعمل ايه , لو لقينه نظيف يبقا كمل تركيزك علي الأيدل لو فلتر البنزين مسدود خلي الكهربائي مش الميكانيكي يفتح التنك من فوق (حوالي 8 مسامير علي ما اظن) ويرفع طرمبه البنزين (طبعا يفضل التنك يكون بيفضا يعني سايب 10 ليتر بس) لما يطلع الطرمبه عنده ويفتحها , هتلاقى موتور وفلتر , شيك علي الفلتر ده وشيك علي جسم الطرمبه والشوائب اللي متراكمه عليه, لو الموضوع مليان هباب والفلتر بايظ خالص يبقا هتجيب فلتر بس و تنضف التنك تمام يبقا امسك الموضوع من أوله بدل ما تشتري أيدل (اسمع انه غالي ) ويطلع الموضوع كله تنضيف تانك البنزين والطرمبه يا رب أكون أفدتك |
رد: دوارة الفيرنا ؟
معلش استشارة على جنب كده
كنت عاوز اركب فوجات شبورة للفيرنا بس لقتها التايوانى ب 400 ج وكمان ناس كتير قالتلى انها مش عمليه وبتبوظ من اى ميه او خبطه اكمان مبتكونش ثابته كويس وفكرت اعمل فوجين بلدي فى الاكصدام من تحت يقضوا الغرض انا عارف ان شكلهم مش هيكون زى اللى فى مكانهم الاصلي بس انا عاوز استفيد بالشبورة و فى نفس الوقت تكون عمليه ؟ ايه رايكم ؟ وشكرا جزيلا |
رد: دوارة الفيرنا ؟
1 مرفق
السلام عليكم
انا مركب فوجات من زمان التيواني انا بجيبه ب 150 جنيه وبيعيش سنتين ونص الي 3 سنوات (مع وجود الزينون) مفيش في السوق أصلي أو زجاج كله باغه (بلاستيك) وبغيره علشان الزينون بيبوظ الباغه بس مفيش ميه بتدخل ولا حاجه أللي بيقولك ميه بتدخل ده اسمحلي بيقول أي كلام الفوجين بتشتريهم بقواعدهم ب 150 الي 200 جنيه بتاع الفيبر بيفتح مكانهم فى الأكصدام بلمبه (صاروخ النار) الكهربائي بيركب الفوجين عادي وقواعدهم موجوده وزي الفل بيعمل وصله للفوجات علشان تشغلهم مانيوال (زرار بتحطه في أي مكان براحتك) هتلاقي ان قاعده الفوج فيها ياي ب صاموله علشان تتحكم فى درجه ميل الأضاءه علي الأرض وتعليها أو توطيها براحتك انا من الأسكندريه والمطر شغال ومفيش أي مشكله لان الفوج مقفول واللمبه عليها جوان كاوتش بيركب ويقفل الفوج زي الكوره طبعا لو ركبت نور عادي فى الفوج هيعيش أكتر من كده بكتير انا حاطط تحت صوره العربيه عندي (كنت بصور القطه ههههههههه) |
رد: دوارة الفيرنا ؟
اقتباس:
يعنى لازم بتاع فيبر يفتح الاكصدام ولا الكهربائي عادى بيفتحها ؟ انا ان شاء الله مش هركب زينون هل هتكون عمليه وتساعدنى فى القيادة فى المطبات او فى الزحمة مع المقابل ؟ ولا شكل اكتر منها عمليه ؟ وشكرا جزيلا |
رد: دوارة الفيرنا ؟
إذا كان نور عادى لن تشعر بقيمة عالية
ممكن نور بلمبة وكتاوت تقوية او طقم زينون والاداء رائع عن تجربة وممكن تشترى الزار الاصلى ومكانه فى التابلوه بجوار مفتاح نور الطوارىء والانتظار ويجب التحميل على فيوز منفصل |
رد: دوارة الفيرنا ؟
اقتباس:
بنور بلمبه وكتاوت قوية؟ هل كتاوت اضافيه مع اللى موجود فى الضفيره الاصليه ؟ واللمبه لو عاديه بتكون كام وات لتكون قوية وذات قيمه عاليه ؟ وايه راى حضرتك فى مشكلة حساس الايدل والدوارة ؟ وشكرا جزيلا |
رد: دوارة الفيرنا ؟
اللمبة العادية مع الفانوس ضعيفة
والافضل تغير اللمبة بنوع اعلى وافضل مع كتاوت من خارج الضفيرة لشدة الاضاءة والمحافظة على ذراع النور وزرار المفتاح كل شكواك فى السيارة من اثار استخدام الغاز الطبيعى المدمر للسيارة وبنزين 80 الكارثة |
| الساعة الآن 04:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017