رد: اشتريت تويوتا كورولا 1994 اتوماتيك أرجو الافاده
 

السبب و الله اعلم الكاربيراتير الجزء الخاص بتنظيم السالنسيه معرفش يبقى ايه عندك هل اتوماتيك شوك و لا صمام ايدل

لازم تكشف كويس على الفتيس و ميكنش فى بوش فى الوصلات اللى من العصايا للفتيس
و تتاكد من مستوى الزيت عند حد متخصص فتيس اتوماتيك
لان ممكن لا قدر الله تكون مجموعة الماشدير باظت حاجة اسمها الورق باين

هل تقصد العربية بتسقف ؟
لو بتسقف يبقى الكهربا محتاجة تتأخر
انت بتحط بنزين ايه ؟

رد: اشتريت تويوتا كورولا 1994 اتوماتيك أرجو الافاده
 

* المشكله اني روحت مركزين خدمة ومحدش فيهم يعرف الكلمتين دول اتوماتيك شوك و لا صمام ايدل
ولا حتي عارف المشكله فين وفي نفس الوقت ما اقدرشي اروح لميكانيكيه لانهم جهلة وهايخربوا الدنيا

* انا فعلا خايف مع الوقت حاجه تبوظ اكتر وفي واحد وصفلي ميكانيكي متخصص
في الفتيس اتوماتيك فقط في المنصورة هاروحله قريب باذن الله

* لا هيا مش تسقيف
هوه اللي بيحصل بالظبط اني لو ضغطت علي دواسة البنزين جامد يظهر الصوت
ولو ضغت واحده واحده الصوت مش بيجي وانا بستخدم بنزين 80

انا من المحله الكبري ,لو تعرف حد متخصص تويوتا كويس قريب مني
يبقي متشكرين جدا لافضالك

رد: اشتريت تويوتا كورولا 1994 اتوماتيك أرجو الافاده
 

الصوت دا اكيد تسقيف حاول تاخر كهربا شوية عشان ال 80

رد: اشتريت تويوتا كورولا 1994 اتوماتيك أرجو الافاده
 

طيب افوول 92 واجرب ؟

رد: اشتريت تويوتا كورولا 1994 اتوماتيك أرجو الافاده
 

جرب
و لو لسة بتسقف برضه اخر كهربا

رد: اشتريت تويوتا كورولا 1994 اتوماتيك أرجو الافاده
 

* فولت التانك نصه 80 + نصه 92 والحمد لله الصوت اختفي تماما حتي لو جبت دواسة البنزين علي الاخر
ده معناه ان العربيه عايزه بنزين 92 مش 80 لان سحب العربيه اختلف خالص بعد ما حطيت 92

* بخصوص رجه الفتيس في ال R
واحد كان قاعد جنبي وانا بسوق وقالي انت بتخطف الفتيس من الدي الي الأر مباشرة
يفضل انك تجيب ال N الاول بعد كده الأر
عملت زي ما بيقول والرجه اختفت خالص
هل ده صحيح

* لما العداد بيوصل لسرعه 80 بالظبط بيبقي في صوت تحذير شغال .... تيت تيت تيت تيت
وبمجرد ما انزل بالسرعه عن ال 80 الصوت يروح
هل ده لاني مش رابط الحزام مع العلم ان لمبة التحذير بتاع الحزام منورة في التابلوة
وجربت اربط الحزام لكن اللمبة مش بتروح

في حد يعرف كهربائي محترم وأمين في شغله قريب من المحلة الكبري
وشكرا

رد: اشتريت تويوتا كورولا 1994 اتوماتيك أرجو الافاده
 

و الله طالما الرجة راحت يبقى استمر على النصيحة ديى ( تجيب على ال N الاول )