رد: ارجو الافاده من اصحاب الاوبل فيكترا 1996
 

السلام عليكم
متشكر جدا لزوقك استاذ احمد ومتشكر جدا لاهتمامك استاذ عمرو بجد ونعمه الاصدقاء يارب تكون معرفه خير ان شاء الله
بص يااستاذ عمروالعربيه اوبل فيكتر 2000ccاتومتيك موديل 1\1\1997 العربيه فيكترا b وممكن اعرف الفرق بين a وb والمشكله اللي عندي عداد السرعه مش شغال وabs دايما شغال في ناس تقول روح التوكيل واشتري دماغك بس حضرتك عارف التوكيل واسعاره وسالت ميكانيكي قال مش مهم absياريت تفديني اعمل اي ومتشكر جدا لزوق حضرتك
وسلامي للاستاذ احمد علي اللي عرفني علي حضرتك

رد: ارجو الافاده من اصحاب الاوبل فيكترا 1996
 

السلام عليكم ورحمة الله
بخصوص مشكلة الـ ABS
اما ان حضرتك تجيبة استيراد من الحرفيين وسعرة تقريبا 1500 جنية
او انك تروح طنطا لان هناك واحد متخصص بيصلحة
وخلى بالك الـ ABSفى الاوبل مهم جداجدا من غيرة العربية دى بتكون وحشة اوى فى الفرامل وممكن تعوم من الخلف لو مش شغال
..................
طبعا الكلام دة مؤقت عقبال ما يجى اخونا الفاضل عمرو السيسي

رد: ارجو الافاده من اصحاب الاوبل فيكترا 1996
 

بص يا باشا
الفيكترا a
الي هيا الشكل القديم والاتنين مشتركين في 96
وعزرا انا كنت تكلمت معاك في موضوع سابق ليك عن حساس الماف وسعرة الغالي
ودة لفيكترا a وليس لفيكترا b
اطمن حساس الماف عندك معمر وسعرة رخيص جدااا ومنتشر استيراد
والفكترا a
عداد السرعة بيقرا من الفتيس
اما الفيكترا بي
عداد السرعة بيقرا من اتجاهين
1:حساس abs العجلة الامامية شمال
2:جهاز abs نفسة
انت اللمبة منور عندك يبئي لازم تكشف كمبيوتر
وتعرف المشكلة من الحساس ولا الجهاز
لو الحساس حيكون ب100ج
لو الجهاز حيكون ب700 الي 800ج
وانصحك نصيحة اخوية بلاش تمشي بالعربية من غير abs
لان الجهاز لما بيعطل مابيخرجش برة الخدمة خالص ولاكن بيعمل جزئي علي عجلتين
الي هما خارج المشكلة
فلو انت دوست فرامل مفاجأعلي سرعة 80 العربية حتخمس منك
كانك شادد فرامل يد

رد: ارجو الافاده من اصحاب الاوبل فيكترا 1996
 

ما شاء الله يا استاذ عمرو
حلوة المعلومات ديى

طيب بص يا استاذ king لو مفيش حد عنده سكان جرب مبدئيا تفك العجلة قدام شمال و تفك حساس ال abs تنضفه و عند الميكانيكى يفك المطلوب للوصول للرينج المشرشر اللى بيدى الحساس و ينضفه

و تركب تانى و تجرب لعل و عسى

رد: ارجو الافاده من اصحاب الاوبل فيكترا 1996
 

السلام عليكم
بجد كلمه شكر مش كفايه
جزاكم الله خير
فعلا ونعم الصحبه والاخوه
متشكر جدا علي المعلومات القيمه
ممكن الاخ عمر لو يعرف ميكانيكي كويس يعرفني عليه
معلشي طلباتي كتيره حبيتين
لسه جديد في عالم السيارت
والف مليون شكر لحضرتكم وشكر خاص لاخ احمد علي عشان عرفني علي حضرتك استاذ عمر مع ان كلامك معي اول مره وقع قلبي بخصوص حساس الماف
اخوكم اشرف

رد: ارجو الافاده من اصحاب الاوبل فيكترا 1996
 

للاسف استاذ اشرف العجمي فقير جدااا في صنيعية الاوبل
والي موجود شغال في كلة اما دولا تخصص
ممكن تجربهم
وان شاء الله الاوبل عمرها مابتقل باصلها مرة واحدة عشرية
وتستحملك لاقرب ميكانيكي
حماده 01222816689
تخصص عفشه وعنده جلب مقصات وبيض مقصات اوبل
السيوف دوران المطافى على قمه الشارع سوسو كرم (عالم الفرامل)
...
ناصر 01224054362
ميكانيكى اوبل. السيوف
....
عماد الشافعى 01003830724
ميكانيكى اوبل. السيوف
....
وهناك امام قرية عبد الوهاب بالسيوف ماشاء الله محلات قطع غيار اوبل كتير
زي الي في صلاح الدين
يعني صنيعية وقطع غيار جمب بعض
جرب مرة كدة وشوف انطباعك
معلش انا بصين عربيتي في الاغلب بنفسي او في القاهرة بحكم عملي

رد: ارجو الافاده من اصحاب الاوبل فيكترا 1996
 

مشكور اخونا الفاضل عمرو السيسي
وبالنسبة لسعر الـ abs كدة يبقى فى اسكندرية ارخص
لانى كنت فى الحرفيين عند هانى العايدى وكان زبون بيشترية منة بـ 1500 بس اللى من غير تعديل مواسير