مصر موتورز مجتمع السيارات - من الافضل > ( سيفيك ولا جيتا ولا برافو )

اقتباس:

المشاركة الأصلية كتبت بواسطة sam ram (المشاركة 73315)

جربتها يا ريس .... بطه .... ووزه كمان
انا مش بقول انها عربيه بطيئه .. لكن مقارنتها بالسيفيك و البرافو اكيد اكيد ابطاء منهم ...
ونفس الكلام على الاوكتافيا
وحط الموتور ده في الباسات و انسى البط والوز و اتفرج على السلاحف ..
الموضوع نسبي ... لكن فعليا حتلاقي الجيتا و الاوكتافيا اقل عربيات فئتهم من حيث التسارع ... ونفس الكلام للباسات ال 1600

الفكره بمنتهى البساطه شوف نسبه الوزن للقوه في الجيتا و البرافو ال 120 حصان والسيفيك ( حنعتبرها برضو 120 حصان مش 140 زي التوكيل ما بيدعي) .. حتلاقي البرافو و السيفيك احسن
العمليه مش موضوع قوه العربيه على اد ما نسبه الوزن للقوه
حضرتك ممكن تبص على الموضوع ده بيوضح اكتر وجهه نظري
السرعه والتسارع
و خصوصا المشاركه رقم 9

ومش عايز اقولك نسبه الوزن للقوه في الجيتا زي انهي عربيه .. و ليهم نفس التسارع ...
لكن السرعه القصوى للجيتا افضل ...
مش حقولك هيا ايه ... بس هما بيقولو عليها الكشك :HAPPY_~211:
الجيتا عربيه محترمه جدا طبعا .. لكن تسارعها حيكون اقل من السفيك و البرافو .. و مقترحاش ابدا كعربيه شبابي بأداء يرضي الشباب .. الا اذا كان شاب مستعد يحط بنزين 95

الباسات أدائها تقدر تقول عليه بطه وزه جمل فيل (1600 سي سي فقط مش ال 1400 عشان الباسات ال 1400 أشبه بكونها تمتلك موتور 2000 سي سي بدون مبالغه والله) وزه قول مافي الخمر لكن الجيتا ماتقدرش تطلق كلمة بطه بالشكل ده إلا إذا كان صاحبها هاينها بزياده (أنا على فكره مش معايا ولا مع حد من إخواتي ولا مع مراتي عشان أدافع عنها ده أنا معايا البطه إللي بحق وحقيق ويمكن تكون الكشك ؟؟!! مين عارف )

بص العربيه الجيتا مقارنة بتسارع الياباني والإيطالي بالتأكيد ليست لها الغلبه ولكن إيه إللي نجح الجيتا لهذه الدرجه بالسوق المصري !!!!!!
هناك عدة عوامل
أولا لقد جرب الشارع المصري شقيقتها التي تحمل نفس الموتور من سكودا أوكتافيا A5 وكانت سياره تعتبر حمالة أسيه وأعطالها قليله وأدائها مرضي لكثير من السائقين (ضعيف بالفعل لكن مرضي بشكل أو بآخر على صعيد طرقاتنا الفسيحه السريعه!!)
ولكن مالذي يميزها عن أوكتافيا A5 ؟؟
يميزها العلامه الخاصه بفولكس فاجن
يميزها وزن أقل فبالتالي أداء أفضل
يميوها تصميمها الجذاب
يميزها أنها سيدان معشوقة الجميع وحلم كثير من جيلنا في فترة نهاية الثمانينات حتى الآن إنها الجولف
يميزها تابلوه كالذي موجود في الجولف ... ووسائل أمان أكثر من حيث عدد الوسائد الهوائيه عن الأوكتافيا ... بالإضافه أنها تمتلك برستيج مختلف عن الأوكتافيا (مع إحترامي الشديد جدا لبنت عمها... أقصد مع حفظ الألقاب الأوكتافيا A5)

كمان هناك نظريه أحترمها جدا :

هو كم سأدفع مقابل إيه
بمعنى بما أني سأدفع 150ألف جنيه مثلا ...ماذا سأجني
هناك ميزان دائم يحكم الموضوع إيه مقابل إيه ...فيه قميص تمنه 500 جنيه بس في نظري مايسواش 100 جنيه إذا لن أشتريه
هناك قميص ثمنه 500 جنيه ولكن شكله يسوى ال 500 جنيه نظرا لإسم الشركه المصنعه والخامات وخلافه ... ممكن أشتريه طبعا
وهناك مايدعى بالفرصه بمعنى قميص ثمنه 500 جنيه لكنه يسوى 800 جنيه هنا تكمن الفرصه فهو سيعطيني أكثر مما سأعطيه

فما كان من الناس إلا أن بدأت المقارنه بين عدة عوامل
- البرستيج (لابد لنا من أن نضع هذه النقطه بأول الموضوع نظرا لأهميتها فأنا حينما ألبس جيدا فهذا ليس من أجل شيء غير إحترامي لنفسي وللغير ومحافظة على مظهري العام .. ماينفعش ألبس بيجامه وأنزل أروح فرح أو إجتماع بالعمل وأقول كله بيستر العوره ومافيش مشكله)

- الأداء والإعتماديه والكماليات وتوفر قطع الغيار والصيانه السهله والغير كثيره والمحدودة الأعطال ..و.....و....و,,,,,

- سعر إعادة البيع وسرعته وحجم الخساره نسبة للثمن المدفوع هل ستوازي القيمة الإهلاكيه للسياره بعد إستخدامي لها وتمتعي بها أم لا

وهكذا

لذا سنجد أن السياره الجيتا من وجهة نظري المتواضعه مناسبه من جهات كثيره (نسبه وتناسب)